यूहन्‍ना 10:38 - Sunuwar Bible

³⁸ तन्‍न गो आं आफ आ गेय पाइनुङ हना, गेपुकी आं कली थमा मसुइक्‍नीनी। आं पशो गेय परमप्रभु यावे के बाक्‍त, दे थमा सुतीन। मिनु गो आं आफ नु बाक्‍नुङ। आं आफ गो नु बाक्‍ब, दे रुपीन” दे येसुमी यहूदी आन कली माइक्‍तीमी।

यूहन्‍ना 10:38 ပူးပေါင်းရင်းမြစ်များ

यूहन्‍ना 10:25

येसुमी “गो इन कली देंती। तन्‍न गेपुकीमी थमा मसुइक्‍नी। गो आं आफ आ गेय पाइनुङ। मेको गेयमी ‘गो परमप्रभु यावे आ सोइश्‍शो नङ’ दे इन कली तुइक्‍पाइक्‍ब। यूहन्‍ना ५:३६

यूहन्‍ना 10:30

गो नु आं आफ उइक्‍थ उइक्‍थ नस्‍कु” देंत।

यूहन्‍ना 11:4

मिनु येसुमी “मेको रोइ बेक्‍चा ङा रोइ ममाइ, तन्‍न परमप्रभु यावे आ सक्ति कोंइचा कली बाक्‍ब। मिनु मुरपुकीमी मेको रोइ आ पर्बम परमप्रभु यावे आ तौ कली ठेयब सेल्‍नीमी” देंत। यूहन्‍ना ९:३

यूहन्‍ना 14:20

मिनु आं आफ आ आगाम बाक्‍नुङ। गेपुकी आं आगामी बाक्‍नीनी। मिनु गो इन आगामी बाक्‍नुङ, दे मेना रुप्‍शा तुइक्‍नीनी।

यूहन्‍ना 17:11

मुल गो रागीमी शुश नाक्‍त मबाक्‍नुङ। गे का ला बाक्‍शो आं आफ, इन बाक्‍तीक जाक्‍चशो बाक्‍नुङ। तन्‍न मेकोपुकी रागीमी बाक्‍नीम। आं आफ, आं कली गेशो मुर इन नें ङा सक्तिमी रिम्‍शो कोव़शा वोतीन। दोपा गो गे नु थुं का ङा बाक्‍ङा, मोपा मेकोपुकी यो थुं का दुम्‍शा बाक्‍मल, दे सक्ति गेने।

यूहन्‍ना 3:2

मिनु नाक्‍दो मेको मुर येसु आ बाक्‍तीक जाक्‍शा, येसु कली “शेंब, गे परमप्रभु यावे आ सोइश्‍शो शेंब ननी, दे तुइक्‍नीकी। मारदे हना परमप्रभु यावे आ सोइश्‍शोमी ला गे इन खोदेंशो पा छक लाक्‍चा ङा गेय पने चाप्‍ब” देंत।

यूहन्‍ना 5:36

मिनु यूहन्‍नामी आं पर्बम शेंशो ठेयब बाक्‍त हना यो, आं पर्बम मेको क्‍येङा ठेयब सांकछी का बाक्‍ब। आं सांकछी मार बाक्‍ब देंशा हना, आं आफोमी आं कली पपाइश्‍शो गेय बाक्‍ब। मेको आं पशो गेयमी ‘परमप्रभु यावेमी आं कली सोइक्‍ताक्‍व’ दे इन कली शेंब। यूहन्‍ना ३:२; यूहन्‍ना १०:२५:३८

प्रेरित 2:22

मोपतीके इस्राएल ङा लोक्‍बपुकी, आं लोव़ नेनीने। परमप्रभुमी नासरथ ङा येसु कली योव़शा, सक्ति पाइश्‍शो गेय, चिन्‍ड नु छक लाक्‍चा ङा गेय इन दातेमी कोंइपाइक्‍तु। मेको गे यो तशो तुइश्‍शो बाक्‍नीनी।

१ यूहन्‍ना 3:24

सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९