यूहन्‍ना 10:2 - Sunuwar Bible

² सु लाप्‍चो रे ओव़बा, मेको भेडा गोठला बाक्‍ब।

यूहन्‍ना 10:2 ပူးပေါင်းရင်းမြစ်များ

भजन संग्रह 23:1

परमप्रभु यावे आं गोठला बाक्‍ब। आं माल्‍शो नेल्‍ल बाक्‍ब। उत्‍पत्ती ४८:१५; यसैया ४०:११; यूहन्‍ना १०:११-३०

भजन संग्रह 80:1

इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। भजन संग्रह १८:११; २सामुएल ६:२

उपदेसक 12:11

जोक्‍ब तुइक्‍ब आन लोव़ गोठला आन कोक्‍के खोदेंशो बाक्‍ब। मिनु मेको आन खुप्‍शो लोव़पुकी बोल्‍यो पा थोक्‍शो कांटी खोदेंशो बाक्‍ब। मेको नेल्‍ल गोठला का रे पान दुम्‍शो बाक्‍ब। यसैया २२:२३

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 63:11

मिनु नोले मेकोपुकीमी साइ ङोंइती ङा नाक्‍ती मिम्‍ताक्‍म। मेको आ गेय पाइब मोसा आ पाला ना ङा नाक्‍ती मिम्‍ताक्‍म। मिनु मेकोपुकीमी “समुन्‍द्र रे पा गोठला नु आ बगाल ग्रुंइब ते बाक्‍म? मेको आन कली परमप्रभु यावे आ सोक्‍त वोइक्‍ब, ते बाक्‍मे? प्रस्‍थान २:५; गन्‍ती ११:१७

इजीकीएल 34:23

गो मेको आन कली गोठला का वोइक्‍नुङ। आं गेय पाइब दाऊद कली वोइक्‍नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्‍ब। इजीकीएल ३७:२४; येरमीया ३०:९; होसे ३:५; यूहन्‍ना १०:१४-१६

मीका 5:5

मिनु मेकोमी थुं नाइक्‍चा गेब। मिनु अस्‍सुर ङा मुर इं रागी ओव़शा लडाइ पचा गोम्‍तेक्‍म हना, गोपुकीमी ७ जना गोठला नु ८ जना हुकुम पाइब वोइक्‍नीकी।

जकरिया 11:3

गोठला आन रोंका पशो नेनीन। मेको आन रिम्‍शो योव़तीके खतम दुम्‍शो बाक्‍ब। गुप्‍स आन ग्री‍शो नेनीन। यर्दन ङा ब्‍वाकी नेल्‍ल खतम दुम्‍शो बाक्‍ब।

जकरिया 11:5

मेको ग्‍याप्‍बपुकीमी भेडा क्‍योरशा सजाइ मतथु ब्रोंइशा लाइनीम। मिनु मेको आन कली लेयबपुकीमी ‘परमप्रभु ठेयब बाक्‍ब। मारदे हना गो शोंप पाइश्‍शो दुम्‍तक’ देंनीम। मिनु मेको भेडा आन गोठलामी मेको आन कली शिशी मपाइनीम। येरमीया २३:-; इजीकीएल १३:-; इजीकीएल ३४:-

जकरिया 11:8

गो महिना कामी गोठला सां आन कली खेर‍तामी। गो मेको आन गेय तशा ब्रीशा, फाल्‍ने मचाप्‍शो बाक्‍ती।

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

मत्ती 15:11

शोव़ आगा ओव़ब थोव़कीमी मुर कली ग्रांग्रा मसेल्‍ब। शोव़ रे ग्रूशोमी चहिं मुर कली ग्रांग्रा सेल्‍ब” दे शेंताक्‍मी। प्रेरित १०:१५; १तिमोथी ४:४; तीतस १:१५

यूहन्‍ना 10:14

गो रिम्‍शो गोठला नङ। दोपा गो आं भेडा आन कली तुइक्‍नुङमी, मोपा मेकोपुकीमी आं कली तुइक्‍नीम। २तिमोथी २:१९

यूहन्‍ना 10:7

येसुमी लेंशा मेको आन कली “नोफा दाइश्‍शा नेनीन, गो भेडा गोठ ङा लाप्‍चो नङ।

यूहन्‍ना 10:9

गो लाप्‍चो नङ। सु सु मेको लाप्‍चो रे ओव़नीमी, मेकोपुकी श्‍येत रे ब्रोंइनीम। मिनु रिम्‍शो घांस बाक्‍तीकेमी लशा, जोचा ताइनीम। यूहन्‍ना १४:६

प्रेरित 20:28

गे आंम कली कोव़ङीने। परमप्रभु यावे आ सोक्‍तीमी इन कली थमा सुइक्‍ब आन कली कोव़ब सेल्‍तु। गे परमप्रभु यावे आ मुर आन कली मुर आन कली कोव़ब रिम्‍शो गोठला दुमीन। मारदे हना मेकोपुकी आ तौ आ हुशेम ग्‍याप्‍शो बाक्‍नीमी। १तिमोथी ४:१६; १पत्रुस ५:२-४

१ तिमोथी 4:14

थमा सुइक्‍ब आन शेंब खाल्‍पापुकीमी इ पिया तारी गुइ वोइश्‍शा, परमप्रभु यावेमी तुइक्‍पाइश्‍शो लोव़ पशा, इ कली गेय पतीके सक्ति गेशो बाक्‍त। मेको गेय रिम्‍शो पा पावो। १तिमोथी १:१८; १तिमोथी ५:२२; प्रेरित ६:६; प्रेरित ८:१७; २तिमोथी १:६

तीतस 1:5

गो इ कली क्रेट टापुमी मारदे वोइक्‍तन देंशा हना “गे थमा सुइक्‍ब आन दातेमी ठीक मदुम्‍शो गेय ठीक पपतो। मिनु सहर सहर ङा ग्रुम्‍तीकेमी शेंब खाल्‍पापुकी वोतो” दे इ कली अरेतन। प्रेरित१४:२३

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

१ पत्रुस 2:25

ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। यसैया ५३:६; यूहन्‍ना १०:१२

१ पत्रुस 5:4

नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८

प्रकाश 1:20

मिनु आं ग्‍युरा गुइमी बाक्‍शो ७ ओटा सोरुल नु ७ ओटा खपीम बाक्‍शो सुन के दियारी आ ख्रुइश्‍शो अर्थ मार बाक्‍ब देंशा हना, मेको आं गुइमी तशो ७ ओटा सोरुलपुकी मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा शेंब नम। मेको ७ ओटा दियारी चहिं मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा मुर नम” दे माइक्‍ती।