यूहन्‍ना 12:43 - Sunuwar Bible

⁴³ मारदे हना मेकोपुकीमी “आंइ पर्बमी मुरपुकीमी मार देंनीमी” दे परमप्रभु यावे क्‍येङा मुरपुकी तशा हिंतेक्‍म। यूहन्‍ना ५:४४

यूहन्‍ना 12:43 ပူးပေါင်းရင်းမြစ်များ

भजन संग्रह 22:29

रागी रागी ङा जाइब तूब, शुश क्‍येट थीबपुकी परमप्रभु आ ङोंइती बाप्‍नीम। मिनु बेक्‍शा, फुरक दुम्‍ब नेल्‍ले मेको आ ङोंइती बाप्‍नीम।

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

मत्ती 6:2

श्‍येत जाइब, मथीब आन कली मारेइ गेनीनु, इन ङोंइती तुराही मतापीने। कपटीपुकीमी ग्रुम्‍तीक खिंमी, लांमी मुर आन कली आन रिम्‍शो पतीके कोंइशा ठेयब सेल्‍पांइसीनीम। नोफा दाइश्‍शा नेनीने, मेको आन तचा ङा इनाम मारेइ मलीब। १कोरिन्‍थी १३:३

लूका 16:15

मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४

लूका 19:17

‘गे रिम्‍शो गेय पाइब बाक्‍ते, आइक्‍च गेयमी रिम्‍शो पाप्‍तीवी। मोपतीके १० ओटा सहर कली अधिकार पाइब सेल्‍नन’ देंमाक्‍त। लूका १६:१०

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 5:41

गो मुर आन ठेयब सेल्‍तीके मब्राइ‍नुङ।

यूहन्‍ना 5:44

मोपा गे ठेयब सेल्‍मुइनीनी। तन्‍न का ला परमप्रभु यावेमी इन कली ‘रिम्‍शो ननी’ देंचा मपुंइसीनीनी। आं कली दोपा थमा सुइक्‍ने चाप्‍नीनी ङा? यूहन्‍ना १२:४२-४३; १थिस्‍सलोनिकी २:६

यूहन्‍ना 7:18

सुम चहिं आंम लोव़ शेंबा, मेकोमी आंम कली ठेयब सेल्‍चा दाक्‍ब। आं कली सोइक्‍ब परमप्रभु यावे कली ठेयब सेल्‍चा दाक्‍ब चहिं थमा पा काइ पाप मपाइब बाक्‍ब। यूहन्‍ना ५:४१,४५

यूहन्‍ना 8:54

येसुमी “गो ठेयब सेल्‍साक्‍यी हना, गो ठेयब मदुम्‍नुङ। आं आफोमी चहिं आं कली ठेयब सेल्‍ब। गे आं आफ कली ‘आंइ परमप्रभु यावे’ देंनीनी। यसैया ६३:१६

रोमी 2:29

मार पा यहूदी दुम्‍नीम देंशा हना, मार पचा दुम्‍बा, मार पचा मदुम्‍बा, मेको तुइश्‍शा, परमप्रभु यावे आ सोक्‍तीम थुंम ख्रोइक्‍तीक चिनु ख्रोइश्‍शा ला परमप्रभु यावे आ मुर दुम्‍नीम। मेको आन कली मुरपुकीमी ठेयब मसेल्‍नीम। तन्‍न परमप्रभु यावेमी नेल्‍ल तुइश्‍शा “रिम्‍शो पाइतीनी” देंब। ब्‍यवस्‍था ३०:६; फिलिप्‍पी ३:३; कलस्‍सी २:११

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 10:18

सुमी आंम कली शेंब सेल्‍बा, मेको कली मब्राइनीम। तन्‍न प्रभुमी शेंब सेल्‍शो कली ब्राइनीम। १कोरिन्‍थी ४:५

१ थिस्‍सलोनिकी 2:6

गे नु अरु मुरपुकीमी आंइ कली ठेयब सेलीन, दे मशेंदक।

१ पत्रुस 3:4

मुर आन थुंमी ख्रुइश्‍शो जाम्‍शा मलाइब पांइतीके बाक्‍ब। मेको मार बाक्‍ब देंशा हना, ब्रेम्‍शो नु सिक्‍सी पा बाक्‍तीक थुं बाक्‍ब। मेको परमप्रभु यावे आ ङोंइती शुश रिम्‍शो बाक्‍‍ब।

१ सामुएल 15:30

मिनु सावलमी “गो पाप पाता। मो हना यो खूशो नु इस्राएली आन ङोंइती आं मान ततीक गेने। गो नु लेतीन। मिनु गो परमप्रभु यावे, इन परमप्रभु कली ठेयब सेल्‍नुङ” देंमाक्‍त।

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८