यूहन्‍ना 13:23 - Sunuwar Bible

²³ येसु आ नेल्‍ल क्‍येङा दाक्‍शो शेंसीब येसु आ नेक्‍था बाक्‍त। यूहन्‍ना १९:२६; यूहन्‍ना २०:२; यूहन्‍ना २१:२०

यूहन्‍ना 13:23 ပူးပေါင်းရင်းမြစ်များ

२ सामुएल 12:3

मेको प्रुङग मुर के पाठी का ला बाक्‍माक्‍त। मेको कली ग्‍याप्‍शो बाक्‍माक्‍त। मेको पाठी कली थुल्‍शा, आ आलपुकी नु कोल्‍पदा बाक्‍त। मिनु मेकोमी मेको आ भाग जशा तूशा बाक्‍बाक्‍माक्‍त। मेको आ थुकुमीन इप्‍बाक्‍माक्‍त। मिनु मेको मुरुमी मेको पाठी कली आ तमी खोदेंशोन पाइक्‍बाक्‍माक्‍त।

१ राजा 4:5

नाथान आ तौ अजारयाह सासन पाइब आन ठेयब मुर बाक्‍माक्‍त। नाथान आ तौ जाबुद चढ़ेब नु पिप आ वारच बाक्‍माक्‍त।

लूका 16:22

मिनु लाजरस शुश श्‍येत जशा बेक्‍माक्‍त। मिनु परमप्रभु यावे आ स्‍वर्ग ङा गेय पाइबमी अब्राहाम आ थुकुमी वोदमे बाक्‍त। मेको नोले शोंप पाइश्‍शो मुर यो बेक्‍शा थिम्‍चा पुंइसे बाक्‍त।

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 11:3

मिनु मेको समी निक्‍शीमी मुर का कली येसु आ बाक्‍तीक सोइश्‍शा “प्रभु, इन दाक्‍शो वारच रोइ पाप्‍तु” दे येसु कली ब्रेप्‍पत्‍से बाक्‍त।

यूहन्‍ना 11:36

यहूदीपुकीमी येसु कली ङाक्‍शो तशा “कोव़ङीन, येसुमी मेको कली यो शुश दाक्‍शो बाक्‍माक्‍त” देंतेक्‍म।

यूहन्‍ना 11:5

येसुमी मारथा नु मरीयम वोबु नु आस लोक्‍ब लाजरस आन कली दाक्‍शो बाक्‍माक्‍त।

यूहन्‍ना 13:24

मिनु सिमोन पत्रुसमी मेको कली “सु आ पर्बम लोव़ पवा, हिल्‍लो पावो। मिनु आंइ कली देनो” देंत।

यूहन्‍ना 13:25

मिनु येसु आ नेक्‍था बाक्‍शो शेंसीबमी “प्रभु, मेको सु बाक्‍मे?” दे येसु कली हिल्‍लो पाप्‍तु।

यूहन्‍ना 19:26

मिनु येसुमी आ ममा कली “आं ममा, मेको कली इ तौ मिम्‍तो” दे माइक्‍तु। यूहन्‍ना १३:२३

यूहन्‍ना 20:2

मिनु फुल्‍लु तिल्‍शो तशा, दोरशा लशा, सिमोन पत्रुस नु येसु आ दाक्‍शो शेंसीब आस बाक्‍तीक जाक्‍त। मिनु “प्रभु कली बेक्‍शो मुर वोइक्‍तीक पुक्‍खी रे लदमे बाक्‍त। ते वोदमे?” दे हिल्‍लो पाप्‍तु। यूहन्‍ना १३:२३

यूहन्‍ना 21:20

मिनु पत्रुसमी येसु आ नोले खोइश्‍शा, फिर लेश्‍शा कोव़ङानु, येसु आ दाक्‍शो शेंसीब आस नोले खोइश्‍शो ताप्‍तु। मेको शेंसीब सु बाक्‍त देंशा हना, ङोंइती नाक्‍दो ङा खमे जची ना येसु नु बाक्‍शो बाक्‍त। मेको “प्रभु, इन कली साइक्‍ब आन कली वारच पाइब सु में?” दे हिल्‍लो पाइब बाक्‍त। यूहन्‍ना १३:२३-२५

यूहन्‍ना 21:24

येसुमी “एको मबेक्‍ब” देंशो शेंसीब सु बाक्‍त देंशा हना, एको किताब ब्रेक्‍ब बाक्‍त। मिनु मेको आ ब्रेक्‍शो नेल्‍ल थमा बाक्‍ब, दे तुइक्‍नीकी। यूहन्‍ना १५:२७

यूहन्‍ना 21:7

मोदेंशो तशा, येसु आ नेल्‍ल क्‍येङा दाक्‍शो शेंसीबमी पत्रुस कली “प्रभु बाक्‍ब” दे माइक्‍तु। मिनु सिमोन पत्रुसमी “प्रभु बाक्‍ब” देंशो नेंशा, आ ङोंइती प्रुइश्‍शो वा लेंशा फेक्‍साक्‍व। मिनु ब्‍वाक्‍कुमी प्रेक्‍त। यूहन्‍ना १३:२३