यूहन्‍ना 13:1 - Sunuwar Bible

¹ येसुमी पास्‍सा चाड ङोंइती “मुल रागी रे आं आफ आ बाक्‍तीक लची नाक्‍त जाक्‍त” दे तुइक्‍ताक्‍व। मिनु येसुमी नेल्‍ल क्‍येङा नोले ङा नाक्‍त सम्‍म रागीमी बाक्‍शो आ मुर आन कली दाक्‍शो बाक्‍त। यूहन्‍ना ७:३०; यूहन्‍ना १७:१

यूहन्‍ना 13:1 ပူးပေါင်းရင်းမြစ်များ

हितोपदेस 8:31

मिनु आ मुरपुकीम ब्रीशो रागी तशा ग्‍येरसाक्‍यी। गो मुर आन कली तशा ग्‍येरसाक्‍यी।

येरमीया 31:3

परमप्रभु यावे ङोन आ बाक्‍तीके रे जाक्‍ब। मिनु मेकोमी ‘गो इ कली गेना हना यो लीब दाक्‍तीकेम दाक्‍ताक्‍‍न। मोपतीके गो इ कली दाक्‍चा मप्रोंइनु‍ङ।

मत्ती 26:45

मिनु लेश्‍शा, शेंसीब आन बाक्‍तीकेमी जाक्‍शा, मेको आन कली “इन दशो सानी, दे मुल यो इप्‍शो बाक्‍नी? तुइक्‍तीन, रागीम जरमेशो पापी आन गुइमी गेचा पुंइसीचा चिक्‍ताक्‍व।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

लूका 22:53

नाक्‍त किंत किंत परमप्रभु यावे आ खिंमी गेपुकी नु काथा बाक्‍ङानु, मग्‍याइक्‍तीनी। मुल चहिं छिङछिङ ङा सक्ति नु इन पालो जाक्‍त” दे माइक्‍मी बाक्‍त। यूहन्‍ना ७:३०; यूहन्‍ना ८:२०

लूका 9:51

मिनु येसुमी परमप्रभु यावे आ बाक्‍तीके लची नाक्‍त आं नेक्‍था जाक्‍शो तुइश्‍शा, यरूसलेम लचा थुं पवा बाक्‍त। मर्कूस १०:३२

यूहन्‍ना 11:55

मिनु यहूदी आन पास्‍सा चाड जाक्‍चशो बाक्‍त। पहाड ङा शुश मुरपुकी आंम कली ठीक सेल्‍चा, दे पास्‍सा चाड आ ङोंइती यरूसलेम लाइबाक्‍मा बाक्‍त। २इतिहास ३०:१७-१८

यूहन्‍ना 12:23

मिनु येसुमी “मुल रागीमी जरमेशो परमप्रभु यावे आ बाक्‍तीक लाइब। मिनु ठेयब सेल्‍चा पुंइसीब।

यूहन्‍ना 13:29

का निक्‍शीमी “यहूदामी क्‍येट आ थैली कुरशो बाक्‍ब। मिनु येसुमी मेको कली पास्‍सा नाक्‍त कली ‘मार मार माल्‍नया, मेको ग्‍याप्‍थ लावो, दे मदा कों, प्रुङग आन कली क्‍येट योक्‍शा गेवो’ दे मदा कों?” दे मिम्‍ताक्‍म।

यूहन्‍ना 13:3

मिनु येसुमी “आं आफोमी आं कली नेल्‍ल सक्ति गेती। गो परमप्रभु यावे रे जाक्‍शो नङ। मिनु परमप्रभु यावे आ बाक्‍तीके लेत्‍नुङ” दे तुइश्‍शा, यूहन्‍ना ३:३५; यूहन्‍ना १६:२८

यूहन्‍ना 13:34

मिनु इन कली नक अरेशो लोव़ का पाइनुङ। मार लोव़ पाइनुङ देंशा हना, गेपुकी दाक्‍मुने। गोम इन कली दाक्‍शो खोदेंशो पा गेपुकी यो दाक्‍मुने। यूहन्‍ना १५:१२,१३,१७

यूहन्‍ना 14:28

‘गो लाइनुङ। मिनु लेंशा जाक्‍नुङ’ दे आं देंशो नेंतीनी। गेपुकी आं कली दाक्‍ताक्‍यीनी हना, ग्‍येरसीनी वा। मारदे हना गो आं आफ आ बाक्‍तीक लाइनुङ। आं आफ चहिं आं क्‍येङा ठेयब बाक्‍ब।

यूहन्‍ना 14:31

गो आं आफ आ देंशो पाइनुङ। मो पङानु, गो आं आफ कली दाक्‍नुङ, दे रागी रागी ङा मुरपुकीमी तुइक्‍तमेक्‍ल। लो बोक्‍कीन, गाक्‍य” देंत। यूहन्‍ना १०:१८

यूहन्‍ना 16:28

गो आं आफ रे रागीमी जाक्‍ती। लेंशा रागी रे पा, आं आफ आ बाक्‍तीक लाइनुङ” देंत।

यूहन्‍ना 17:1

मिनु येसुमी मेको लोव़ पने थुम्‍शा, सरीङ गे कोव़शा “आं आफ, आं लची जाक्‍त, इन सक्ति गेयीनी। मिनु गो इन सक्ति कोंइनुङ।

यूहन्‍ना 17:16

गो रागी ङा मनङ। मिनु आं खोदेंशो पा मेकोपुकी यो रागी ङा मनम।

यूहन्‍ना 17:26

गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

यूहन्‍ना 17:5

आं आफ, रागी सेल्‍चा क्‍येङा ङोंइती गे नु इन छेङछेङमी बाक्‍ती। मुल लेंशा इन बाक्‍तीक जाक्‍चा चिक्‍ताक्‍ङ। ङोंइती ङा खोदेंशो पा गे नु इन छेङछेङमी बाक्‍चा गेयीनी। यूहन्‍ना १:१; फिलिप्‍पी २:६

यूहन्‍ना 18:4

मिनु येसुमी “आं कली ग्‍याइक्‍थ जाक्‍तेक्‍म” दे तुइश्‍शा, मेको आन नेक्‍था लशा “सु कली माल्‍नी?” दे हिल्‍लो पाप्‍तु।

यूहन्‍ना 19:28

मिनु नोले येसुमी “आं गेय पचा नुप्‍त” दे तुइक्‍ताक्‍व। मिनु परमप्रभु यावे आ ब्रेक्‍पाइश्‍शो लोव़ थमा दुम्‍चा कली येसुमी “गो तूतू दाक्‍ती” देंत। भजन संग्रह २२:१५

यूहन्‍ना 2:13

मिनु यहूदी आन पास्‍सा चाड जाक्‍चशो बाक्‍‍त। मोपतीके येसु यरूसलेम सहर लत। यूहन्‍ना ५:१; यूहन्‍ना ७:१०; मत्ती २०:१८; मर्कूस ११:१; लूका १९:२८

यूहन्‍ना 6:4

मेना यहूदी आन पास्‍सा चाड जाक्‍चशो बाक्‍त। मोपतीके शुश मुर लांम गाक्‍शो बाक्‍तीक येसु आ नेक्‍था जाक्‍तेक्‍म। यूहन्‍ना २:१८; यूहन्‍ना ११:५५

यूहन्‍ना 7:30

मिनु यहूदीपुकीमी येसु कली ग्‍याइक्‍चा माल्‍तेक्‍म। तन्‍न सुइमी मग्‍याइक्‍तेम। मारदे हना येसु कली ग्‍याइक्‍ची ना मजाक्‍शो बाक्‍त। यूहन्‍ना ८:२०; लूका २३:५२

यूहन्‍ना 7:6

मिनु येसुमी आ लोक्‍ब आन कली “मुल सम्‍म आं लची मजा। गेपुकी लने चाप्‍नीनी। यूहन्‍ना २:४

यूहन्‍ना 8:20

येसुमी परमप्रभु यावे आ खिं ङा शोंप वोइक्‍तीक कोठा आ ङोंइती बाक्‍शा, मोदेंशो शेंशो बाक्‍त। परमप्रभु यावे आ खिंमी बाक्‍शा शेंशा यो, सुइमी मग्‍याइक्‍तेम। मारदे हना मेको कली ग्‍याइक्‍ची ना मजाक्‍शो बाक्‍त। यूहन्‍ना ७:३०

रोमी 8:37

मो दुम्‍त हना यो, मारेइ पने मचाप्‍नीम, मारदे हना येसु ख्रीस्‍तमी इं कली दाक्‍शा, गेनायो मप्रोंइब। मोपतीके सिक्‍सी पा ग्रानय। १यूहन्‍ना ५:४

१ कोरिन्‍थी 1:8

इं प्रभु येसु ख्रीस्‍त जाक्‍म नाक्‍ती आ ङोंइती ठीक दुम्‍शा, इन कली सक्ति पाइश्‍शो गेय पना पन थिप्‍ब, दे तुइक्‍ताक्‍ङ। मारदे हना इन कली नेल्‍ल क्‍येङा नोले सम्‍म थमा सुइक्‍चा मप्रोंइथु रिम्‍शा बाक्‍तीक सक्ति गेब। फिलिप्‍पी १:६; १थिस्‍सलोनिकी ३:१३

हिब्रू 3:14

इं ङोंइती नाक्‍त ङा थमा सुइक्‍तीके नोले सम्‍म मप्रोंइतय हना, गो ख्रीस्‍त नु थुं का ङा दुम्‍शा बाक्‍नय। हिब्रू ६:११

हिब्रू 3:6

ख्रीस्‍तम चहिं परमप्रभु यावे आ खिंमी आ तौ दुम्‍शा, रिम्‍शो गेय पाप्‍तु। मिनु गो मेको कली आस पा थमा सुइक्‍चा मप्रोंइतय हना, गो आ खिं बाक्‍नय। एफिसी २:१९; १पत्रुस २:५

हिब्रू 6:11

गे नेल्‍लेमी नेल्‍ल क्‍येङा नोले सम्‍म “परमप्रभु यावे आ देंशो नेल्‍ल जाक्‍दीप्‍ब” दे थमा सुइक्‍चा मप्रोंइतीक सक्ति तने, दे मिम्‍नीकी। हिब्रू ३:१४; फिलिप्‍पी १:६

१ पत्रुस 1:13

मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६

१ यूहन्‍ना 4:19

गोपुकी चहिं परमप्रभु यावे कली मारदे दाक्‍नय देंशा हना, मेकोमी ङोंइती इं कली शुश दाक्‍ताक्‍व।

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३