यूहन्‍ना 11:36 - Sunuwar Bible

³⁶ यहूदीपुकीमी येसु कली ङाक्‍शो तशा “कोव़ङीन, येसुमी मेको कली यो शुश दाक्‍शो बाक्‍माक्‍त” देंतेक्‍म।

यूहन्‍ना 11:36 ပူးပေါင်းရင်းမြစ်များ

यूहन्‍ना 11:19

मिनु यरूसलेम ङा शुश यहूदीपुकीमी मारथा नु मरीयम आस लोक्‍ब बेक्‍शो आ पर्बमी “सुर्ता मपाम्‍सेक्‍ल” दे लेम्‍चा कली जाक्‍मा बाक्‍त।

यूहन्‍ना 11:3

मिनु मेको समी निक्‍शीमी मुर का कली येसु आ बाक्‍तीक सोइश्‍शा “प्रभु, इन दाक्‍शो वारच रोइ पाप्‍तु” दे येसु कली ब्रेप्‍पत्‍से बाक्‍त।

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

एफिसी 5:25

गे वोंइश मुरपुकी, आंम मीश कली दाक्‍तीने। दोपा ख्रीस्‍तमी थमा सुइक्‍ब आन कली दाक्‍शा, मेको आन कली पाप रे प्रोंइचा, दे आंम रां जिम्‍मा गेवा, मोपा वोंइश मुरुमी आंम मीश कली दाक्‍चा माल्‍नीमी।

१ यूहन्‍ना 3:1

इं आफोमी इं कली शुश दाक्‍शा “परमप्रभु यावे आ तमी तौ” दे नें वोइश्‍शो बाक्‍त। मिनु गोपुकी आ तमी तौ दुम्‍तय। मोपतीके रागी ङा मुरपुकीमी इं कली मतुइक्‍नीम। मारदे मतुइक्‍नीम देंशा हना, मेकोपुकीमी येसु ख्रीस्‍त कली यो मतुइक्‍नीम। यूहन्‍ना १:१२; यूहन्‍ना १६:३

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३