यूहन्‍ना 11:4 - Sunuwar Bible

⁴ मिनु येसुमी “मेको रोइ बेक्‍चा ङा रोइ ममाइ, तन्‍न परमप्रभु यावे आ सक्ति कोंइचा कली बाक्‍ब। मिनु मुरपुकीमी मेको रोइ आ पर्बम परमप्रभु यावे आ तौ कली ठेयब सेल्‍नीमी” देंत। यूहन्‍ना ९:३

यूहन्‍ना 11:4 ပူးပေါင်းရင်းမြစ်များ

प्रस्‍थान 16:7

सुनी कना गे परमप्रभु यावे आ छेङछेङ ग्रूशो ताइनीनी। मारदे हना मेकोमी इन परमप्रभु यावे कली गन गन पशो तुइक्‍ताक्‍व। गो निक्‍शी सु नस्‍कु ङा? गे आंस पर्बम गाइक्‍नीनी?” देंताक्‍स।

यूहन्‍ना 10:38

तन्‍न गो आं आफ आ गेय पाइनुङ हना, गेपुकी आं कली थमा मसुइक्‍नीनी। आं पशो गेय परमप्रभु यावे के बाक्‍त, दे थमा सुतीन। मिनु गो आं आफ नु बाक्‍नुङ। आं आफ गो नु बाक्‍ब, दे रुपीन” दे येसुमी यहूदी आन कली माइक्‍तीमी।

यूहन्‍ना 11:40

मिनु येसुमी “गे थमा सुइक्‍तीवी हना, गे परमप्रभु यावे आ सक्ति ताइनेवे, दे इ कली ममाइक्‍ना ङा?” देंत।

यूहन्‍ना 12:28

आं आफ, इन सक्ति कोंइदीन” दे येसुमी देंत। मिनु सरीङ रे “गो आं सक्ति कोंइताक्‍ङ। लेंशा चिनु कोंइनुङ” देंशो सेंदा का नेंसाक्‍व। यूहन्‍ना १३:३१; मत्ती ३:१७; मत्ती १७:५

यूहन्‍ना 17:1

मिनु येसुमी मेको लोव़ पने थुम्‍शा, सरीङ गे कोव़शा “आं आफ, आं लची जाक्‍त, इन सक्ति गेयीनी। मिनु गो इन सक्ति कोंइनुङ।

यूहन्‍ना 17:10

आं मुर नेल्‍ल इन के नम। इन के आं के नम। मेकोपुकीमी आं सक्ति कोंइनीम। यूहन्‍ना १६:१५

यूहन्‍ना 17:5

आं आफ, रागी सेल्‍चा क्‍येङा ङोंइती गे नु इन छेङछेङमी बाक्‍ती। मुल लेंशा इन बाक्‍तीक जाक्‍चा चिक्‍ताक्‍ङ। ङोंइती ङा खोदेंशो पा गे नु इन छेङछेङमी बाक्‍चा गेयीनी। यूहन्‍ना १:१; फिलिप्‍पी २:६

यूहन्‍ना 2:11

मेको येसु आ ङोंइती ङा छक लाक्‍चा ङा गेय बाक्‍त। मेको ङोंइती पशो छक लाक्‍चा ङा गेय गालील रागी ङा काना माइश्‍शो सहरमी पशो बाक्‍त। मोपा मुर आन कली आ सक्ति कोंइशो बाक्‍त। मेको तशा आ शेंसीबपुकीमी येसु कली परमप्रभु यावे आ तौ बाक्‍त, दे थमा सुदमे बाक्‍त। यूहन्‍ना १:१४

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

यूहन्‍ना 8:54

येसुमी “गो ठेयब सेल्‍साक्‍यी हना, गो ठेयब मदुम्‍नुङ। आं आफोमी चहिं आं कली ठेयब सेल्‍ब। गे आं आफ कली ‘आंइ परमप्रभु यावे’ देंनीनी। यसैया ६३:१६

यूहन्‍ना 9:24

मिनु मिक्‍च ताइब दुम्‍शो कली लेंशा ब्रेश्‍शा “परमप्रभु यावे कली मान पावो। इ कली मिक्‍च तपाइक्‍ब पापी बाक्‍माक्‍त, दे तुइक्‍नीकी” देंतेक्‍म।

यूहन्‍ना 9:3

मिनु येसुमी “एको मुरुमी पाप पशो ममाइ, आ आम आफोमी यो मपाम्‍से। तन्‍न परमप्रभु यावे आ गेय कोंइचा कली एको मिक्‍च मताइब दुम्‍शो जरमेशो बाक्‍त। यूहन्‍ना ११:४

रोमी 11:11

मिनु मुल मार देंनुङा? मेकोपुकी गेनायो मबोक्‍चा ङा पा राम्‍समा ङा? ममाइ। इस्राएली आन मरिम्‍शो पतीके अर्को रागी ङा मुरपुकीम शिशी तशो बाक्‍नीम। मेकोपुकीम रुश पामेक्‍ल, दे मोदेंशो दुम्‍शो बाक्‍ब। प्रेरित १३:४६; रोमी १०:१९

फिलिप्‍पी 1:11

गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

१ पत्रुस 4:11

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७

१ पत्रुस 4:14

ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। मत्ती ५:११; एफिसी १:१३