यूहन्‍ना 12:50 - Sunuwar Bible

⁵⁰ मेको आ देंशो लोव़ मार बाक्‍ब देंशा हना, गेना हना यो ब्रोंइशा बाक्‍चा गेब लोव़ बाक्‍ब। मेको आं आफोमी आं कली दें‍शो लोव़ बाक्‍ब। मोपतीके आं पशो लोव़ आं आफोमी आं कली ङोंइती देंशो लोव़ बाक्‍ब” दे येसुमी मुर आन कली माइक्‍तीमी।

यूहन्‍ना 12:50 ပူးပေါင်းရင်းမြစ်များ

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 5:19

मिनु येसुमी यहूदी आन कली “नोफा दाइश्‍शा नेनीन, आं आफोमी मार पाइबा, आ तौमी मेको मतवा सम्‍म मारेइ पने मचाप्‍ब। मिनु आफोमी दोदेंशो पाइबा, तौमी मोदेंशोन पाइब। यूहन्‍ना ३:११,३२

यूहन्‍ना 6:63

परमप्रभु यावे आ सोक्‍त ब्रोंइचा गेब बाक्‍ब। मुरुम चहिं मारेइ पने मचाप्‍नीम। आं देंशो लोव़ परमप्रभु यावे आ सोक्‍ती ङा ब्रोंइचा गेब लोव़ बाक्‍ब।

यूहन्‍ना 6:68

मिनु सिमोन पत्रुसमी “प्रभु, गो सु का आ नोले खोइक्‍नीकी? गे गेना हना यो ब्रोंइशा बाक्‍चा ङा लोव़ पाइनीनी।

यूहन्‍ना 8:28

येसुमी “गेपुकी रागीमी जरमेशो कली क्‍युक्‍नीनु, गो सु नङा, दे तुइक्‍नीनी। मिनु गो आंमा मिम्‍शो मारेइ मपाइनुङ। तन्‍न आं आफोमी आं कली दोदेंशो शेंदा, मोदेंशो लोव़ इन कली शेंनुङ। यूहन्‍ना ३:१४; यूहन्‍ना १२:३२

ब्‍यवस्‍था 18:18

मिनु परमप्रभु यावेमी आं कली ‘इ खोदेंशो पा आं लोव़ पाइब, आन लोक्‍ब आन दाते रे का योव़नुङ। आं देंचा माल्‍शो लोव़ गो मेको कली देंपाइक्‍नुङ। मिनु आं अरेशो लोव़ मेकोमी नेल्‍ले मुर आन कली देंब। प्रस्‍थान ४:१२; यसैया ६:८; येरमीया १:९; मत्ती १०:१९

१ तिमोथी 1:16

गो परमप्रभु यावे आ शिशी मारदे ताता देंशा हना, गो नेल्‍ल क्‍येङा मरिम्‍शो पाइब दुम्‍ती हना यो, येसु ख्रीस्‍त आ फाल्‍तीक सक्ति कोंइचा, दे शिशी ताता। मेको कोंइतीके नोले थमा सुइक्‍ब नु गेना हना यो, परमप्रभु यावे नु बाक्‍चा ताइब आन कली बाक्‍ब।

१ यूहन्‍ना 2:25

परमप्रभु यावेमी “गो इन कली गेना हना यो ब्रोंइशा बाक्‍चा गेनुङ” देंशो बाक्‍ब।

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३