यूहन्‍ना 12:44 - Sunuwar Bible

⁴⁴ मिनु येसुमी ठेयब सेंदा पशा “आं कली थमा सुइक्‍बमी आन थमा सुइश्‍शो आं कली ला ममाइ, तन्‍न आं कली सोइक्‍ब कली यो थमा सुइश्‍शो नम।

यूहन्‍ना 12:44 ပူးပေါင်းရင်းမြစ်များ

हितोपदेस 1:20

लां मेर तुइक्‍‍तीके लोव़ नेंसीब। सहर मेर आ सेंदा ग्रूब। हितोपदेस ८:१-३

हितोपदेस 8:1

तुइक्‍‍तीकेमी लोव़ मपाइबा ङा? रुप्‍‍तीकेमी ठेयब सेंदा पा मब्रेप्‍बा ङा? हितोपदेस १:२०-२३

मत्ती 10:40

इन कली ब्राइबमी आं कली ब्राइब। मिनु आं कली ब्राइबमी आं कली सोइक्‍ब कली यो ब्राइब।

मर्कूस 9:23

मिनु येसुमी “गे मारेइ पने चाप्‍नीनी कों देंनीनी। तन्‍न सु सुमी गेन चाप्‍नीनी देंशा, थमा सुइक्‍नीमी, मेकोपुकीमी आन पुंइशो ताइनीम” देंमाक्‍त।

मर्कूस 9:37

“सुमी आं नेंमी ओदेंशो आल कली ब्राइबा, मेकोमी आं कली ब्राइब। आं कली ब्राइबमी आं कली ममाइ, तन्‍न आं कली सोइक्‍ब कली यो ब्राइब” दे माइक्‍मी बाक्‍त। मत्ती १०:४०

यूहन्‍ना 11:43

मिनु मो देंशा, ठेयब सेंदा पा येसुमी “ए, लाजरस, ग्रूङो” दे ब्रेत्‍ताक्‍व।

यूहन्‍ना 13:20

नोफा दाइश्‍शा नेनीन। सुमी आं सोइश्‍शो कली ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्‍ब कली यो ब्राइब” देंत। मत्ती १०:४०

यूहन्‍ना 5:24

नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

यूहन्‍ना 7:28

मोपतीके येसुमी परमप्रभु यावे आ खिंमी मुर आन कली ठेयब सेंदा पा “गेपुकीमी आं कली तुइक्‍नीनी। मिनु गो ते ङा नङ, मेको यो तुइक्‍नीनी? आंमा मिम्‍शा मजाक्‍ङ। तन्‍न आं कली सोइक्‍ब थमा पा परमप्रभु यावे बाक्‍ब। मिनु गेपुकीमी मेको कली मतुइक्‍नीनी।

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।