यूहन्‍ना 12:40 - Sunuwar Bible

⁴⁰ मिनु यसैयामी “परमप्रभु यावेमी मेको आन कली मिक्‍च मताइब सेल्‍तीमी। मोपा परमप्रभु यावे कली मतुइक्‍नीम। मेको आन कली मटीब सेल्‍तीमी। मोपा मेकोपुकीमी परमप्रभु यावे आ लोव़ रुम्‍ने मचबेम। मिनु परमप्रभु यावे कली ‘आं कली सापतीन’ दे मपुंइनीम” दे यो यसैयामी ब्रेक्‍शो बाक्‍त। मत्ती १३:१४-१५

यूहन्‍ना 12:40 ပူးပေါင်းရင်းမြစ်များ

१ राजा 22:20

मिनु परमप्रभु यावेमी ‘आहाब कली रामोथ-गिलाद नु लडाइ पपाइश्‍शा, मेको कली साइक्‍पाइक्‍चा कली सुम क्‍युक्‍बा?’ दें‍त। मिनु काम लोव़ का पाप्‍तु, अर्कोम अर्को लोव़ पाप्‍तु।

भजन संग्रह 147:3

मेकोमी थुं जिक्‍शो आन कली सापाइक्‍ब। मिनु मेको आन कली वाम फ्रेंब। यसैया ६१:१

भजन संग्रह 41:4

गो “परमप्रभु यावे आं कली शिशी पा सापाइय्‍यीनी। मारदे हना गो इन कली मरिम्‍शो पाता” देंती।

भजन संग्रह 6:2

परमप्रभु यावे, गे आं कली शिशी पने। मारदे हना गो बेक्‍चा चिक्‍शो बाक्‍नुङ। गे आं कली सापाइय्‍यीनी। मारदे हना आं खोइली ख्रिंख्रि पाइब।

प्रस्‍थान 10:1

मिनु परमप्रभु यावेमी मोसा कली “गे फाराओ कली आं चिन्‍डपुकी कोंइचा कली ग्रुम्‍थ लसे। मारदे हना गो मेको नु आ गेय पाइब आन कली काइ मटीब दुम्‍पाइक्‍ता।

प्रस्‍थान 11:10

मोसा नु हारूनमी फाराओ आ ङोंइती मेको छक लाक्‍चा ङा चिन्‍ड मार मार नेल्‍ल पाम्‍ताक्‍स। इस्राएल ङा मुर आन कली लचा मगेवल, दे परमप्रभु यावेमी फाराओ कली काइ मटीब दुम्‍पाइक्‍तु। प्रस्‍थान ४:२१

प्रस्‍थान 14:17

मिनु गोमी इजीप्‍त ङा मुर आन कली काइ मटीब दुम्‍पाइक्‍नुङ। मो दुम्‍मेनु, इस्राएली आन नोले खोइश्‍शा, लल समुन्‍द्र ओव़शा, खेदा पाइनीम। मिनु गो फाराओ आ मुरपुकी, आ बग्‍गी नु आ शारा ङोइक्‍ब नु लडाइ पा आं सक्ति कोंइशा ग्रानुङ।

प्रस्‍थान 14:4

मिनु गो फाराओ आ थुं काइ मटीब दुम्‍पाइक्‍नुङ। मिनु फाराओमी इन कली खेदा पाइब। गो फाराओ नु आ फौज आन कली आं सक्ति कोंइनुङ। मिनु इजीप्‍त रागी ङा मुर नेल्‍लेमी ‘परमप्रभु यावे बाक्‍ब’ दे तुइक्‍नीम” देंत। मिनु मोदेंशो पाम्‍तेक्‍म। प्रस्‍थान ४:२१; इजीकीएल २८:२२

प्रस्‍थान 14:8

मिनु परमप्रभु यावेमी इजीप्‍त रागी ङा फाराओ कली काइ मटीब दुम्‍पाइक्‍तीके इस्राएली आन कली खेदा पामे बाक्‍त। इस्राएली चहिं ठेयब सक्तिमी ग्रूशा गाक्‍तेक्‍म। प्रस्‍थान ३:१९-२०

प्रस्‍थान 4:21

मिनु परमप्रभु यावेमी मोसा कली “इ नोफा दाइश्‍शा नेनो। गे इजीप्‍त रागी जाक्‍दीश्‍शा, गो इ कली पपाइश्‍शो छक लाक्‍चा ङा गेय नेल्‍ल फाराओ आ ङोंइती पावो। गो चहिं मुर आन कली लचा मगेचा ङा पा फाराओ कली काइ मटीब सेल्‍नुङ। प्रस्‍थान ७:३,१३; ब्‍यवस्‍था २९:३; यसैया ६:१०; रोमी ९:१८

प्रस्‍थान 7:13

मिनु परमप्रभु यावेमी देंशो खोदेंशो पा फाराओ काइ मटीब दुम्‍शा, मोसा नु हारून आस देंशो लोव़ मबिस्‍से। प्रस्‍थान ४:२१

प्रस्‍थान 7:3

तन्‍न गो फाराओ कली काइ मटीब सेल्‍नुङ। मिनु गो इजीप्‍त रागीमी शुश चिन्‍ड नु छक लाक्‍चा ङा गेय कोंइनुङ। प्रस्‍थान ४:२१

प्रस्‍थान 9:12

परमप्रभु यावेमी फाराओ कली काइ मटीब दुम्‍पदा बाक्‍त। मिनु मोसा नु हारून आस लोव़ मटिव। परमप्रभु यावेमी मोसा कली ङोंइती दोदेंशो देंमे मोदेंशो दुम्‍त। प्रस्‍थान ४:२१

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 29:10

मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।

यसैया 53:5

तन्‍न मेको आंइ हेंथे पतीके आ पर्बम तुप्‍शा गार सेल्‍चा पुंइसाक्‍व। आंइ मरिम्‍शो पशो आ पर्बम साइक्‍चा पुंइसाक्‍व। आंइ कली पाप रे प्रोंइ‍चा कली सजाइ ताप्‍तु। मेको कली तुप्‍शो गारमी गोपुकी सातक। रोमी ४:२५; १पत्रुस २:२४

यसैया 6:10

मेको आन थुं खकटा सेलो। आन नोफा मनेंब नु आन मिक्‍च मताइब सेलो। मोदेंशो दुम्‍शा, मेको आन मिक्‍च मताइब नु नोफा मनेंब दुम्‍नीम। मोदेंशो मदुम्‍त हना, मेको आं गे लेत्‍नीम। मिनु गो मेको आन कली सापाइक्‍चा माल्‍नुङ” देंत। ब्‍यवस्‍था २९:३; रोमी ११:८

यसैया 6:9

मिनु आं कली “लावो। मेको मुर आन कली ‘नोफा दाइश्‍शा नेंशा यो, मरुप्‍ब दु‍मीन। कोव़शा यो, मतुइक्‍ब दुमीन’ देनो। मत्ती १३:१०-१५; यूहन्‍ना १२:४०; प्रेरित २८:२६-२७

येरमीया 3:22

मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।

येरमीया 5:21

गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।

इजीकीएल 12:2

मार लोव़ पाप्‍तु देंशा हना “ए मुर, गे काइ मटीब खिं ङा मुर आन दातेम बाक्‍शो बाक्‍नेवे। मेको आन के मिक्‍च बाक्‍त हना यो, मताइनीम। मेको आन के नोफा बाक्‍त हना यो, मनेंनीम। येरमीया ५:२१

इजीकीएल 14:9

मिनु सुइ परमप्रभु यावे आ लोव़ पाइबम आ लोव़ मार बाक्‍बा, दे हिल्‍लो पाइब आन कली आंमा थुंम मिम्‍शा लोव़ पाप्‍तु हना, गो मेको कली मोदेंशो पपाइक्‍ता। मिनु गो मेको कली आं गुइ दिंशा, सजाइ गेशा आं मुर इस्राएली आन दाते रे क्‍याम्‍नुङ। १राजा २२:२०-२३

होसे 14:4

मिनु परमप्रभुमी “गो इन नोले शोंइसीशो माफ गेनुङ। गो इन कली शुश शिशी पा दाक्‍नुङ। मारदे हना मुल इन कली तशा मगाइक्‍नुङ।

होसे 6:1

मिनु मार लोव़ पाइनीम देंशा हना “पिन, गोपुकी परमप्रभु यावे गे लेय्‍य। मेकोमी आंइ कली टुक्रा टुक्रा पशो बाक्‍त। मिनु आंइ कली सापाइक्‍ब। मेकोमी आंइ कली तुप्‍तु। मिनु मेकोमी आंइ कली ओख्‍ती पाइक्‍ब। होसे ५:१४

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

मर्कूस 4:12

मारदे हना आन मिक्‍चीमी कोव़नीम, तन्‍न मताइनीम। आन नोफामी नेंनीम तन्‍न मरुप्‍‍नीम। कोव़शा रुप्‍‍तेक्‍म हना, आन थुं लेश्‍शा, आन पाप क्‍याम्‍चा ताम वा” देंमाक्‍त। यसैया ६:९-१०

मर्कूस 6:52

दोपा शोब्‍ले बारपदा, दे मारेइ ममिम्‍शो बाक्‍मा बाक्‍त। मारदे हना रुप्‍‍चा थुं मपाइबाक्‍मा बाक्‍त। मर्कूस ८:१७

लूका 4:18

“परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, ग्‍याइश्‍शा चोक्‍चा पुंइसीशो मुर आन कली प्रोंइ‍चा कली, मिक्‍च मताइब आन कली तपाइक्‍चा नु श्‍येत जाइब आन कली श्‍येत रे प्रोंइशा, रिम्‍शो पा बाक्‍चा गेचा कली सोइक्‍ताक्‍यी। यसैया ४२:७

लूका 8:10

येसुमी “इन कली परमप्रभु यावे आ राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍ब। अरु आन कली चहिं कथा सेल्‍शा शेंनुङमी। मिनु कोव़शा यो मतामेक्‍ल, नेंशा यो मरुप्‍मेक्‍ल। यसैया ६:९-१०

यूहन्‍ना 12:39

मोपतीके सुइमी थमा सुइक्‍ने मचबेम। यसैया ६:९,१०

यूहन्‍ना 9:39

येसुमी “गो निसाफ पचा कली रागीमी जाक्‍ती। मिक्‍च मताइबपुकीमी तामेक्‍ल। मिक्‍च ताइब चहिं मताइब दुम्‍मल” देंत। मत्ती १३:११-१५

प्रेरित 15:3

मिनु योव़शा सोइक्‍चा पुंइसीशोपुकी एन्‍टीओक रे गाक्‍शा, यरूसलेम ङा लां खोइश्‍शा ङोंइती फोनीसीया, नोले सामरीया रागीमी जाक्‍दीम्‍मा बाक्‍त। मिनु ते ते जाक्‍दीम्‍मा, मेक मेक ङा थमा सुइक्‍ब आन कली ग्रुम्‍शा “अर्को रागी ङा मुरपुकीमी यो ख्रीस्‍त कली थमा सुइश्‍शा, पाप रे ब्रोंइचा ताम्‍तेक्‍म” दे तुइक्‍पाइक्‍ना पाइक्‍न गाक्‍मा बाक्‍त। मिनु नेंबपुकी शुश ग्‍येरसमा बाक्‍त।

प्रेरित 28:26

मेकोमी ‘मेको मुर आन कली ग्रुम्‍थ लावो। मेको आन कली “नेंचा दा नेंनीन। तन्‍न गे यो मरुप्‍नीनी। कोव़चा दा कोव़नीन। तन्‍न मताइनीनी।

प्रेरित 3:19

मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८

रोमी 9:18

मोपतीके परमप्रभु यावेमी सु कली शिशी पचा दाक्‍ता, मेको कली शिशी पाइब। सु कली आ लोव़ मटिपाइक्‍चा दाक्‍ता, मेको कली मटिपाइक्‍ब। प्रस्‍थान ४:२१; १पत्रुस २:८

ब्‍यवस्‍था 29:4

तन्‍न मुल सम्‍म परमप्रभु यावेमी इन कली रुप्‍तीक थुं, कोव़तीक मिक्‍च नु नेंतीक नोफा मगेशो बाक्‍ब। ब्‍यवस्‍था ५:२६

यहोसु 11:20

मारदे हना नेल्‍ल आन कली खतम सेल्‍चा, दे परमप्रभु यावेमी मेको नेल्‍ल आन थुं खकटा सेल्‍शा, नेल्‍ल खतम दुम्‍चा कली इस्राएलीपुकी नु लडाइ पतीक थुं गेप्‍तु। मिनु शिशी मपथु, नेल्‍ल आन कली खतम सेल्‍पाइक्‍तु। परमप्रभु यावेमी मोसा कली अरेशो खोदेंशो दुम्‍त। प्रस्‍थान ४:२१; ब्‍यवस्‍था ७:२