यूहन्‍ना 12:32 - Sunuwar Bible

³² गो क्‍युक्‍शा साइक्‍चा पुंइसीशा, मुर नेल्‍ल आन कली आं गे कीनुङमी” देंत। यूहन्‍ना ८:२८

यूहन्‍ना 12:32 ပူးပေါင်းရင်းမြစ်များ

२ सामुएल 18:9

अब्‍सालोममी दाऊद आ मुर कली तवा बाक्‍त। अब्‍सालोम आ खच्‍चर ङोइश्‍शो बाक्‍माक्‍त। मेको खच्‍चर शुश राशी पाइश्‍शो ठेयब बोल्‍यो रवा का आगा रे ग्रीशा लमाक्‍त। मिनु अब्‍सालोम आ चां मेको बोल्‍यो रवा आ राशीम ब्‍वेक्‍ता बाक्‍त। मिनु मेको ग्‍युक्‍शा लीमाक्‍त। आ खच्‍चर चहिं ग्रीशा लाक्‍गा बाक्‍त।

ठेयब कुम्सो 1:4

गे आं कली लाइय्‍यीनी। गो रीब पा लय। पिपमी आं कली आ बाक्‍तीकेम लाइक्‍ती। गो इन कली तशा ग्‍येरसीनीकी। गोपुकी अङगुर शांबु क्‍येङा यो, इन दाक्‍तीक कली ठेयब सेल्‍नीकी। मेकोपुकीम गे दारशो दुम्‍तीके इन कली दाक्‍नीमी।

यसैया 11:10

मिनु मेको नाक्‍ती येस्‍से आ शाक्‍श जात जात ङा मुर आन कली चिन्‍ड दुम्‍ब। मिनु रागी रागी ङा मुर नेल्‍लेमी मेको कली हिल्‍लो पाइ‍नीम। मेको आ बाक्‍तीके छेङछेङम बाक्‍ब। रोमी १५:१२

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

होसे 11:4

गोमी मेको आन कली मुर आन शिशी पशो खोदेंशो पा खुल्‍ताक्‍मी। गो मेको आन कली शुश दाक्‍ताक्‍ङ। गो मेको आन बलामी लाम्‍सीशो जुवा ग्रुंइशा गेतामी। गो मेको आन ङोंइती बाप्‍शा, मेको आन कली थुल्‍तामी।

गन्‍ती 21:9

मिनु मोसाम कांसा के बुस्‍स का सेल्‍तु। मिनु मेको कली ख्रांबा काम क्‍युक्‍तु। मिनु सु सु बुस्‍सुमी कोक्‍शो बाक्‍मा, मेकोपुकीम कांसा के बुस्‍स कोव़ङमेनु, ब्रोंइतेक्‍म।

यूहन्‍ना 1:7

यूहन्‍नामी छेङछेङ माइश्‍शो सु बाक्‍म, दे शेंथ जाक्‍त। यूहन्‍नामी “मुर नेल्‍लेमी लोव़ माइश्‍शो कली थमा सुइक्‍ब दुम्‍मल” दे शेंताक्‍व। प्रेरित १९:४

यूहन्‍ना 12:34

मिनु मुरपुकीमी येसु कली “परमप्रभु यावे आ लोव़ ब्रेक्‍शो किताबमी ‘ख्रीस्‍त गेनायो मबेक्‍थु बाक्‍ब’ देंशो नेंतक। गे चहिं ‘रागीमी जरमेशो क्‍युक्‍शा साइक्‍चा पुंइसीब’ देंनीनी। मिनु मेको रागीमी जरमेशो चहिं सु बाक्‍म?” दे हिल्‍लो पाम्‍तेक्‍म। भजन संग्रह ११०:४; दानीएल ७:१४

यूहन्‍ना 18:32

येसुमी आ ङोंइती देंशो लोव़ “दोपा बेक्‍चा माल्‍नुङा” देंशो, थमा दुम्‍चा कली मोदेंशो दुम्‍त। यूहन्‍ना १२:३२-३३; मत्ती २०:१९

यूहन्‍ना 19:17

मिनु नोले यहूदीपुकीमी येसु कली लाइक्‍तेक्‍म। मिनु आ कली कांटी थोक्‍शा क्‍याइश्‍शा साइक्‍तीक शी आंमा कुरपाइश्‍शा, खप्‍परे माइक्‍तीकेमी लाइक्‍तेक्‍म। हिब्रू लोव़मी मेको कली गोल्‍गथा देंनीम।

यूहन्‍ना 3:14

मोसा गोरशो रागीम बाक्‍मेनु, कांसा के बुस्‍स सेल्‍शा, मेको कली क्‍युक्‍शा वोदा बाक्‍त। मोपा रागीम जरमेशो यो क्‍युक्‍चा पुंइसीब। गन्‍ती २१:८-९

यूहन्‍ना 6:44

आं कली सोइक्‍ब आं आफोमी आं कली गेशो मुर ला आं गे पिने चाप्‍नीम। अरु चहिं मचाप्‍नीम। आं कली गेशो मुर आन कली नोले ङा नाक्‍ती सेंनुङमी।

यूहन्‍ना 8:28

येसुमी “गेपुकी रागीमी जरमेशो कली क्‍युक्‍नीनु, गो सु नङा, दे तुइक्‍नीनी। मिनु गो आंमा मिम्‍शो मारेइ मपाइनुङ। तन्‍न आं आफोमी आं कली दोदेंशो शेंदा, मोदेंशो लोव़ इन कली शेंनुङ। यूहन्‍ना ३:१४; यूहन्‍ना १२:३२

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

१ तिमोथी 2:6

मेकोमी मुर नेल्‍ल आन कली पाप रे प्रोंइचा, दे आंम कली जिम्‍मा गेप्‍तु। एको लोव़ मेना रे शेंचा गोम्‍तेक्‍म। गलाती १:४; गलाती २:२०; तीतस २:१४

हिब्रू 2:9

गोपुकीमी येसु कली मान पाइक्‍चा पुंइसीतीके, छेङछेङ ङा सिरपेच गुप्‍शो नु सक्ति पाइश्‍शो दुम्‍शो ताइतय। रागीम बाक्‍मेनु, परमप्रभु यावे आ स्‍वर्ग ङा गेय पाइब क्‍येङा इच्‍ची आइक्‍च दुम्‍शो बाक्‍त। मारदे हना परमप्रभु यावेमी मुर नेल्‍ल आन कली शिशी पाइनुङ, दे कोंइचा कली मुर आन पर्बम श्‍येत जपाइश्‍शा बेक्‍चा गेप्‍तु। फिलिप्‍पी २:८-९

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ यूहन्‍ना 2:2

दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३