येरमीया 9:4 - Sunuwar Bible

⁴ आंम नेक्‍था ङा मुरपुकी रे होस पा बाक्‍कीन। आंम लोक्‍ब आन कली यो थमा मसुतीन। मारदे हना इन लोक्‍ब नेल्‍ल मिक्‍च सिल्‍ब बाक्‍नीम। मिनु इन नेक्‍था ङा मुरपुकी हिरशा, इन पर्बम जोल पा दोस गेना गेन बाक्‍नीम। येरमीया १२:६; भजन संग्रह ४१:१०; मीका ७:५-६

येरमीया 9:4 ပူးပေါင်းရင်းမြစ်များ

उत्पत्ती 32:28

मिनु मेकोमी “मुल ङा मेरे इ नें याकूब ममाइ, इ नें इस्राएल देंचा माल्‍नीम। मारदे हना गे परमप्रभु नु राम्‍शी पा ग्राते, मुर नु राम्‍शी पा यो ग्राते” देंमाक्‍त। उत्‍पत्ती ३५:१०; येरमीया २०:७

भजन संग्रह 101:5

सु आ नेक्‍था ङा मुर आन पर्बम मरिम्‍शो लोव़ पाइबा, गो मेको कली खतम सेल्‍नुङ। ठेयब लेश्‍शो नु बोरशो थुं पाइश्‍शो मुर आन कली आं नेक्‍था बाक्‍चा मगेनुङ।

भजन संग्रह 15:3

सुमी अरु आन लोव़ मपाइबा, आ नेक्‍था ङा मुर आन कली काइ मरिम्‍शो मपथु, शुक्‍शी मपाइबा,

हितोपदेस 10:18

सुमी मुर काइ मदाक्‍बा, तन्‍न “दाक्‍नुङ” देंबा, मेको मुर जोल्‍फे बाक्‍ब। सुम मुर आन पर्बम जोल फ्राइबा, मेको मूर्खे बाक्‍ब।

हितोपदेस 25:18

आंम नेक्‍था ङा मुर कली जोल पा सांकछी गेब मुर कोक्‍के तरवार नु हेश्‍‍शो ब्रा खोदेंशो बाक्‍ब।

हितोपदेस 4:16

मारदे हना मेकोपुकी मरिम्‍शो मपामे सम्‍म इप्‍ने मचाप्‍नीम। मुर कली मथिपदमे सम्‍म निन्‍द्रा मपाइनीम। भजन संग्रह ३६:५; मीका २:१

हितोपदेस 4:17

परमप्रभु यावे आ अरेशो मटितीके मेको आन जचा थोव़क खोदेंशो बाक्‍ब। हुश ख्राक्‍श पोक्‍तीके आन तूचा थोव़क खोदेंशो बाक्‍ब।

हितोपदेस 6:16

परमप्रभु यावेमी ६ ओटा थोव़क काइ मदाक्‍ब। ७ ओटा थोव़क पशो तशा ग्रांग्रा दी‍ब।

हितोपदेस 6:19

जोल पाइब सांकछी बाक्‍तीके नु वोबु आन दातेम जिचा पोक्‍ब काइ मदाक्‍ब। मेको ७ ओटा थोव़क बाक्‍नीम।

यसैया 59:13

गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।

यसैया 9:16

मारदे हना इस्राएल ङा मुर आन कली शेंबपुकीमी हेंथे लां गाक्‍पाइक्‍तेक्‍म। मिनु आन शेंशो नेंबपुकी लां मतुइक्‍ब दुम्‍तेक्‍म।

येरमीया 12:6

इ लोक्‍बपुकी नु इ खिं ङा मुरपुकीमी इ कली मरिम्‍शो पाम्‍तेक्‍म हना, मेकोपुकी इ पर्बम ठेयब सेंदा पा रेयके पा जाक्‍नीम। मेकोपुकीमी गे नु रिम्‍शो लोव़ पाम्‍तेक्‍म हना यो, मेको आन कली थमा मसुइक्‍मी।

येरमीया 6:28

मेको नेल्‍ल आन थुं खकटा बाक्‍शा, काइ मटीब बाक्‍नीम। मेकोपुकी जोल पा सांकछी बाक्‍ब नु गाक्‍नीमी। मेकोपुकी कांसा नु फलाम खोदेंशो खकटा बाक्‍नीम। मेको नेल्‍ल मरिम्‍शो बाक्‍नीम। इजीकीएल २२:१८

येरमीया 9:8

मेको आन लें बीस पाइश्‍शो ब्रा खोदेंशो बाक्‍ब। मेकोपुकीम जोल लोव़ ला पाइनीम। मुर नेल्‍लेम आन नेक्‍था ङा मुर नु रिम्‍शो लोव़ पखु पाइनीम। तन्‍न आन थुंमी दोपा मेको कली ब्‍वारद दाइक्‍चा, दे मिम्‍नीम। बजन संग्रह १२:३

इजीकीएल 22:9

मेकेर मुर आन पर्बम जोल लोव़ पा साइक्‍पाइक्‍ब मुर बाक्‍नीम। मिनु डांडा ङा थानम चढ़ेशो मार मार जाइब मुर यो बाक्‍नीम। मेकोपुकीम थम मरिम्‍शो गेय पाइनीम।

लेवी 19:16

गेपुकी मुर आन पर्बम जोल पा लोव़ मपमुने। गे इन नेक्‍था ङा मुर कली साइक्‍चा ममालीन। गो परमप्रभु यावे नङ। प्रस्‍थान २३:७

मलाकी 2:10

मार, गो नेल्‍ल इं आफ कान ममाइ ङा? मार, परमप्रभु कामीन इं कली मसेला ङा? मारदे गोपुकीमी कामी अर्को कली थमा मसुइक्‍थु, इं किकी पिपी आन कली गेशो कबल ख्रोइक्‍नया? मलाकी १:६; अय्‍युब ३१:१५; एफिसी ४:६

मत्ती 10:17

होस पा गाक्‍कीन। मारदे हना मेको फरपुकीमी इन कली सभा कछ‍डीम वोइक्‍नीम। ग्रुम्‍तीक खिंमी लाइश्‍शा युक्‍नीम। प्रेरित ५:४०; २कोरिन्‍थी ११:२४

मत्ती 10:21

लोक्‍बमी आ लोक्‍ब कली साइक्‍पाइक्‍चा गेब। आफोमी तमी तौ आन कली नु तमी तौपुकीमी यो आम आफ कली मरिम्‍शो पा साइक्‍पाइक्‍नीम। मीका ७:६

लूका 21:16

इन आम आफ, लोक्‍बपुकीमी, इन जात ङा मुर, इन वारचपुकीमी इन कली दोस गेशा, खेदा पा ग्‍याइक्‍पाइश्‍शा, चोक्‍पाइक्‍नीम। का निक्‍शी आन कली साइक्‍पाइक्‍नीम।

१ थिस्‍सलोनिकी 4:6

सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। लेवी १९:११