यूहन्‍ना 12:13 - Sunuwar Bible

¹³ मिनु खजूर रवा आ सफा शेशा, येसु कली ग्रुम्‍थ जाक्‍तेक्‍म। मेकोपुकीमी “होसन्‍ना, परमप्रभु आ नेंमी जाक्‍ब इस्राएली आन पिप आसीक रशो बाक्‍ब” दे ग्‍येरशा, ग्रीना ग्रीन येसु कली ग्रुम्‍थ जाक्‍तेक्‍म। होसन्‍ना आ देंशो “परमप्रभु वारच पने” बाक्‍ब। भजन संग्रह ११८:२५-२६

यूहन्‍ना 12:13 ပူးပေါင်းရင်းမြစ်များ

यसैया 44:6

मिनु परमप्रभु यावे, इस्राएली आन पिप नु मेको आन कली पाप रे प्रोंइब, मुर नेल्‍ल आन परमप्रभु यावेमी “गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। गो आं ङा लाक्‍शा, अरु परमप्रभु मबाक्‍नीम। यसैया ४१:४; यसैया ४३:११; प्रकाश १:१७

होसे 3:5

मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४

लेवी 23:40

ङोंइती ङा नाक्‍ती गेपुकीमी रवा आन रिम्‍शो फल फुल, खजूर रवा आन राशी, शुश सफा पाइश्‍शो रवा आन राशी नु अरु खोलामी बाक्‍शो रवा आन राशी चाक्‍शा, गे परमप्रभु यावे, इन परमप्रभु आ ङोंइती ७ नाक्‍त सम्‍म ग्‍येरसीन। नेहेम्‍याह ८:१४-१६

सेफन्‍याह 3:15

परमप्रभु यावेमी इ सजाइ क्‍याम्‍शा गे‍शो बाक्‍ब। मेकोमी इ जोरी सत्रु आन कली सोइश्‍शो बाक्‍ब। इस्राएली आन पिप, परमप्रभु यावे गे नु बाक्‍ब। मुल ङा मेरे गे तेकोइ श्‍येत रे हिंचा ममाल्‍नेवे। जकरिया ९:९

मत्ती 23:39

गो माइक्‍नन ‘परमप्रभु यावे आ नेंमी जाक्‍ब कली आसीक रल’ दे मान मपवी सम्‍म आं कली लेंशा मताइनेवे” देंत। मत्ती २१:९; मत्ती २६:६४

मत्ती 27:42

“शुश आन कली श्‍येत रे प्रोंइना प्रोंइन गाक्‍बाक्‍माक्‍त। आंमा आ कली चहिं प्रोंइने मचाप्‍बाक्‍माक्‍त। इं इस्राएल ङा पिप बाक्‍ब, मोपतीके शीमी केप्‍शा कांटी थोक्‍शा क्‍याइश्‍शो रे ब्रोंइल। ब्रोंइने चाप्‍तु हना, गो आ लोव़ नेल्‍ल थमा सुइक्‍नय।

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 12:14

मिनु येसुमी गधा आ चाइक्‍ब का ङोंइ‍साक्‍व। परमप्रभु यावे आ ब्रेक्‍पाइश्‍शो किताबमी

यूहन्‍ना 12:15

“सियोन ङा मुर, महिनीन। कोव़ङीन, इन पिप गधा ङोइश्‍शा पिना पिन बाक्‍ब” दे ब्रेक्‍शो बाक्‍त। जकरिया ९:९

यूहन्‍ना 19:15

मिनु यहूदीपुकीमी “सतीन, सतीन, एको कली शीमी क्‍येप्‍शा कांटी थोक्‍तीन” दे ग्रीतेक्‍म। पिलातसमी “गो इन पिप कली शीमी क्‍येप्‍शा कांटी थोक्‍नुङा ङा?” दे माइक्‍तीमी। मिनु ठेयब चढ़ेबपुकीमी “गो आंइ के सिजर का ला पिप बाक्‍ब” देंतेक्‍म। यूहन्‍ना १८:३७

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७

प्रकाश 19:16

मिनु मेको ङोंइती ङा शारा ङोइक्‍ब आ वा नु आ फिलामी नें का ब्रेक्‍शो बाक्‍त। मार नें ब्रेक्‍शो बाक्‍त देंशा हना, पिप आन पिप नु प्रभु आन प्रभु, दे ब्रेक्‍शो बाक्‍त। प्रकाश १:५; १तिमोथी ६:१५

प्रकाश 7:9

मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।