यूहन्‍ना 12:42 - Sunuwar Bible

⁴² ठेयब मुर शुशेमी येसु कली थमा सुइक्‍तेक्‍म। मेकोपुकीमी “फरिसीपुकीमी आंइ कली यहूदी आन ग्रुम्‍तीक खिं रे तिल्‍नीम” दे हिंशा, अरु आन कली “गो थमा सुइक्‍ब दुम्‍तक” दे मदेंम। यूहन्‍ना ९:२२

यूहन्‍ना 12:42 ပူးပေါင်းရင်းမြစ်များ

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

यसैया 57:11

गे सु क्‍येङा शुश हिंशा, जोल पनी? मिनु आं कली मफ्रुक्‍थु ममिम्‍तीनी। गो सिक्‍सी पा बाक्‍शा, आं मिक्‍च क्रिप्‍ताक्‍ङ। मिनु गे आं कली तशा महिंनी? भजन संग्रह ५०:२१

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

येरमीया 38:19

मिनु पिप सिदकीयाहम येरमीया कली “कल्‍दी आन बाक्‍तीकेम प्रोक्‍शा लशो यहूदीपुकी तशा, गो हिंशो बाक्‍नुङ। मारदे हना कल्‍दीपुकीम आं कली मेको आन गुइम जिम्‍मा गेतीमी हना, मेकोपुकीमी आं कली मरिम्‍शो पाइक्‍नीम” देंत।

मत्ती 10:32

सुमी मुर आन कली ‘येसु आ मुर नङ’ देंबा, गो यो स्‍वर्गम बाक्‍ब आं आफ कली ‘एको आं मुर बाक्‍ब’ देंनुङ। प्रकाश ३:५

लूका 12:8

सुमी मुर आन कली ‘गो येसु आ मुर नङ’ देंबा, रागीम जरमेशोमी यो मेको आ पर्बम परमप्रभु यावे आ स्‍वर्ग ङा गेय पाइब आन ङोंइती ‘मेको आं मुर बाक्‍ब’ देंब।

लूका 23:13

मिनु पिलातसमी येसु कली पिप आ वा फेक्‍पा लेश्‍शा चाक्‍शो तशा, ठेयब चढ़ेब, ठेयब मुर नु शुश मुर आन कली खुप्‍शा

लूका 6:22

मुरुमी इन कली आं पर्बम काइ मदाक्‍थु, खेरशा हेला पामेनु, रागीम जरमेशो आ पर्बम इन कली दिप्‍मेनु, गे शुश ग्‍येरसीन। यूहन्‍ना १५:१८-१९

यूहन्‍ना 11:45

मरीयम कली लेम्‍थ जाक्‍शो शुश यहूदीमी मो दुम्‍शो तशा, येसु कली थमा सुइक्‍तेक्‍म।

यूहन्‍ना 12:11

मारदे हना मेको आ पर्बम शुशेमी यहूदी आन शेंतीक प्रोंइशा, येसु कली थमा सुइक्‍तेक्‍म।

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

यूहन्‍ना 19:38

अरीमाथीया गाउं ङा योसेफ माइश्‍शो मुर का बाक्‍त। मेको यहूदी आन कली तशा हिंशा ख्रुइश्‍शा, येसु आ शेंसीब दुम्‍शो बाक्‍त। मेकोमी पिलातस कली “येसु आ बेक्‍शो रां लाइक्‍चा गेयीनी” दे पुना बाक्‍त। मिनु पिलातसमी लाइक्‍चा गेवा बाक्‍त। मिनु योसेफ येसु आ बेक्‍शो रां ब्रथ जाक्‍त। यूहन्‍ना ७:१३

यूहन्‍ना 3:2

मिनु नाक्‍दो मेको मुर येसु आ बाक्‍तीक जाक्‍शा, येसु कली “शेंब, गे परमप्रभु यावे आ सोइश्‍शो शेंब ननी, दे तुइक्‍नीकी। मारदे हना परमप्रभु यावे आ सोइश्‍शोमी ला गे इन खोदेंशो पा छक लाक्‍चा ङा गेय पने चाप्‍ब” देंत।

यूहन्‍ना 7:13

नेल्‍लेमी यहूदी आन क्‍येङा हिंशा, ख्रुइश्‍शो लोव़ पाम्‍तेक्‍म। यूहन्‍ना ९:२२; यूहन्‍ना १२:४२; यूहन्‍ना १९:३८

यूहन्‍ना 7:31

मिनु शुश मुरपुकीमी मेको कली थमा सुइक्‍तेक्‍म। मेकोपुकीमी “ख्रीस्‍त अर्को बाक्‍त हना, मेकोमी एको क्‍येङा शुश छक लाक्‍चा ङा गेय पने चाप्‍बा ङा?” देंतेक्‍म।

यूहन्‍ना 9:22

आ आम आफोमी यहूदी आन क्‍येङा हिंशा मो देंताक्‍स। मारदे हिंसा देंशा हना, यहूदीपुकीमी “सुम सापाइक्‍ब कली ख्रीस्‍त दे थमा सुइक्‍बा, मेको कली यहूदी आन ग्रुम्‍तीक खिं रे तिल्‍चा” दे सल्‍ला पशो बाक्‍तेक्‍म। यूहन्‍ना ७:१३; यूहन्‍ना १२:४२

यूहन्‍ना 9:34

मिनु “गे पापी जरमेशो बाक्‍ते। आंइ कली मार शेंनेवे?” दे हुइश्‍शा, मेको कली ग्रुंइ‍ताक्‍म।

प्रेरित 5:41

मिनु सोइश्‍शोपुकी ग्‍येरसीशा, मेकेर रे लमा बाक्‍त। मारदे हना “येसु आ नेंमी श्‍येत जचा रिम्‍शो दुम्‍ब” देंमा बाक्‍त। मत्ती ५:१०-१२; १पत्रुस ४:१३

रोमी 10:10

मुरुमी मेको थमा सुइश्‍शा, ठीक दुम्‍नीम। मिनु सु सुमी “येसु आं प्रभु बाक्‍ब” दे मुर आन ङोंइती देंबा, मेको ब्रोंइचा ताइनीम, दे तुइक्‍नय।

१ यूहन्‍ना 4:15

सुमी “येसु परमप्रभु यावे आ तौ बाक्‍ब” देंबा, मेको परमप्रभु यावे नु थुं का ङा बाक्‍ब। मिनु परमप्रभु यावे यो मेको नु थुं का ङा बाक्‍ब। १यूहन्‍ना ५:५

१ यूहन्‍ना 4:2

परमप्रभु यावे आ सोक्‍त आ शेंतीके दोपा तुंइ‍सीब देंशा हना, सुमी “येसु ख्रीस्‍त परमप्रभु यावे आ सोइक्‍तीके रागीम जाक्‍त” देंबा, मेको मुर परमप्रभु यावे नु थुं का ङा बाक्‍ब।