येरमीया 9:3 - Sunuwar Bible

³ मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

येरमीया 9:3 ပူးပေါင်းရင်းမြစ်များ

उत्पत्ती 39:16

मिनु मेकोमी योसेफ आ फेक्‍शो वा आ नेक्‍था वोइश्‍शा, आ वोंइश मजाक्‍म सम्‍म रिम्‍दा बाक्‍त।

हितोपदेस 12:5

ठीक पाइब मुर आन मिम्‍शो ठीक बाक्‍ब। तन्‍न परमप्रभु यावे आ अरेशो मटीब आन अर्ती चहिं दूली बाक्‍ब।

यसैया 1:3

ब्‍यफोमी आ होव़प कली तुइक्‍ब। गधामी आ होव़प आ शुंगु तुइक्‍ब। तन्‍न इस्राएल ङा मुर मतुइक्‍ब बाक्‍नीम। आं मुर मरुप्‍ब बाक्‍नीम।

यसैया 3:5

मिनु मुरपुकी दिप्‍चा पुंइसीनीम। दिम्‍मुइनीम। आन नेक्‍था ङा मुर आन कली दिप्‍नीम। आलपुकीमी खाल्‍पी खाल्‍पा आन कली मान मपाइनीम। महिक्‍सीशो मुरपुकीमी ठेयब मुर आन कली मान मपाइनीम।

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

यसैया 9:18

परमप्रभु यावे आ अरेशो लोव़ मटीब मी खोदेंशो पा ब्राइब। मिनु मेकोमी चू नु चोंक नेल्‍ल नेक्‍ब। मिनु मेको ब्‍वाकीमी कोक्‍त बुद पा ब्राइब। आ कुन गोस्‍स खोदेंशो पा रोम्‍सीशा सरीङ गे लाइब।

येरमीया 12:6

इ लोक्‍बपुकी नु इ खिं ङा मुरपुकीमी इ कली मरिम्‍शो पाम्‍तेक्‍म हना, मेकोपुकी इ पर्बम ठेयब सेंदा पा रेयके पा जाक्‍नीम। मेकोपुकीमी गे नु रिम्‍शो लोव़ पाम्‍तेक्‍म हना यो, मेको आन कली थमा मसुइक्‍मी।

येरमीया 22:16

मेकोमी प्रुङग नु मारेइ मथीब आन कली ठीक निसाफ पाप्‍तु। मिनु मेको कली रिम्‍शोन दुम्‍त। मेको आं कली तुइक्‍ब मुरुम पाइनीम” दे परमप्रभु यावेम देंत।

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

येरमीया 4:22

आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

येरमीया 5:4

मेकोपुकी दा प्रुङग ला बाक्नी‍म। मेकोपुकी मूर्ख बाक्‍नीम। मारदे हना मेकोपुकीम परमप्रभु यावे आ लां मतुइक्‍नीम। आन परमप्रभु आ अरेशो मतुइक्‍नीम।

येरमीया 5:5

गो शुश क्‍येट थीब मुर आन बाक्‍तीके लशा, मेको आन कली लोव़ पाइनुङ। मेकोपुकीम थमा पा परमप्रभु यावे आ लां, आन परमप्रभु आ अरेशो यो तुइक्‍नीम” देंती। तन्‍न मेकोपुकी खाल का ङा दुम्‍शा, जुवा जिक्‍शो बाक्‍तेक्‍म। मिनु डोरी यो प्रोइश्‍शो बाक्‍तेक्‍म। येरमीया २:२०

येरमीया 6:28

मेको नेल्‍ल आन थुं खकटा बाक्‍शा, काइ मटीब बाक्‍नीम। मेकोपुकी जोल पा सांकछी बाक्‍ब नु गाक्‍नीमी। मेकोपुकी कांसा नु फलाम खोदेंशो खकटा बाक्‍नीम। मेको नेल्‍ल मरिम्‍शो बाक्‍नीम। इजीकीएल २२:१८

येरमीया 7:26

तन्‍न मेकोपुकीमी आं लोव़ मनेनेम। आं लोव़मी आन नोफा मदाइक्‍तेम। मटीब ला दुम्‍तेक्‍म। मिनु मेकोपुकीमी आन किकी पिपी आन क्‍येङा यो शुश मरिम्‍शो पाम्‍‍तेक्‍म। येरमीया १६:१२

येरमीया 9:5

मेको नेल्‍लेम आन नेक्‍था ङा मुर आन कली जोल पाइनीम। सुइमी थमा लोव़ मपाइनीम। मेकोपुकीम जोल पचा शेंसीशो बाक्‍नीम। मेकोपुकीम मरिम्‍शो ला पाइनीम।

येरमीया 9:8

मेको आन लें बीस पाइश्‍शो ब्रा खोदेंशो बाक्‍ब। मेकोपुकीम जोल लोव़ ला पाइनीम। मुर नेल्‍लेम आन नेक्‍था ङा मुर नु रिम्‍शो लोव़ पखु पाइनीम। तन्‍न आन थुंमी दोपा मेको कली ब्‍वारद दाइक्‍चा, दे मिम्‍नीम। बजन संग्रह १२:३

इजीकीएल 8:13

मिनु लेंशा मेकोम आं कली “गे मेको क्‍येङा यो शुश ग्रांग्रा दिशो गेय पना पन बाक्‍शो ताइनेवे” देंत।

दानीएल 11:27

मेको पिप निक्‍शी मरिम्‍शो थुं पाइश्‍शो बाक्‍नीस। काथा जाम्‍ताक्‍स हना यो, जोल पमुइनीस। तन्‍न मेको रे मारेइ रिम्‍शो मदुम्‍ब। मारदे हना नोले ङा नाक्‍त मजाक्‍शो बाक्‍ब।

लेवी 19:11

गे खुइ मपने। मठगेने। गे जोल मपमुने। प्रस्‍थान २०:१५-१६; १ थिस्‍सलोनिकी ४:६

मर्कूस 8:38

सुमी हेंथे गाक्‍ब नु पाप पाइब आन पालामी आं पर्बम नु आं लोव़ आ पर्बम मुर आन कली देंचा मुने पाइबा, मेको आ पर्बम रागीम जरमेशोमी यो आ आफ आ छेङछेङ नु आ स्‍वर्ग ङा गेय पाइबपुकी नु जाक्‍मेनु मेको कली तशा मुने पाइब” दे माइक्‍मी बाक्‍त। मत्ती १०:३३

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

प्रेरित 24:9

मेकेर बाक्‍ब यहूदीपुकीमी यो “एको लोव़ थमा बाक्‍ब” दे निसाफ पाइब आ देंशो लोव़ थोक्‍शा देंमा बाक्‍त।

रोमी 1:16

ग्‍येरपाइक्‍तीक लोव़ शेंना शेंन गाक्‍ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्‍ब। मेको लोव़ ङोंइती यहूदी आन कली तुइक्‍पाइश्‍शो बाक्‍माक्‍त। नोले ग्रीक आन कली यो तुइक्‍पाइश्‍शो बाक्‍माक्‍त। भजन संग्रह ११९:४६; २तिमोथी १:८; १कोरिन्‍थी १:१८,२४

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 3:13

“ग्रांग्रा दिचा ङा लोव़ ला पाइनीम। जोल पाइनीम। शुक्‍शी पा थुं खाइक्‍चा ङा लोव़ पाइनीम। भजन संग्रह ५:१०; भजन संग्रह १४०:४

१ कोरिन्‍थी 15:34

दूली मिम्‍चा प्रोनीन। लेंशा पाप मपने। इन दाते ङा का निक्‍शीमी परमप्रभु यावे आ पर्बम मारेइ मतुइक्‍ब बाक्‍नीम। मेको इन कली मुने दोक्‍चा ङा बाक्‍ब। १थिस्‍सलोनिकी ५:८

फिलिप्‍पी 1:28

इन कली श्‍येत गेब आन कली तशा काइ महिनीन। मेकोन मेको आन कली ब्रुतीक चिनु बाक्‍ब। इन कली चहिं ब्रोंइतीक चिनु दुम्‍ब। मेको परमप्रभु यावे रे दुम्‍ब। २थिस्‍सलोनिकी १:५

२ तिमोथी 3:13

मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१

यहूदा 1:3

आं दाक्‍शो लोक्‍बपुकी, गो इन कली इं पाप रे प्रोंइतीक आ पर्बम ब्रेक्‍चा दाक्‍ती। थमा सुइक्‍तीके आ पर्बम दोपा गेय पचा, दे इन कली शेंचा दाक्‍ताक्‍ङ। मेको थमा सुइक्‍तीक पाप रे ङोन बाक्‍ब आन कली ङोंइती रे शेंने थुम्‍शो बाक्‍त। १तिमोथी १:१८

प्रकाश 12:11

मिनु थमा सुइक्‍बपुकीमी सैतान कली ग्राशो बाक्‍तेक्‍म। दोपा सैतान कली ग्राशो बाक्‍तेक्‍म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्‍तेक्‍म। मेकोपुकीमी आंम कली ममिम्‍थु, येसु ख्रीस्‍त आ पर्बम साइक्‍चा पुंइसीचा यो महिंम। प्रकाश ७:१४; प्रकाश ६:९

न्‍यायाधीस 14:17

मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७

न्‍यायाधीस 2:10

मेको पाला ङा मुर नेल्‍ल बेक्‍मा बाक्‍त। मिनु मेको आन आल ठेयब दुम्‍मा बाक्‍त। मेकोपुकी परमप्रभु यावे कली मतुइक्‍ब बाक्‍मा बाक्‍त। मिनु इस्राएल ङा मुर आन कली ठेयब गेय पा वारच पशो यो मतुइश्‍शो बाक्‍मा बाक्‍त।

१ सामुएल 2:12

एली आ तौ निम्‍फा हिंचा ङा मरिम्‍शो पाइब बाक्‍सा बाक्‍त। मेको निक्‍शी परमप्रभु यावे कली मान पा महिंब बाक्‍सा बाक्‍त।