यूहन्‍ना 10:31 - Sunuwar Bible

³¹ मिनु यहूदीपुकीमी लेंशा येसु कली साइक्‍चा, दे फुल्‍लु गुप्‍तेक्‍म। यूहन्‍ना ८:४९

यूहन्‍ना 10:31 ပူးပေါင်းရင်းမြစ်များ

प्रस्‍थान 17:4

मो देंमानु, मोसामी परमप्रभु यावे कली “गो एको मुर आन कली मार पाइनुङा? आं कली फुल्‍लु आप्‍शा, साइक्‍चा चिक्‍तायीमी। मुल मार पङ?” देंत। गन्‍ती १४:१०

मत्ती 12:14

मिनु फरिसीपुकीमी मेकेर रे ग्रूशा खुम्‍सीशा “मेको कली दोपा साइक्‍चा ताइनया?” दे लोव़सी पाम्‍तेक्‍म। यूहन्‍ना ५:१६

मत्ती 21:35

मिनु गेय पाइबपुकी जाक्‍दीम्‍मानु, बुम्‍था पाइबपुकीमी का कली तुप्‍मे बाक्‍त, का कली सदमे बाक्‍त, का कली फुल्‍लु आप्‍शा खेरमे बाक्‍त।

मत्ती 23:35

मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१

यूहन्‍ना 1:19

मिनु यरूसलेम सहर ङा यहूदीपुकीमी चढ़ेब नु लेवी आ थर ङा मुर आन कली यूहन्‍ना नु ग्रुम्‍थ सोइक्‍ताक्‍म। मिनु मेकोपुकीमी यूहन्‍ना कली “गे सु ननी?” दे हिल्‍लो पाम्‍तेक्‍म।

यूहन्‍ना 10:24

यहूदीपुकी येसु आ एर ओंथ देल्‍शा “गेना आंइ कली ठीक लोव़ पाइनीनी? गे ख्रीस्‍त ननी हना, लोव़ महिरथु, थमा पा देनीन” देंतेक्‍म।

यूहन्‍ना 10:32

मिनु येसुमी “गो इन कली आं आफोमी पशो रिम्‍शो गेय कोंइताक्न्‍‍नी। तेको गेय आ पर्बम आं कली फुल्‍लु आप्‍शा साइक्‍चा माल्‍नी?” देंत।

यूहन्‍ना 11:8

आ शेंसीबपुकीमी “शेंब, यहूदीपुकीमी इन कली फुल्‍लु आप्‍शा हेरा साइक्‍तेक्‍मे। मिनु गे मुल लेंशा मेकेर लचा दाक्‍नीनी?” दे हिल्‍लो पाम्‍तेक्‍म। यूहन्‍ना १०:३१

यूहन्‍ना 5:18

आ लोव़ नेंशा, यहूदीपुकीमी येसु कली साइक्‍चा माल्‍तेक्‍म। मारदे हना नाइक्‍तीक नाक्‍ती गेय मपतीके क्‍याम्‍चा ला ममाइ “परमप्रभु यावे नु उइक्‍थ बाक्‍नुङ। परमप्रभु यावे आं आफ बाक्‍ब” दे देंशोमी, मेकोपुकीमी येसु कली साइक्‍चा माल्‍तेक्‍म। यूहन्‍ना ७:३०; यूहन्‍ना १०:३३

यूहन्‍ना 8:59

मिनु यहूदीपुकीमी “फुल्‍लु आप्‍शा साइक्‍चा” दे फुल्‍लु गुप्‍तेक्‍म। तन्‍न येसु ख्रुंइसाक्‍व। मिनु परमप्रभु यावे आ खिं रे ग्रूशा गाक्‍त। यूहन्‍ना १०:३१

प्रेरित 7:52

इन किकी पिपीमी मार पामे? परमप्रभु आ लोव़ पाइब सु कली श्‍येत मगेमे ङा? नेल्‍ल आन कली श्‍येत गेम्‍तेक्‍म। श्‍येत गेशा ला ममाइ। इन कली पाप रे प्रोंइब ख्रीस्‍त जाक्‍ब, दे लोव़ नेंपा गाक्‍ब आन कली साइक्‍पाइक्‍ना पाइक्‍न बाक्‍तेक्‍म। इन कली पाप रे प्रोंइब ख्रीस्‍त जाक्‍त। मिनु गेपुकीमी मेको कली यो साइक्‍पाइक्‍तीनी। २इतिहास ३६:१६; मत्ती २३:३१

१ सामुएल 30:6

दाऊद कली हिंचा ङा दुम्‍शो बाक्‍त। मारदे हना मुरपुकीम मेको आन तमी तौ नेल्‍ल योल्‍ने थुम्‍तीके, दाऊद कली फुल्‍लु आप्‍शा साइक्‍नीकी देंशो बाक्‍मा बाक्‍त। तन्‍न दाऊदमी परमप्रभु यावे, आ परमप्रभु कली सक्ति पुना बाक्‍त।