यूहन्‍ना 11:27 - Sunuwar Bible

²⁷ मिनु मारथामी “प्रभु, गे रागीमी जाक्‍शो परमप्रभु यावे आ तौ, ख्रीस्‍त ननी, दे गो थमा सुइक्‍नुङ” देंत। मत्ती १६:१६

यूहन्‍ना 11:27 ပူးပေါင်းရင်းမြစ်များ

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

मत्ती 11:3

“गे जाक्‍चा माल्‍शो बाक्‍नीनी देय अर्को कली लां कोव़का?” दे हिल्‍लो पथ सोइक्‍तीमी बाक्‍त। मत्ती ३:११; मलाकी ३:१

मत्ती 16:16

सिमोन पत्रुसमी “ब्रोंइशा बाक्‍ब परमप्रभु यावे आ तौ ख्रीस्‍त बाक्‍नीनी” देंत। यूहन्‍ना ६:६९

मत्ती 16:20

मिनु आ शेंसीब आन कली “ख्रीस्‍त एकोन बाक्‍माक्‍त दे सुइ आन कली मशोव़ङीने” दे माइक्‍तीमी। मत्ती १७:९

लूका 2:11

एको ग्‍येरपाइक्‍ब लोव़ दोदेंशो बाक्‍ब देंशा हना, मुलाक्‍दो पिप दाऊद आ सहरम आल का जरमेसाक्‍व। मेको नक जरमेशो आल पाप रे प्रोंइब, प्रभु येसु ख्रीस्‍त बाक्‍ब।

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 4:42

मेकोपुकीमी मीश मुर कली “इ देंतीक गो थमा मसुइक्‍नीकी। तन्‍न आ शेंशो आंमा नेंतक। रागी ङा मुर आन कली पाप रे प्रोंइब एकोन बाक्‍त, दे रुप्‍शा तुइक्‍ताक्‍क” देंतेक्‍म। प्रेरित ८:५-८

यूहन्‍ना 6:14

मिनु मुरपुकीमी येसु आ पशो छक लाक्‍चा ङा गेय तशा “रागीमी जाक्‍ब परमप्रभु यावे आ लोव़ पाइब एकोन बाक्‍त” देंतेक्‍म। ब्‍यवस्‍था १८:१५

यूहन्‍ना 6:69

गे परमप्रभु यावेमी योव़शा सोइश्‍शो ननी, दे तुइश्‍शा थमा सुइक्‍नीकी” देंत। मत्ती १६:१६

प्रेरित 8:36

मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।

प्रेरित 8:37

मिनु फिलीपमी “गे येसु कली थमा सुइक्‍तीनी हना, ब्‍वाक्‍कुम ख्रुम्‍शा ग्रुंइचा शिरनीनी” देंमेनु “गो येसु ख्रीस्‍त परमप्रभु आ तौ बाक्‍ब, दे थमा सुइक्‍ता” देंमाक्‍त।

१ यूहन्‍ना 5:1

मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३