यूहन्‍ना 12:19 - Sunuwar Bible

¹⁹ मिनु फरिसीपुकीमी “गोपुकी मारेइ पने मचाप्‍नय। कोव़ङीन, मुर नेल्‍ल मेको आ नोले खोइक्‍नीम” देंमुम्‍तेक्‍म। यूहन्‍ना ११:४८

यूहन्‍ना 12:19 ပူးပေါင်းရင်းမြစ်များ

भजन संग्रह 22:27

रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।

भजन संग्रह 49:1

जात जात ङा मुर नेल्‍ले, नेनीन।

यसैया 27:6

मिनु नोले ङा नाक्‍तीमी याकूबम आ शाक्‍श थोक्‍ब। इस्राएल फू बोइश्‍शा, नक राशी दाप्‍ब। मिनु रागी नेल्‍ल मेको आन फल फुलमी ब्रीब।

मत्ती 21:15

मिनु ठेयब चढ़ेब नु सास्‍त्रीपुकीमी येसुमी छक लाक्‍चा ङा गेय पशो नु आलपुकीमी “दाऊद आ तौ कली होसन्‍ना” दे शुश रेयके पा येसु कली ठेयब सुइश्‍शा मान पशो तशा, होसन्‍ना आ देंशो “परमप्रभु वारच पने” बाक्‍ब।

यूहन्‍ना 12:18

मोपतीके मेकोपुकी येसु कली ग्रुम्‍थ जाक्‍तेक्‍म।

यूहन्‍ना 12:20

मिनु पास्‍सा नाक्‍ती परमप्रभु यावे कली मान पचा कली का निक्‍शी ग्रीस रागी ङा मुर यो जाक्‍शो बाक्‍तेक्‍म।

यूहन्‍ना 17:21

मार पुंइनुङ देंशा हना, मेको नेल्‍ल थुं का ङा दुम्‍मल। आं आफ, गे आं आगामी बाक्‍शो नु गो इन आगामी बाक्‍शो खोदेंशो पा मेकोपुकी इस आगामी बाक्‍मल, दे पुंइनुङ। मो दुम्‍त हना, रागी ङा मुरपुकीमी गेमी आं कली सोइक्‍ताक्‍नी, दे थमा सुइक्‍नीम। गलाती ३:२८

यूहन्‍ना 3:26

मिनु यूहन्‍ना कली ग्रुम्‍शा “शेंब, मेको यर्दन खोला आइक्‍ची हांबुम गे नु बाक्‍ब, इन तुइक्‍पाइश्‍शो परमप्रभु यावे आ तौम ब्‍वाक्‍कुमी ख्रुम्‍शा ग्रुंइतीक गेय पाइब। मिनु मुर नेल्‍ल मेकेर लाइनीम” दे यूहन्‍ना कली देंतेक्‍म। यूहन्‍ना १:२६-३४

प्रेरित 17:6

तन्‍न पावल नु सिलास मेको खिंमी मबाक्‍शो बाक्‍सा बाक्‍त। मिनु मेको आस कली मथित्‍थु, यासोन नु थमा सुइक्‍ब आन कली ग्‍याइश्‍शा कीशा लाइश्‍शा, ठेयब मुर आन ङोंइती चाक्‍दीत्‍मे बाक्‍त। मेकोपुकीमी “नेल्‍ल रागी ङा मुर आन कली आन थुं ग्‍याल्‍पाइश्‍शा, दूली पपाइक्‍बपुकी इं सहरमी यो जाक्‍तेक्‍म। प्रेरित १६:२०

१ यूहन्‍ना 2:2

दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२