यूहन्ना 1:29 - Sunuwar Bible29 आ दीसा यूहन्नामी येसु कली आ बाक्तीक गे पिना पिन पशो तशा “परमप्रभु यावे आ पाठा मेकोन बाक्ब। मेकोमी रागी नेल्ल ङा मुर आन मरिम्शो पशो क्याम्ब। यसैया ५३:७ အခန်းကိုကြည့်ပါ။ |
यूहन्ना 1:29
65 ပူးပေါင်းရင်းမြစ်များ
परमप्रभु यावेमी मेको कली मोदेंशो पा तुप्शा, श्येत गेचा दाक्ताक्व। मेकोमी आ रां पाप क्याम्चा कली चढ़ेप्तु। मो हना यो मेको कली आ आल खोदेंशो शुश थमा सुइक्ब आन कली ताइब। मिनु शुश नाक्त सम्म ब्रोंइब। मेको आ पतीके नेल्ल परमप्रभु यावे आ दाक्शो गेय दुम्ब। लेवी ५:१५; मत्ती २०:२८; भजन संग्रह २०:३१
येसु ख्रीस्तम आंम कली काइ ममिम्थु, साइक्चा पुंइसाक्व। मारदे साइक्चा पुंइसाक्व देंशा हना, इं कली मटितीके रे प्रोंइचा कली साइक्चा पुंइसाक्व। मिनु इं कली परमप्रभु यावे आ योव़शो मुर सेल्चा नु इं कली शुश रिम्शो गेय पपाइक्चा कली आंम कली साइक्चा, दे जिम्मा गेसाक्व। गलाती १:४; १तिमोथी २:६; प्रस्थान १९:५; एफिसी २:१०
मिनु परमप्रभु यावे आ दाक्चा मार बाक्ब देंशा हना, गोपुकी ङोंइती परमप्रभु यावे कली काइ मदाक्ताक्य हना यो, परमप्रभु यावेमी इं कली दाक्ताक्व। गिश दाक्ताक्व देंशा हना, आंम तौ कली साइक्चा पुंइसीब पपाइक्चा कली रागीमी सोइक्ताक्व। इं कली मरिम्शो गेय नु सैतान आ राज्य रे प्रोंइचा, दे साइक्चा पुंइसीचा कली रागीमी सोइक्ताक्व।
मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७
मोदेंशो दुम्मेनु, मेकोपुकी पाठा नु लडाइ पाइनीम। मिनु लडाइमी पाठा ग्राब। मारदे पाठा ग्राब देंशा हना, मेको पाठा प्रभु आन प्रभु नु पिप आन पिप बाक्ब। मिनु मेको नु बाक्शोपुकी आ ब्रेश्शो नु योव़शो मुरपुकी बाक्नीमी। मेको नु बाक्बपुकी आ ब्रेश्शो नु योव़शो दीगो पाइब यो बाक्नीमी” दे आं कली देंत। प्रकाश १९:१६; प्रकाश १९:१४
ကြော်ငြာတွေ