यूहन्‍ना 12:29 - Sunuwar Bible

²⁹ मिनु मेकेर बाक्‍शो मुरपुकीमी मेको सेंदा नेंशा “बुंबु पाप्‍तु” देंतेक्‍म। का निक्‍शीमी “परमप्रभु यावे आ स्‍वर्ग ङा गेय पाइब कामी मेको कली लोव़ पाप्‍तु” देंतेक्‍म।

यूहन्‍ना 12:29 ပူးပေါင်းရင်းမြစ်များ

अय्‍युब 40:9

मार इ सक्ति परमप्रभु के खोदेंशो बाक्‍बा? गे बुंबु पशो सेंदा खोदेंशो पा ग्रीने चाप्‍नेवे?

प्रस्‍थान 19:16

मिनु मेको आ नित्‍थ नाक्‍ती डांडा तार बुंबु पा, चिला पा, ठेयब गोस्‍स का ग्रूत। मिनु तुराही का थम ठेयब सेंदा पा ग्री‍त। मेको नेंशा, इस्राएलीपुकी हिंशा, ङोन लशा, बाक्‍तेक्‍म।

प्रस्‍थान 20:18

मिनु मुरपुकी ङोन बाक्‍मानु, बुंबु पशो नेंशा नु चिला पशो तशा, तुराही ताप्‍शो नेंशा, डांडा रे कुशो कुन तशा, ङोन लशा हिंशा ख्रिंख्रि पा, कोव़शा बाक्‍तेक्‍म।

इजीकीएल 10:5

मेको करूब आन फ्रां आन रेयके लाङगा सम्‍म नेंसी बाक्‍त। मेको परमप्रभु यावे ब्‍वाक्‍शो खोदेंशो पा नेंसी बाक्‍त।

प्रेरित 9:7

सावल नु काथा गाक्‍बपुकीमी मारेइ मतथु, लोव़ पशो ला नेंशा, वाम ग्‍याम दुम्‍मा बाक्‍त।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 14:2

मिनु गो स्‍वर्ग रे सेंदा का नेंता। मेको सेंदा दोदेंशो बाक्‍त देंशा हना, शुश ब्‍वाक्‍कु आ रेयके नु ठेयब बुंबु पशो रेयके खोदेंशो नेंता। तन्‍न शुश मुरपुकीमी ठेयब तार पाइश्‍शो ताप्‍तीके ताप्‍शो रेयके बाक्‍त। प्रकाश १:१५

प्रकाश 6:1

मिनु मेको पाठामी मेको कागज रे ७ ओटा छाप रे का प्राक्‍‍शो ताता। मिनु सेस जन्‍तु कामी बुंबु पशो खोदेंशो पा “पिवो” दे ब्रेश्‍शो नेंता।

प्रकाश 8:5

मिनु नोले मेको परमप्रभु यावे आ स्‍वर्ग ङा गेय पाइबमी धूप चढ़ेतीके ङा मी लाइश्‍शा, मेको थनौरोमी कुर पाप्‍तु। मिनु रागीमी ताइक्‍ताक्‍व। मिनु रागीमी बुंबु पाप्‍तु, शुश रेयके पाप्‍तु। चिला पा ख्रिनु कुत। इजीकीएल १०:२