यूहन्‍ना 10:16 - Sunuwar Bible

¹⁶ मेको गोठ ङा ला ममाइ, अरु गोठ ङा भेडा यो आं के बाक्‍नीमी। गो मेको आन कली यो चाक्‍चा माल्‍नुङ। मेकोपुकीमी आं सेंदा नेंशा, आं कली टीनीमी। मोपा गोठला का नु बगाल का दुम्‍ब। यूहन्‍ना ११:५२; प्रेरित १०:३४-३५

यूहन्‍ना 10:16 ပူးပေါင်းရင်းမြစ်များ

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

भजन संग्रह 86:9

परमप्रभु, इन सेल्‍शो रागी रागी ङा मुर इन ङोंइती बाप्‍शा, इन नें थिशा, इन कली ठेयब सेल्‍चा माल्‍नीम।

उपदेसक 12:11

जोक्‍ब तुइक्‍ब आन लोव़ गोठला आन कोक्‍के खोदेंशो बाक्‍ब। मिनु मेको आन खुप्‍शो लोव़पुकी बोल्‍यो पा थोक्‍शो कांटी खोदेंशो बाक्‍ब। मेको नेल्‍ल गोठला का रे पान दुम्‍शो बाक्‍ब। यसैया २२:२३

यसैया 11:10

मिनु मेको नाक्‍ती येस्‍से आ शाक्‍श जात जात ङा मुर आन कली चिन्‍ड दुम्‍ब। मिनु रागी रागी ङा मुर नेल्‍लेमी मेको कली हिल्‍लो पाइ‍नीम। मेको आ बाक्‍तीके छेङछेङम बाक्‍ब। रोमी १५:१२

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

यसैया 52:10

परमप्रभु यावेमी रागी रागी ङा मुर आन ङोंइती आ सक्ति कोंइताक्‍व। मिनु रागी आ सुर सम्‍म ङा मुर नेल्‍लेमी आंइ परमप्रभुमी दोपा पाप रे प्रोंइबा, मेको ताइनीम।

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

इजीकीएल 34:12

दोपा गोठलापुकीमी एर ओंथ ब्रशो क्‍यारश भेडा आन दातेमी आंम क्‍यारश भेडा माल्‍दीनीमी, मोपान गो आं भेडा आन कली माल्‍थ लाइनुङ। क्‍येर गोस्‍सुम सुम्‍शो नाक्‍त ते ते ब्रशो आं भेडा आन कली श्‍येत रे प्रोंइनुङमी। लूका १५:४

इजीकीएल 34:23

गो मेको आन कली गोठला का वोइक्‍नुङ। आं गेय पाइब दाऊद कली वोइक्‍नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्‍ब। इजीकीएल ३७:२४; येरमीया ३०:९; होसे ३:५; यूहन्‍ना १०:१४-१६

इजीकीएल 34:6

आं भेडा लां प्रेंशा, पहाड मेर नु लाइश्‍शो डांडा मेर हिरसाक्‍म। आं भेडा रागी नेल्‍लेम ब्राम्‍तेक्‍म। मिनु सुइम मेको आन कली ममलेम। मेको आन पर्बम हिल्‍लो यो मपाम” देंशो बाक्‍ब। मत्ती ९:३६

इजीकीएल 37:22

गो मेको आन कली इस्राएल रागी ङा पहाडम रागी कान सेल्‍नुङमी। मिनु मेको नेल्‍ल आन के पिप कान दुम्‍ब। मिनु गेनायो रागी निक्‍शी मदुम्‍नीस। मिनु राज्‍य निक्‍शी मदुम्‍नीस। इजीकीएल ३४:२३; येरमीया ३:१८; होसे २:२

इजीकीएल 37:24

आं गेय पाइब दाऊद मेको आन पिप दुम्‍ब। मिनु मेको आन गोठला कान दुम्‍ब। मिनु मेकोपुकीम आं निसाफ पतीक लोव़ टीनीम। मिनु मेकोपुकीम आं फुल्‍लुम मुशा ब्रेक्‍शो लोव़ होस पा पाइनीम। इजीकीएल ३४:२३; इजीकीएल ३६:२७

होसे 1:10

इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

लूका 15:8

मिनु “मार, मीश मुर कामी १० ओटा द्राक्‍मे वोइश्‍शोमी का जाम्‍त हना, बत्ती दाशा, खिं गा, कुना लाङगा नेल्‍ल हिरशा, मथिदा सम्‍म ममाल्‍बा ङा? द्राक्‍‍मे ग्रीक लोव़ बाक्‍ब। मेको देनार का खोदेंशो नाक्‍त का ङा गाल्‍च बाक्‍त। देनार चहिं रोमी लोव़ बाक्‍ब।

यूहन्‍ना 10:11

मिनु येसुमी “गो रिम्‍शो गोठला नङ। रिम्‍शो गोठला भेडा आन पा ङा साइक्‍चा पुंइसीब। भजन संग्रह २३:-; यसैया ४०:११; इजीकीएल ३४:११-२३; यूहन्‍ना १५:१३; हिब्रू १३:२०

यूहन्‍ना 10:2

सु लाप्‍चो रे ओव़बा, मेको भेडा गोठला बाक्‍ब।

यूहन्‍ना 10:27

गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७

यूहन्‍ना 10:3

गोठला जाक्‍मेनु, लाप्‍चो खाल पाइबमी मेको कली लाप्‍चो रोक्‍ब। भेडापुकीमी गोठला आ सेंदा नेंनीम। गोठलामी आंम भेडा आन नें थिशा ब्रेश्‍शा, गोठ रे ग्रुंइब।

यूहन्‍ना 10:4

मिनु नेल्‍ल आन कली ग्रुंइशा, भेडा आन ङोंइती गाक्‍ब। भेडापुकीमी गोठला आ नोले खोइक्‍नीम। मारदे हना आ सेंदा तुइक्‍नीम।

यूहन्‍ना 10:5

सेंदा मतुइश्‍शो मुर आ नोले मखोइक्‍नीम। मेको कली तशा प्रोक्‍नीम। मारदे हना आ सेंदा मतुइक्‍नीम” दे येसुमी शेंताक्‍मी।

यूहन्‍ना 11:52

इस्राएल रागी ङा मुर आन कली ला ममाइ, तन्‍न ब्रशा बाक्‍शो परमप्रभु यावे आ तमी तौ नेल्‍ल आन कली काथा दुम्‍पाइक्‍चा, दे येसु साइक्‍चा पुंइसीब दुम्‍त। यूहन्‍ना ७:३५; यूहन्‍ना १०:१६; १यूहन्‍ना २:२

यूहन्‍ना 17:20

गो मेको आन पर्बम ला इन कली मपुंइनुङ। तन्‍न मेको आन शेंशो लोव़ रे आं कली थमा सुइक्‍ब दुम्‍ब आन पर्बम यो पुंइनुङ। रोमी १०:१७

यूहन्‍ना 6:37

मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्‍नुङमी। मत्ती ११:२८

प्रेरित 15:14

परमप्रभु यावेमी अर्को रागी ङा मुर आन कली यो योव़शा, आ मुर सेल्‍तु, दे सिमोनमी तुइक्‍पाइक्‍तु। नेल्‍ल क्‍येङा ङोंइती दोदेंशो दुम्‍मे, मार दुम्‍मे, मेको लोव़ शेंताक्‍व।

प्रेरित 18:10

मारदे हना गे नु काथा बाक्‍शा, इ कली कोव़नन। मिनु सुइमी इ कली मरिम्‍शो पने मचाप्‍नीम। मेको सहरमी बाक्‍ब शुश मुर आन कली योव़ने थुम्‍ता” देंशो नेंना बाक्‍त। यूहन्‍ना १०:१६

प्रेरित 22:14

मिनु हनानीयामी ‘इं किकी पिपीमी आन परमप्रभु यावेमी इ कली योव़शा, आ दाक्‍शो पचा, दे तुइक्‍पाइक्‍ते। मेको ठीक पाइब कली तशा, आ लोव़ नेंतीवी।

रोमी 11:25

आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६

२ थिस्‍सलोनिकी 2:13

प्रभु आ दाक्‍शो लोक्‍बपुकी, गोपुकीमी गेना हना यो इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्‍नीम, दे योव़तु। दोपा आ मुर दुम्‍नीनी देंशा हना, परमप्रभु यावे आ सोक्‍तीमी इन कली पाप रे ङोन वोइश्‍शा, थमा शेंतीके थमा सुइक्‍पाइक्‍तु। रोमी ८:३०

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

१ पत्रुस 2:10

ङोंइती गे परमप्रभु यावे आ मुर मबाक्‍नी। मुल परमप्रभु यावे आ मुर दुम्‍तीनी। ङोंइती गे परमप्रभु यावे आ शिशी मतशो बाक्‍तीनी। तन्‍न मुल परमप्रभु यावे आ शिशी ताइब दुम्‍तीनी। होसे २:२५; रोमी ९:२४-२६

१ पत्रुस 2:25

ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। यसैया ५३:६; यूहन्‍ना १०:१२

१ पत्रुस 5:4

नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८

प्रकाश 3:20

नेनीन, गो लाङगाम जाक्‍शा ‘बाक्‍नी?’ दे ब्रेत्‍नुङ। सु सुमी आं सेंदा नेंशा ‘ओव़ङीन’ देंनीमी, गो मेको नु बाक्‍थ ओव़नुङ। मिनु मेको नु काथा बाक्‍शा, खमे जाइनुङ। यूहन्‍ना १४:२३