यूहन्‍ना 10:4 - Sunuwar Bible

⁴ मिनु नेल्‍ल आन कली ग्रुंइशा, भेडा आन ङोंइती गाक्‍ब। भेडापुकीमी गोठला आ नोले खोइक्‍नीम। मारदे हना आ सेंदा तुइक्‍नीम।

यूहन्‍ना 10:4 ပူးပေါင်းရင်းမြစ်များ

ठेयब कुम्सो 2:8

लो आं दाक्‍शो मुर, आ सेंदा नेनीन। कोव़ङीन, मेको पहाड मेर प्रेक्‍ना प्रेक्‍न, डांडा मेर दोरना दोरन जाक्‍शो बाक्‍ब।

ठेयब कुम्सो 5:2

गो गोल्‍‍ती, तन्‍न मइम्‍ङ। नेनीन, आं दाक्‍शो मुरुमी लाप्‍चो ख्रोकोल पाप्‍तु। “आं समी, आं दाक्‍शो मीश आल, आ ढुकुर, मारेइ मारेइम रिम्‍शो बाक्‍‍शो मीश आल लाप्‍चो रोक्‍को। आं पिया सीतम जिश्‍शो बाक्‍ब। आं चां नाक्‍दो ङा सीतम जिश्‍शो बाक्‍ब” देंत।

मत्ती 16:24

मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

यूहन्‍ना 10:16

मेको गोठ ङा ला ममाइ, अरु गोठ ङा भेडा यो आं के बाक्‍नीमी। गो मेको आन कली यो चाक्‍चा माल्‍नुङ। मेकोपुकीमी आं सेंदा नेंशा, आं कली टीनीमी। मोपा गोठला का नु बगाल का दुम्‍ब। यूहन्‍ना ११:५२; प्रेरित १०:३४-३५

यूहन्‍ना 10:27

गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७

यूहन्‍ना 10:3

गोठला जाक्‍मेनु, लाप्‍चो खाल पाइबमी मेको कली लाप्‍चो रोक्‍ब। भेडापुकीमी गोठला आ सेंदा नेंनीम। गोठलामी आंम भेडा आन नें थिशा ब्रेश्‍शा, गोठ रे ग्रुंइब।

यूहन्‍ना 10:5

सेंदा मतुइश्‍शो मुर आ नोले मखोइक्‍नीम। मेको कली तशा प्रोक्‍नीम। मारदे हना आ सेंदा मतुइक्‍नीम” दे येसुमी शेंताक्‍मी।

यूहन्‍ना 10:8

सु सु आं ङोंइती जाक्‍मा, मेको नेल्‍ल खुइ नु रोइक्‍ब नम। मिनु भेडापुकीमी मेको आन लोव़ मटीनीमी।

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 13:15

गो इन खोइल चिक्‍ताक्‍न्‍नी। मिनु गेपुकी आं खोदेंशो पने। फिलिप्‍पी; १पत्रुस २:२१

यूहन्‍ना 18:37

पिलातसमी “मिनु गे पिपन ननी?” दे हिल्‍लो पाप्‍तु। मिनु येसुमी “गो पिप नङ, दे गे आंमा देंतीनी। मिनु थमा मार बाक्‍बा, दे कोंइचा कली रागीम जरमेशा जाक्‍ती। सु थमामी बाक्‍बा, मेकोमी आं सेंदा नेंब” देंत। १तिमोथी ६:१३

यूहन्‍ना 3:29

ग्‍युम्‍लेमी ग्‍युम्‍ली कली चाक्‍शो तशा, आ लोव़ नेंशा, आ वारच ग्‍येरसीब। मोपतीके गो थमा पा ग्‍येरसीनुङ। मत्ती ९:१५

१ कोरिन्‍थी 11:1

गो दोपा ख्रीस्‍त आ पशो खोदेंशो पङा, मोपा गे यो आं पशो खोदेंशो पाइब दुमीन।

एफिसी 5:1

गेपुकी परमप्रभु यावे आ दाक्‍शो तमी तौ दुम्‍तीके मेकोमी दोदेंशो पवा, मोदेंशो पने। लूका ६:३६

ब्‍यवस्‍था 1:30

इन ङोंइती गाक्‍ब, परमप्रभु यावे, इन परमप्रभुमी इन पा ङा लडाइ पाइब। दोपा इजीप्‍त रागीमी इन ङोंइती मार मार पवा, मोपा पाइब।

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

हिब्रू 6:20

येसु मेल्‍कीसेदेक आ खाल ङा ठेयब चढ़ेब नु इं कली लां कोंइब दुम्‍शा, नेल्‍ल क्‍येङा ङोंइती मेकेर ओव़दीश्‍शो बाक्‍ब। हिब्रू ५:६

१ पत्रुस 2:21

मोदेंशो पचा, दे योव़शो ननी। ख्रीस्‍त यो इन पर्बम श्‍येत जशा, इन कली कोंइतीक दुम्‍त। मोपतीके गे आ खोदेंशो पचा माल्‍नीनी। १पत्रुस ३:१८; मत्ती १६:२४

१ पत्रुस 4:1

दोपा ख्रीस्‍त रागीम बाक्‍शा, श्‍येत जवा, मोपा गो नेल्‍ल श्‍येत जचा माल्‍नय, दे मिम्‍तीन। सु सु रागीमी श्‍येत जाइनीमी, मेको मरिम्‍शो पतीक कली प्रोंइने थुम्‍शो बाक्‍नीम।

१ पत्रुस 5:3

“गो परमप्रभु यावे आ योव़शो मुर आन कली हुकुम पाइब दुम्‍ती” दे ममाइ, तन्‍न मेको दोदेंब दुम्‍चा माल्‍नीमी, इन पशो गेयमी कोंइदीन। इजीकीएल ३४:२-४; २कोरिन्‍थी १:२४; तीतस २:७