यूहन्‍ना 12:48 - Sunuwar Bible

⁴⁸ सुम आं कली मब्रथु, आं देंशो लोव़ मपाइबा, मेको कली निसाफ पाइब का बाक्‍ब। मेको निसाफ पाइब सु बाक्‍ब देंशा हना, आं देंशो लोव़ बाक्‍ब। एको लोव़मी मेको कली नोले ङा नाक्‍ती निसाफ पाइब।

यूहन्‍ना 12:48 ပူးပေါင်းရင်းမြစ်များ

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२

मत्ती 10:15

नोफा दाइश्‍शा नेनीने, निसाफ पची नाक्‍त सोदोम नु गोमोररा सहर निक्‍शीमी बाक्‍ब मुर आन क्‍येङा इन लोव़ मनेंब मटीबपुकीमी शुश सजाइ ताइनीम। उत्‍पत्ती १९:१-२९

मत्ती 21:42

मिनु येसुमी “ओदेंशो ब्रेक्‍शो लोव़ मपढेनी? ‘खिं सेल्‍बपुकीमी गारो प्रोङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त। परमप्रभु यावेमी मोदेंशो पशो बाक्‍त। मिनु मेको इं दातेमी छक लाक्‍चा ङा बाक्‍ब’ दे ब्रेक्‍शो बाक्‍ब।। भजन संग्रह ११८:२२-२३; प्रेरित ४:११; १पत्रुस २:४-८

मत्ती 25:31

रागीम जरमेशो परमप्रभु यावे आ स्‍वर्ग ङा गेय पाइबपुकी नु आ छेङछेङमी जाक्‍शा, आ ठेयब नित्‍तीकेम निस्‍सीब। मत्ती १६:२७; प्रकाश २०:११-१३

मर्कूस 12:10

‘खिं सेल्‍बपुकीमी गारो प्रोव़ङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त’ दे ब्रेक्‍शो लोव़ मपढेनी?

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

मर्कूस 8:31

मिनु येसुमी आ शेंसीब आन कली “रागीम जरमेशोमी शुश श्‍येत जचा माल्‍ब। जोक्‍ब तुइक्‍ब खाल्‍पा , ठेयब चढ़ेब नु सास्‍त्रीपुकीमी मेको कली मब्राइनीम, साइक्‍पाइक्‍नीम। मिनु बेक्‍शो आ नित्‍थ नाक्‍ती सेंसीब” दे लोव़ मख्रुइक्‍थु शेंदीमी बाक्‍त। मर्कूस ४:३१; मर्कूस १०:३२-३४

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

लूका 17:25

मोपा तपांइसीचा क्‍येङा ङोंइती शुश श्‍येत जचा माल्‍ब। मारदे हना एको पाला ङा मुरपुकीमी आं कली मब्रथु, आं लोव़ मनेंनीम, थमा मसुइक्‍नीम। लूका ९:२२

लूका 20:17

मिनु येसुमी आ लोव़ नेंब आन कली मिक्‍च मयाक्‍थु कोव़शा “परमप्रभु यावेमी ब्रेक्‍पाइश्‍शो एको लोव़ रे मार रुम्‍सीबा, लो देनीन ‘खिं सेल्‍बपुकीमी गारो प्रोव़ङमेनु, एको फुल्‍लु मगार’ दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त। भजन संग्रह ११८:२२

लूका 7:30

फरिसी नु सास्‍त्रीपुकीमी चहिं यूहन्‍ना आ लोव़ नेंशा “ब्‍वाक्‍कुम मख्रुम्‍पांइसीनीकी” दे परमप्रभु यावे कली थमा मसुइक्‍थु बाक्‍मा बाक्‍त। मेकोपुकीमी परमप्रभु आ पावो, दे देंशो लोव़ मपामे बाक्‍त। प्रेरित १३:४६

लूका 9:22

येसुमी “रागीम जरमेशोमी शुश श्‍येत जचा माल्‍ब। जोक्‍ब तुइक्‍ब खाल्‍पापुकी, ठेयब चढ़ेबपुकी नु सास्‍त्रीपुकीमी मेको कली मब्रथु साइक्‍पाइक्‍नीम। मिनु बेक्‍शो आ नित्‍थ नाक्‍ती सेंसीब” दे शेंदीमी बाक्‍त। लूका ९:४४-४५; लूका १८:३१-३४

लूका 9:26

सुमी आं पर्बम नु आं लोव़ आं पर्बम देंचा कली मुने पाइबा, मेको आ पर्बम रागीम जरमेशोमी, आ आफ आ छेङछेङमी, परमप्रभु यावे आ स्‍वर्ग ङा गेय पाइबपुकी नु जाक्‍मेनु ‘मेको कली मतुइक्‍नुङ, सु बाक्‍मे?’ देंब। मत्ती १०:३३; २तिमोथी १:८

यूहन्‍ना 11:24

मिनु मारथामी “नोले ङा नाक्‍ती आंस लोक्‍ब सेंसीब दे गो तुइक्‍नुङ” देंत।

यूहन्‍ना 5:45

गो परमप्रभु यावे आ ङोंइती इन कली दोस गेनन्‍नी, दे ममिम्‍तीन। गे मोसामी ब्रेक्‍शो लोव़मी आस पाइनीनी। तन्‍न मेको मोसा आ ब्रेक्‍शो लोव़मी इन कली दोस गेब। ब्‍यवस्‍था ३१:२४-२७

यूहन्‍ना 6:39

मिनु आं कली सोइक्‍ब आ दाक्‍शो मार बाक्‍ब देंशा हना, आं कली गेशो मुर का यो मसाम्‍चा, नु नोले ङा नाक्‍तीमी मेको आन कली सेंपाइक्‍चा बाक्‍ब। यूहन्‍ना १०:२८-२९; यूहन्‍ना १७:१२

यूहन्‍ना 8:47

सु चहिं परमप्रभु यावे रे जाक्‍बा, मेको परमप्रभु यावे आ लोव़ नेंब। गेपुकी परमप्रभु यावे रे मजाक्‍नी। मोपतीके परमप्रभु यावे आ लोव़ नेंने मचाप्‍नीनी” दे माइक्‍तीमी। यूहन्‍ना १८:३७

प्रेरित 17:31

मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३

प्रेरित 3:23

सु सुमी आ लोव़ मटीमे, मेकोपुकी जाम्‍शा लाइनीम’ दे देंशो बाक्‍त।

रोमी 2:16

मिनु परमप्रभु यावे आ निसाफ पची नाक्‍त मुर आन ख्रुइश्‍शा पशो कली निसाफ पाइ‍ब। आं शेंशो ग्‍येरपाइक्‍तीक लोव़ परमप्रभु यावेमी येसु ख्रीस्‍त आ पतीकेमी निसाफ पाइब। लूका ८:१७

२ कोरिन्‍थी 4:3

आंइ शेंशो ग्‍येरपाइक्‍तीक लोव़ वाम गिल्‍सीशो बाक्‍त हना यो, जाम्‍शा लाइब मुर कली ला मोपा गिल्सीशो बाक्‍ब। १कोरिन्‍थी १:१८

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

हिब्रू 10:25

थमा सुइक्‍ब आन ग्रुम्‍तीके लशा, लोव़ नेंचा मप्रोनीन। का निक्‍शी लचा मदाक्‍ब दुम्‍शो बाक्‍तेक्‍म। मोपतीके “लचा माल्‍ब” देंचा मप्रोनीन। येसु ख्रीस्‍त लेंशा जाक्‍चशो बाक्‍ब, दे मप्रेंथु बाक्‍कीन। हिब्रू ३:१३; रोमी १३:११-१२

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८

२ पत्रुस 3:3

नोले ङा नाक्‍त शुक्‍शी पाइबपुकी जाक्‍नीमी, दे तुइक्‍चा माल्‍नीनी। मेकोपुकीमी शुक्‍शी पा, आंम दला दाक्‍स पाइनीम। १तिमोथी ४:१; यहूदा:१८

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।

१ सामुएल 10:19

तन्‍न मुलाक्‍ती गे इन कली हिंचा ङा श्‍येत नु मरिम्‍शो रे प्रोंइब इन परमप्रभु कली प्रोंइतीनी। मिनु गेपुकीमी ‘आंइ कली पिप का योव़शा गेने’ देंतीनी। मोपतीके मुल परमप्रभु यावे आ ङोंइती इन थर थर नु खिं खिं ङा मुर पा रपीन” दे माइक्‍मी बाक्‍त। १सामुएल ८:७

१ सामुएल 8:7

मिनु परमप्रभु यावेमी सामुएल कली “मुरुम मार मार देंमा, मेको नेल्‍ल नेनो। मारदे हना मेकोपुकीम इ कली प्रोंइशो ममाइ, आं कली प्रोंइशो नम। मेकोपुकीम आं कली आन पिप दुम्‍शो मदाक्‍शो नम। प्रस्‍थान १५:१८; गन्‍ती २३:२१; ब्‍यवस्‍था ३३:५; भजन संग्रह २४:७-१०; भजन संग्रह ७४:१२; यसैया ६:५