यूहन्‍ना 10:6 - Sunuwar Bible

⁶ येसुमी मुर आन कली मेको कथा शेंशो बाक्‍त। तन्‍न मार लोव़ शेंशो बाक्‍मे, मेकोपुकीमी मरुप्‍शो बाक्‍तेक्‍म।

यूहन्‍ना 10:6 ပူးပေါင်းရင်းမြစ်များ

भजन संग्रह 106:7

इजीप्‍त रागीम बाक्‍शो आंइ किकी पिपीम इन छक लाक्‍चा ङा गेय ममिम्‍शो बाक्‍तेक्‍म। मिनु इन शुश गेना हना यो दाक्‍तीके प्रेंशो बाक्‍तेक्‍म। मिनु लल समुन्‍द्रमी नेल्‍ल क्‍येङा ठेयब कली गाइश्‍शा लोव़ पशो बाक्‍तेक्‍म। प्रस्‍थान १४:११-१२

भजन संग्रह 82:5

हुकुम पाइबपुकीमी मारेइ मजोक्‍नीम, मतुइक्‍नीम। मेकोपुकी छिङछिङम गाक्‍शो बाक्‍नीम। रागी आ जग नेल्‍ल हिम्‍सीशो बाक्‍नीम।

हितोपदेस 28:5

मरिम्‍शो मुरपुकीमी निसाफ प‍तीके मार बाक्‍बा, दे मरुप्‍‍नीम। तन्‍न परमप्रभु यावे आ देंशो पचा दाक्‍बपुकीमी नेल्‍ल रिम्‍शो पा रुप्‍‍नीम।

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

दानीएल 12:10

मिनु शुश मुर नाक्‍चा, रिम्‍शो सेल्‍चा नु सुन यपाइश्‍शो खोदेंशो पा रिम्‍शो सेल्‍‍चा पुंइसीनीम। तन्‍न परमप्रभु कली मटीब, मटिना टिन बाक्‍शा, मारेइ मरुप्‍नीम। तन्‍न जोक्‍ब तुइक्‍बपुकीमी एको लोव़ रुप्‍नीम।

मत्ती 13:34

येसुमी मेको लोव़ नेल्‍ल कथा सेल्‍शा शेंताक्‍मी। कथा मसेल्‍थु मारेइ लोव़ मशेंदीमी। मर्कूस ४:३३-३४

मत्ती 13:51

आं शेंतीक लोव़ नेल्‍ल रुम्‍नी?” दे हिल्‍लो पवानु “रुप्‍तक” देंतेक्‍म।

मर्कूस 4:34

कथा मसेल्‍थु, लोव़ मपाइबाक्‍माक्‍त। आ शेंसीब आन कली मेको कथा आन अर्थ यो नेल्‍ल रुप्‍‍पाइक्‍बाक्‍माक्‍त।

यूहन्‍ना 16:25

गो इन कली कथा खोदेंशो पा शेंताक्‍न्‍नी। नोले कथा पा मशेंनन्‍नी। मेना आं आफ आ पर्बम मारेइ मख्रुइक्‍थु शेंनन्‍नी। यूहन्‍ना १५:११

यूहन्‍ना 16:29

मिनु आ शेंसीबपुकीमी येसु कली “मुल गे कथा पा मशेंथु, मारेइ मख्रुइक्‍थु शेंनीनी।

यूहन्‍ना 6:52

मिनु यहूदीपुकीमी “एको मुरुमी आंइ कली दोपा आ रां ब्‍वचा गेने चाप्‍बा?” दे लोव़ पा जिम्‍तेक्‍म।

यूहन्‍ना 6:60

मिनु मेको लोव़ नेंशा, येसु आ शेंसीबपुकी शुशेमी “एको आं शेंशो कका पा कशो लोव़ बाक्‍त। सु नेंने चाप्‍बा ङा?” देंमुम्‍तेक्‍म।

यूहन्‍ना 7:36

आ देंशो ‘गेपुकीमी आं कली माल्‍नीनी, तन्‍न मथित्‍नीनी’ मिनु ‘आं बाक्‍तीकेमी जाक्‍ने मचाप्‍नीनी’ दे एको दोदेंशो लोव़ पवा?” देंमुम्‍तेक्‍म।

यूहन्‍ना 8:27

मिनु येसुमी आ आफ आ पर्बम लोव़ पाप्‍तु, दे मेकोपुकीमी मरुबेम।

यूहन्‍ना 8:43

आं देंशो लोव़ मारदे मरुप्‍नीनी? गे आं लोव़ नेंशा, फाल्‍ने मचाप्‍नीनी। १कोरिन्‍थी २:१४

१ कोरिन्‍थी 2:14

परमप्रभु यावे कली थमा मसुइक्‍ब मुरुम परमप्रभु यावे आ सोक्‍त ङा गेय मताइनीम। मेको नेल्‍ल मेको आन कली मूर्ख गेय खोदेंशो पा रुप्‍ने मचाप्‍नीम। मारदे हना मेको सोक्‍त ङा लोव़ बाक्‍ब। यूहन्‍ना ८:४७; १कोरिन्‍थी १:२३

२ पत्रुस 2:22

मिनु मुर आन देंतीक लोव़ “कुचुममी आ मेशो लेंशा जाइब।” मिनु “पोव़ कली गिश चिक्‍शा हना यो, लेंशा ग्रांग्रामी ग्रुम्‍दीब” देंशो लोव़ थमा बाक्‍ब। हितोपदेस २६:११

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३