यूहन्‍ना 11:19 - Sunuwar Bible

¹⁹ मिनु यरूसलेम ङा शुश यहूदीपुकीमी मारथा नु मरीयम आस लोक्‍ब बेक्‍शो आ पर्बमी “सुर्ता मपाम्‍सेक्‍ल” दे लेम्‍चा कली जाक्‍मा बाक्‍त।

यूहन्‍ना 11:19 ပူးပေါင်းရင်းမြစ်များ

उत्पत्ती 37:35

आ तमी तौ आन आफ कली लेम्‍थ जाक्‍मा बाक्‍त। मिनु याकूबमी “गो आं बेक्‍ची ना सम्‍म आं तौ कली रोंका पाइनुङ” दे लेम्‍चा मगेमी बाक्‍त। मोपा आ आफ योसेफ आ पर्बम ङाक्‍माक्‍त।

२ सामुएल 10:2

दाऊदम “नाहाशमी आं कली रिम्‍शो पशो खोदेंशो पा गो नाहाश आं तौ हानुन कली रिम्‍शो पाइनुङ” दे मिम्‍ता बाक्‍त। मिनु मेकोमी आ आफ बेक्‍शो आ पर्बम लेम्‍शो लोव़ नेंपाइक्‍थ लोव़ कुरब मुर आन कली सोइक्‍ता बाक्‍त। मिनु दाऊद आ मुरपुकी अम्‍मोनी आन रागीम ओव़मानु, १सामुएल ११:१

१ इतिहास 10:12

बोल्‍यो लडाइ पाइब नेल्‍ले बोक्‍शा, सावल नु आ तौ आन रां ब्रथ लमा बाक्‍त। मिनु मेकोपुकीम मेको आन रां याबेश सहर चाक्‍गमे बाक्‍त। मिनु याबेश ङा मुरपुकीमी मेको आन कली यावेश ङा ठेयब रवा आ पुंम थिम्‍मे बाक्‍त। मिनु ७ नाक्‍त सम्‍म माइजा बाक्‍मा बाक्‍त। २सामुएल २:४-५

अय्‍युब 2:11

मिनु अय्‍युब आ वारच सांम मेको कली मोदेंशो श्‍येत दुम्‍शो लोव़ नेन्‍मे बाक्‍त। मेको आन नें तेमान ङा एलीफाज, शुआह ङा बिल्‍दाद नु नामा ङा सोफार बाक्‍मा बाक्‍त। मिनु मेकोपुकीम मेको कली लेम्‍चा कली नु मेको आ थुं नाइक्‍पाइक्‍चा कली गारशा आन खिं प्रोंइशा अय्‍युब आ खिंम जाक्‍मा बाक्‍त। उत्‍पत्ती ३६:१५; येरमीया ४९:७; उत्‍पत्ती २५:२; यहोसु १५:४१

अय्‍युब 42:11

मेको नोले अय्‍युब आ लोक्‍ब नेल्‍ले, आ समी नेल्‍ले नु मेको आ ङोंइती ङा तुइश्‍शो मुर नेल्‍ल जाक्‍शा, मेको आ खिंम भोज जामे बाक्‍त। मिनु मेकोपुकीमी अय्‍युब कली “गे परमप्रभु यावे आ गुइ रे शुश श्‍‍येत नु मरिम्‍शो दुम्‍तीके ताइतीनी” दे मेको कली थम रिम्‍शो लोव़ पामे बाक्‍त। मिनु नेल्‍लेम मेको कली सुन के क्‍येट नु सुन के औंठी गेमे बाक्‍त। अय्‍युब १९:१३-१४,१९

उपदेसक 7:2

भोज जतीक खिंम लचा क्‍येङा रोंका प‍शो खिंम ल‍चा रिम्‍शो बाक्‍ब। मारदे हना मुर नेल्‍ल मोदेंशो पा लाइनीम। मिनु मुल सम्‍म ब्रोंइशो मुरपुकीमी मेको आ पर्बम मिम्‍नीम।

यसैया 51:19

इ कली श्‍येत निक्‍शी जाक्‍‍ताक्‍स। मेको लां नेल्‍लेम गोल्‍शो बाक्‍नीम। ङोंइती ङा श्‍येत इन सहर प्रेश्‍शा, खतम दुम्‍तीके नु नोले ङा श्‍येत अन्‍काल नु लडाइम, बेक्‍तीके बाक्‍त। सुम इ थुं बारपाइक्‍बा?

बिलाप 1:16

गो मार कली ङाक्‍नुङा, मार कली आं प्रेक्‍क यीनीम देंशा हना, आं कली लेम्‍ब नु आं थुं बारपाइक्‍ब आ क्‍येङा ङोन बाक्‍नीम। आं आल लने थुम्‍तेक्‍म। मारदे हना आं जोरी सत्रु आं क्‍येङा बोल्‍यो बाक्‍तेक्‍म।

बिलाप 1:2

मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१

बिलाप 1:21

मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१

बिलाप 1:9

मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।

बिलाप 2:13

ए यरूसलेम आ तमी, गो इ पर्बम मार देंङा? गो इ कली मार नु थाप्‍तु? ए सियोन आ कन्‍ने तमी इ थुं बार‍पाइक्‍चा कली इ कली मार नु थाप्‍तु? इ श्‍येत समुन्‍द्र खोदेंशो पा ठेयब बाक्‍ब। सुइम इ कली सापाइक्‍ने मच‍ब।

लूका 10:39

मारथा आ लोक्‍ब मरीयम येसु आ खोइल आ नेक्‍था बाक्‍शा आ शेंशो नेंना बाक्‍त।

लूका 10:42

तन्‍न थोव़क का ला माल्‍ब। मरीयममी रिम्‍शो थोव़क योव़तु। मेको सुइम लाइक्‍ने मचाप्‍नीम” दे मदा बाक्‍त। मरीयम६:३३

यूहन्‍ना 1:19

मिनु यरूसलेम सहर ङा यहूदीपुकीमी चढ़ेब नु लेवी आ थर ङा मुर आन कली यूहन्‍ना नु ग्रुम्‍थ सोइक्‍ताक्‍म। मिनु मेकोपुकीमी यूहन्‍ना कली “गे सु ननी?” दे हिल्‍लो पाम्‍तेक्‍म।

यूहन्‍ना 11:1

बेथानी गाउंमी लाजरस माइश्‍शो रोइ पशो मुर का बाक्‍त। मेको के समी निक्‍शी बाक्‍शो बाक्‍ताक्‍स। मेको आस नें मरीयम नु मारथा बाक्‍ताक्‍स। लूका १०:३८-३९

यूहन्‍ना 11:31

मिनु मरीयम आ खिंम लेम्‍थ जाक्‍ब यहूदीपुकीमी मरीयम कली छुल बोक्‍शा लशो तशा, आ नोले खोदमे बाक्‍त। मारदे हना मेकोपुकीमी “मरीयम तुरसुम ङाक्‍थ लाइबा, कों” दे मिम्‍शो बाक्‍मा बाक्‍त।

यूहन्‍ना 11:33

मिनु येसुमी मेको कली नु में नु जाक्‍शो यहूदी आन कली ङाक्‍शो तशा, येसु आ थुं खाइक्‍त। यूहन्‍ना १३:२१

यूहन्‍ना 11:36

यहूदीपुकीमी येसु कली ङाक्‍शो तशा “कोव़ङीन, येसुमी मेको कली यो शुश दाक्‍शो बाक्‍माक्‍त” देंतेक्‍म।

यूहन्‍ना 11:45

मरीयम कली लेम्‍थ जाक्‍शो शुश यहूदीमी मो दुम्‍शो तशा, येसु कली थमा सुइक्‍तेक्‍म।

यूहन्‍ना 11:8

आ शेंसीबपुकीमी “शेंब, यहूदीपुकीमी इन कली फुल्‍लु आप्‍शा हेरा साइक्‍तेक्‍मे। मिनु गे मुल लेंशा मेकेर लचा दाक्‍नीनी?” दे हिल्‍लो पाम्‍तेक्‍म। यूहन्‍ना १०:३१

रोमी 12:15

ग्‍येरसीशोपुकी नु ग्‍येरसीने, ङाक्‍शोपुकी नु ङाक्‍कीन। भजन संग्रह ३५:१३-१४; २कोरिन्‍थी ११:२९

२ कोरिन्‍थी 1:4

गो शुश श्‍येत जकानु, परमप्रभु यावेमी आंइ थुं नाइक्‍पाइश्‍शा बारपाइक्‍ब। मिनु आंइ थुं नांइ‍सीशा, गोपुकीमी यो श्‍येत जाइब आन कली आन थुं नाइक्‍पाइश्‍शा, बारपाइक्‍ने चाप्‍नीकी।

१ थिस्‍सलोनिकी 4:18

मोपतीके मेको लोव़ पा थुं बारपाइक्‍‍मुने।

१ थिस्‍सलोनिकी 5:11

मोपतीके अरेपमुशा, इन थुं बारपमुने। गेपुकी मोदेंशो पना पन यो बाक्‍तीनी। हिब्रू ३:१३

१ सामुएल 31:13

मिनु नोले आन रुश याबेश ङा ठेयब रवा आ पुंमी थिम्‍मे बाक्‍त। मिनु मेकोपुकी ७ नाक्‍त सम्‍म माइजा बाक्‍मा बाक्‍त। २सामुएल १:१२