यूहन्‍ना 11:17 - Sunuwar Bible

¹⁷ मिनु येसु बेथानी जाक्‍दीम्‍मेनु, मेकेर ङा मुरपुकीमी “लाजरस बेक्‍शो ४ नाक्‍त दुम्‍त। मेको कली बेक्‍शो मुर वोइक्‍तीक कोठामी वोइक्‍तेक्‍म” दे येसु कली देंतेक्‍म।

यूहन्‍ना 11:17 ပူးပေါင်းရင်းမြစ်များ

होसे 6:2

नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९

मत्ती 1:18

येसु ख्रीस्‍त जरमेचा कली दोदेंशो दुम्‍माक्‍त देंशा हना, मरीयम योसेफ कली गेशा लोव़ ख्रोइक्‍ने थुम्‍शो बाक्‍माक्‍त। मिनु योसेफमी मरीयम कली ग्‍युंबे पा आ खिं लाइक्‍चा क्‍येङा ङोंइती मरीयम आल कुरशो बाक्‍माक्‍त। मेको आल चहिं मुर आ आल ममाइ। परमप्रभु यावे आ सोक्‍त रे पा दुम्‍शो बाक्‍माक्‍त। लूका १:३५

यूहन्‍ना 11:39

मिनु येसुमी “फुल्‍लु तिलीन” देंत। मिनु बेक्‍शो मुर आ समी मारथामी “प्रभु, मुल दा एको रिना पाइब। मारदे हना आ बेक्‍शो ४ नाक्‍ती दुम्‍त” देंत।

यूहन्‍ना 2:19

येसुमी “परमप्रभु यावे आ खिं प्रेतीन। गो नाक्‍त सांमी लेंशा सेल्‍ने थुम्‍नुङ” दे माइक्‍तीमी। मत्ती २६:६१; मत्ती २७:४०