येरमीया 9:26 - Sunuwar Bible

²⁶ गो इजीप्‍त, यहूदा, एदोम, अम्‍मोन, मोआब नु गोरशो रागीम बाक्‍ब, आन चां एर ओंथ ख्रोइक्‍ब मुर नेल्‍ल आन कली ग्रुम्‍नुङ। मारदे हना मेको नेल्‍ल ख्रोइक्‍तीक चि‍नु मख्रोइश्‍शो बाक्‍नीम। मिनु इस्राएल आ खिं ङा मुर नेल्‍ल यो आन थुंम ख्रोइक्‍तीक चिनु मख्रोइश्‍शो बाक्‍नीम” देंत। लेवी १९:२७; येरमीया ४:४; लेवी २६:४१; ब्‍यवस्‍था ३०:६

येरमीया 9:26 ပူးပေါင်းရင်းမြစ်များ

येरमीया 10:1

गे इस्राएल आ खिं ङा मुरपुकी, परमप्रभु यावेम इन कली मार, देंमे, मेको नेनीन।

येरमीया 4:4

परमप्रभु यावे आ पर्बम ख्रोइक्‍तीक चिनु ख्रोंइसीन। तन्‍न इन थुंम ख्रोइक्‍तीक चिनु ख्रोंइसीन। गे यहूदा ङा मुरपुकी नु यरूसलेममी बाक्‍ब वोंइशमुरपुकी, मो मपाइतीनी हना, इन मरिम्‍शो पतीके आं गाइक्‍चा मी खोदेंशो पा ब्रशा ग्रूब। मिनु सुइम काप्‍ने मचाप्‍चा ङा पा मेकोमी जेप्‍ब” देंत। येरमीया ९:२५; ब्‍यवस्‍था १०:१६; रोमी २:२९; कलस्‍सी २:११; येरमीया ६:७,१०

येरमीया 40:11

मिनु मोआब, अम्‍मोन, एदोम नु अर्को रागीपुकीम बाक्‍ब यहूदी नेल्‍लेम मेको लोव़ नेंतेक्‍म। बेबीलोन ङा पिपम का निक्‍शी मुर आन कली यहूदामी प्रोंइशा वोइश्‍शो बाक्‍ब, दे नेंतेक्‍म। मिनु शाफान आ चच अहीकाम आ तौ गेदाल्‍याह कली मेकेर ङा हुकुम पाइब सेल्‍शा वोइश्‍शो बाक्‍ब, दे यो नेंतेक्‍म।

येरमीया 49:32

मेको आन दलओंठ रोइक्‍चा पुंइसीनीम। आन बी ब्‍यफ यो रोइक्‍चा पुंइसीनीम। मेको चां प्रेक्‍शो मुर आन कली तेइ तेइ ब्रपाइक्‍नुङमी। मिनु मेको आन कली हिंचा ङा श्‍येत गे‍नुङ। येरमीया २५:२३

येरमीया 6:10

गो सु कली लोव़ पा हिंच कोंइदु? आं लोव़ सुम नेंबा? मेकोपुकीम नेंने मचाप्‍नीम। मेको आन नोफा सुशो बाक्‍नीम। परमप्रभु यावे आ लोव़ आ पर्बम गाइक्‍नीम। मेको नेंचा मदाक्‍नीम” देंत। येरमीया ४:४; प्रेरित ७:५१

इजीकीएल 31:18

एदेन ङा रवा आन दाते ङा तेको रवा इ खोदेंशो पा सक्ति पाइश्‍शो नु ठेयब बाक्‍बा ङा? मो हना यो गे यो एदेन ङा रवापुकी नुन रागी आगा तोक्‍चा पुंइसीनेवे। गे ख्रोइक्‍तीक चिनु मख्रोइश्‍शो तरवारम साइक्‍चा पुंइसीशो आन दातेमी बाक्‍नेवे। मेकोपुकी फाराओ नु मेको आ लडाइ पाइब बाक्‍नीम, देनो” दे परमप्रभु, परमप्रभु यावेमी देंत।

इजीकीएल 32:19

मार, गे अर्को जात आन क्‍येङा शुश शिशी ताइब बाक्‍नेवे ङा? उइ लावो। मिनु ख्रोइक्‍तीक चि‍नु मख्रोइश्‍शोपुकी नु गोल्‍शा बाक्‍को। यसैया १४:११,१५

इजीकीएल 44:7

गेपुकी आं कली आं जचा थोव़क बोंसो नु हुश चढ़ेची ना आन थुं नु रांम ख्रोइक्‍तीक चिनु मख्रोइश्‍शो अर्को रागी ङा मुर आन कली आं बाक्‍तीकेम ओव़चा गेतीनी। मोपा गे आं खिं, मुर आ खिं खोदेंशो सेल्‍तीनी। मिनु इन ग्रांग्रा दिशो गेयम आं कबल प्रोंइतीनी। यसैया ५२:१; येरमीया ९:२५

इजीकीएल 44:9

मिनु परमप्रभु, परमप्रभु यावेमी “इस्राएली आन दातेम बाक्‍शो अर्को रागी ङा आन थुं नु रांम ख्रोइक्‍तीक चिनु मख्रोइश्‍शो मुर आं बाक्‍तीकेम ओव़चा मताइनीम।

लेवी 26:41

मिनु गो मेको आन कली मरिम्‍शो पस ङा पस बाक्‍शा, आन जोरी सत्रु आन रागीम सोइक्‍ताक्‍ङमी। मिनु मेको आन खकटा थुं ब्रेम्‍शो दुम्‍शा, आन पाप आ पर्बम पाप क्‍याम्‍तीक गेय पाम्‍तेक्‍म हना, ब्‍यवस्‍था १०:१६; येरमीया ९:२५

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।