यूहन्‍ना 1:31 - Sunuwar Bible

³¹ ङोंइती गो यो मेको कली मतुइक्‍ब बाक्‍ती। तन्‍न गो मुल इस्राएल ङा मुर आन कली मेको आ पर्बम तुइक्‍पाइक्‍चा कली ब्‍वाक्‍कुमी ख्रुम्‍शा ग्रुंइतीक गेय पथ जाक्‍ती” दे यूहन्‍नामी मुर आन कली देंत।

यूहन्‍ना 1:31 ပူးပေါင်းရင်းမြစ်များ

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

मत्ती 3:13

मिनु काबु येसु गालील रागी रे यूहन्‍ना नु ब्‍वाक्‍कुम ख्रुम्‍शा ग्रुंइसीथ यर्दन खोला यूहन्‍ना आ बाक्‍तीकेमी जाक्‍माक्‍त।

मत्ती 3:6

यूहन्‍ना आ लोव़ नेंशा, शुश मुरुमी आन मरिम्‍शो पशो शोव़ङमे बाक्‍त। मो पा शोव़ब आन कली यूहन्‍नामी यर्दन खोलामी ख्रुम्‍शा ग्रुंइदीमी बाक्‍त।

लूका 1:17

मिनु मेकोमी एलीया आ सोक्‍त नु सक्ति तशा, आम आफ आ थुं आन तमी तौ गे लेप्‍पाइक्‍ब। मिनु मटीब आन कली ठीक पतीक लां जोक्‍ब तुइक्‍ब सेल्‍ब। मिनु मोपा मुर आन कली प्रभु नु ग्रुम्‍पाइक्‍चा कली ठीक सेल्‍ब” देंमाक्‍त। मलाकी ३:१,२३,२४; मत्ती १७:११-१३

यूहन्‍ना 1:30

गो मेको आ पर्बम मार लोव़ पाता देंशा हना, मेको मुर आं क्‍येङा नोले जाक्‍त हना यो, आं क्‍येङा ठेयब बाक्‍ब। मिनु आं क्‍येङा ङोंइती यो बाक्‍शो बाक्‍त।

यूहन्‍ना 1:32

यूहन्‍नामी “गो परमप्रभु यावे आ सोक्‍त कली परवा बुदी सरीङ रे बेरशा, येसु आ तारी जुक्‍शो ताता।

यूहन्‍ना 1:33

ङोंइती गो यो मेको कली मतुइक्‍ब बाक्‍ती। मिनु आं कली ब्‍वाक्‍कुमी ख्रुम्‍शा ग्रुंइतीक गेय पथ सोइक्‍बमी ‘तेको मुर तारी गेमी आं सोक्‍त जुक्‍शो ताइनेवे, मेको आं सोक्‍तीम ख्रुम्‍ब बाक्‍ब’ दे परमप्रभु यावेमी माइक्‍ती।

यूहन्‍ना 1:7

यूहन्‍नामी छेङछेङ माइश्‍शो सु बाक्‍म, दे शेंथ जाक्‍त। यूहन्‍नामी “मुर नेल्‍लेमी लोव़ माइश्‍शो कली थमा सुइक्‍ब दुम्‍मल” दे शेंताक्‍व। प्रेरित १९:४

प्रेरित 19:4

मिनु पावलमी “यूहन्‍नामी मुर आन कली ‘पाप पचा प्रोंइशा इन थुं परमप्रभु यावे गे लेत्‍तीने। मिनु आं नोले जाक्‍ब कली थमा सुतीने’ दे ब्‍वाक्‍कुम ख्रुम्‍शा ग्रुंइदीमी बाक्‍त। यूहन्‍ना आ नोले जाक्‍शो चहिं येसु बाक्‍ब” दे शेंदीमी बाक्‍त। मत्ती ३:११