यूहन्‍ना 12:26 - Sunuwar Bible

²⁶ सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 12:26 ပူးပေါင်းရင်းမြစ်များ

भजन संग्रह 17:15

गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

हितोपदेस 27:18

सुमी फोव़शी रवा खाल पाइबा, मेकोमी फल जचा ताइब। सुम आ होव़प कली रिम्‍शो पा कोव़बा, मेको मान पाइक्‍चा पुंइसीब।

गन्‍ती 14:24

तन्‍न आं गेय पाइब कालेब आ थुंमी अर्को सोक्‍ती बाक्‍ब। मिनु मेकोमी आ थुं नेल्‍लेमी आं कली टिशो बाक्‍ब। गो मेको कली आ क्‍यारी पथ लशो रागी चाक्‍दीत्‍नुङ। मिनु मेको आ तौ चच युइ आन रागी दुम्‍ब। यहोसु १४:६-९

गन्‍ती 32:11

‘इजीप्‍त रे जाक्‍शो २० बर्स गाप्‍शो नु मेको क्‍येङा लाक्‍शो सुइ मेको अब्राहाम, इसहाक नु याकूब नु कसम जशो रागी ओव़चा मताइनीम। मारदे हना आं कली मटीयीमी। गन्‍ती १४:२२-३८; गन्‍ती २६:६५

मत्ती 16:24

मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

मत्ती 25:21

आ होव़पमी ‘रिम्‍शो पाप्‍तीवी। थमा सुइक्‍चा पुंइसीशो बाक्‍ते। इच्‍ची खोइ तशोमी शुश सेल्‍शा, रिम्‍शो गेय पाप्‍तीवी। मोपतीके शुश अधिकार गेनन। ग्‍येरसीशा बाक्‍स’ देंब। मत्ती २४:४५-४७

मर्कूस 8:34

मिनु आ शेंसीबपुकी नु मेकेर देल्‍शो आन कली ब्रेश्‍शा “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आं नोले खोइय्‍यील।

लूका 12:37

मोदेंशो गेय पाइब आसीक ताइब बाक्‍नीम। होव़प लेश्‍शा जाक्‍मेनु, आ गेय पाइब आन कली मइप्‍थु रिम्‍शा बाक्‍शो थित्‍‍तु हना, आ होव़प थाम्‍पा ग्‍येरसीशा, मेको आन कली निप्‍पाइश्‍शा थुल्‍ब।

लूका 6:46

मारदे आं कली प्रभु, प्रभु, देंनीनी। तन्‍न आं देंशो मटीनीनी? मलाकी १:६; मत्ती ७:२१

लूका 9:23

मिनु येसुमी मेको आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, नाक्‍त किंत किंत श्‍येत जचा महिंथु, आं नोले खोइय्‍यील।

यूहन्‍ना 10:27

गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७

यूहन्‍ना 13:16

मिनु नोफा दाइश्‍शा नेनीन, खिं ङा होव़प क्‍येङा वाइल ठेयब ममाइ। मिनु सोइश्‍शो मुर सोइक्‍ब क्‍येङा ठेयब यो ममाइ।

यूहन्‍ना 14:15

गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३

यूहन्‍ना 14:3

मिनु इन बाक्‍तीक ठीक पशा, लेंशा जाक्‍शा आं बाक्‍तीक लाइक्‍नन्‍नी। मिनु गो नु काथा बाक्‍नीनी। यूहन्‍ना १२:२६; यूहन्‍ना १७:२४

यूहन्‍ना 15:20

मिनु ङोंइती गो इन कली ‘होव़प क्‍येङा वाइली ठेयब ममाइ’ देंती। मिनु आं देंशो मिम्‍तीन। मुरपुकीमी आं कली श्‍येत गेतीमी हना, इन कली यो श्‍येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्‍ना १३:१६; मत्ती १०:२४-२५

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१

यूहन्‍ना 21:22

मिनु येसुमी “गो लेंशा मजाक्‍ङा सम्‍म मेकोमी रिम्‍शा बाक्‍चा माल्‍ब, दे मिम्‍ताक्‍ङ हना यो, इ कली मार दुम्‍बा ङा? गे आं नोले खोइय्‍यी” दे माइक्‍तु।

रोमी 1:1

गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५

रोमी 14:18

गे मोपा ख्रीस्‍त आ गेय पाइतीनी हना, परमप्रभु यावे आ दाक्‍शो नु मुर आन ङोंइती मान ततीक दुम्‍ब।

२ कोरिन्‍थी 4:5

गो आंम पर्बम मशेंनीकी। तन्‍न येसु ख्रीस्‍त प्रभु बाक्‍ब, दे शेंनीकी। मिनु येसु आ पतीके गो इन गेय पाइब दुम्‍तक।

२ कोरिन्‍थी 5:8

गो ठेयब थुं पाइश्‍शो बाक्‍नीकी। गो रां रे ङोन दुम्‍शा, प्रभु नु बाक्‍चा दाक्‍नीकी। फिलिप्‍पी १:२३

गलाती 1:10

मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६

फिलिप्‍पी 1:23

गो निम्‍फा आस दातेमी बाक्‍नुङ। मेकेर रे लशा, ख्रीस्‍त नु बाक्‍चा आं दाक्‍शो बाक्‍ब। मारदे हना मेको शुश रिम्‍शो बाक्‍ब। २कोरिन्‍थी ५:८

कलस्‍सी 3:24

गे प्रभु आ गुइ रे इनाम ताइब बाक्‍नीनी, दे तुइक्‍नीनी। मेकोन मिम्‍ना मिम्‍न गेय पने। गेपुकी प्रभु ख्रीस्‍त कली गेय पाइब बाक्‍नीनी।

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

१ यूहन्‍ना 5:3

गोपुकीमी “परमप्रभु यावे कली दाक्‍नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्‍येत ममाइ। यूहन्‍ना१४:१५,२३,२४; मत्ती११:३०

यहूदा 1:1

गो याकूब आ लोक्‍ब यहूदा नङ। गो येसु ख्रीस्‍त आ वाइल दुम्‍ती। परमप्रभु यावे, इं आफ आ दाक्‍शो नु येसु ख्रीस्‍त कली योव़शा वोइश्‍शो मुर, इन कली ब्रेक्‍ताक्‍ङ। मत्ती १३:५५

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८