यूहन्‍ना 12:6 - Sunuwar Bible

⁶ यहूदामी प्रुङग आन कली शिशी पा मिम्‍शा ममाइ, तन्‍न क्‍येट कुरशा, क्‍येट खुइ पना पन बाक्‍बाक्‍माक्‍त। यूहन्‍ना १३:२९

यूहन्‍ना 12:6 ပူးပေါင်းရင်းမြစ်များ

भजन संग्रह 14:1

मूर्खपुकीमी “परमप्रभु मबाक्‍ब” दे मिम्‍नीम। मेकोपुकी ग्रांग्रा दिचा ङा दुम्‍शा, मरिम्‍शो गेय पाइनीम। मेको आन दातेमी रिम्‍शो पाइब सुइ मबाक्‍नीम।

हितोपदेस 29:7

ठीक पाइब मुरुम प्रुङग आन कली दोपा ठीक पचा, दे तुइक्‍नीम। तन्‍न परमप्रभु यावे आ अरेशो मटीबपुकीमी मारेइ मरुप्‍‍नीम।

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

मत्ती 21:13

मिनु “ ‘आं खिं आं कली मान पतीके बाक्‍ब’ दे ब्रेक्‍शो बाक्‍ब। गेपुकीमी चहिं खुइ आन बाक्‍तीके पुक्‍खी सेल्‍तीनी” दे हुइक्‍ताक्‍मी। यसैया ५६:७, येरमीया ७:११

लूका 8:3

का हेरोद आ गेय पाइब कूजा आ मीश योअन्‍ना बाक्‍माक्‍त। का सुसन्‍ना बाक्‍माक्‍त। मिनु अरु मीश मुरपुकी यो बाक्‍मा बाक्‍त। मेको मीश मुरपुकीमी आन बाक्‍शो थोव़क रे येसु नु आ शेंसीब आन कली मार मार माल्‍‍मा, मेको गेशा, वारच पाइक्‍बाक्‍मा बाक्‍त। मर्कूस १५:४०-४१

यूहन्‍ना 10:13

मिनु मेको वोइश्‍शो गोठला प्रोक्‍ब। मारदे हना भेडा आइक्‍के मनम, मोपतीके रिम्‍शो पा मकोव़ब।

यूहन्‍ना 12:5

मेकोमी “मारदे सहे सां देनारमी मेको तेल लेयशा, प्रुङग आन कली मयोक्‍गा?” दे लोव़ पाप्‍तु। देनार का नाक्‍त का ङा गाल्‍च बाक्‍त।

यूहन्‍ना 13:29

का निक्‍शीमी “यहूदामी क्‍येट आ थैली कुरशो बाक्‍ब। मिनु येसुमी मेको कली पास्‍सा नाक्‍त कली ‘मार मार माल्‍नया, मेको ग्‍याप्‍थ लावो, दे मदा कों, प्रुङग आन कली क्‍येट योक्‍शा गेवो’ दे मदा कों?” दे मिम्‍ताक्‍म।

१ कोरिन्‍थी 6:10

खुइ पाइनीमी, शिं‍म पाइनीमी, शांबु राकसीमी दुक्‍शा गाक्‍नीमी, शुक्‍शी लोव़ पा गाक्‍नीमी, मुर आन के बाक्‍शो थोव़क रोइश्‍शा, श्‍येत गेनीमी। मोदेंशो पाइबपुकी परमप्रभु यावे आ राज्‍यम ओव़चा मताइनीम।

गलाती 2:10

मिनु दोपा शेंचा, मार शेंचा, दे मारेइ मदेंम। मथीब आन कली शिशी पाइक्‍चा ला देंतेक्‍म। मेको आन लोव़ टिशा, शुश आन कली शिशी पाइक्‍तामी। प्रेरित ११:२९-३०; २कोरिन्‍थी ८:९

१ थिस्‍सलोनिकी 5:22

नेल्‍ल ग्रांग्रा दिचा ङा गेय क्‍येङा ङोन बाक्‍कीन।

याकूब 2:2

थम दारशो वा फेक्‍शो नु सुन के औंठी पांइशो मुर का नु जेक्‍शो वा फेक्‍शो प्रुङग मुर का इन ग्रुम्‍तीक खिंमी जाक्‍ताक्‍स हना,

याकूब 2:6

गे चहिं प्रुङग आन कली दिप्‍नीनी। मेको शुश क्‍येट थीब मुरपुकी इन कली श्‍येत गेब मुर मनमी ङा? मेकोपुकीमी इन कली अडडाम मचाक्‍दीत्‍नीमी ङा?