येरमीया 9:24 - Sunuwar Bible

²⁴ तन्‍न सु ठेयब लेत्‍नीमी, मेकोपुकीम ‘गो परमप्रभु यावे कली तुइक्‍नुङ’ देंमल ‘मेको थमा पा परमप्रभु यावे बाक्‍ब, दे तुइक्‍नुङ, दे नें बोरपाइक्‍ने चाप्‍नीम। परमप्रभु यावेमी रागी कली शिशी पाइब, ठीक निसाफ नु ठीक पाइब बाक्‍ब’ देंमल। मारदे हना मेको आं दाक्‍शो बाक्‍ब, दे ग्‍येरसीनुङ” दे परमप्रभु यावेम देंत। १कोरिन्‍थी १:३१; २कोरिन्‍थी १०:१७

येरमीया 9:24 ပူးပေါင်းရင်းမြစ်များ

भजन संग्रह 20:7

कोइ मुरपुकीमी शारा, बग्‍गी तशा, ग्रानीकी, दे मिम्‍नीम। तन्‍न गोपुकी परमप्रभु यावे, आंइ परमप्रभु आ नें मिम्‍शा, ग्रानीकी। भजन संग्रह ३३:१७; ब्‍यवस्‍था २०:१; यसैया ३१:१

भजन संग्रह 34:2

परमप्रभु यावे कली मिम्‍तीके आं थुं बारशा, ग्‍येरब। ब्रेम्‍शो थुं पाइश्‍शोपुकी यो एको नेंशा, ग्‍येरसीनीम।

भजन संग्रह 34:3

गे गो नु परमप्रभु यावे कली ठेयब सेलीन। मिनु गो नेल्‍ल गारशा, आ नें ठेयब सेल्‍य।

भजन संग्रह 44:8

गोपुकीमी नाक्‍त किंत किंत परमप्रभु कली मिम्‍शा, आंइ नें बोरपाइक्‍नीकी। मिनु गोपुकीमी गेना हना यो “इन नें ठेयब बाक्‍ब” दे ठेयब सेल्‍नीकी। ठेयब सेंदा पा।येरमीया ८:२२-२३

भजन संग्रह 44:9

तन्‍न गे आंइ कली प्रोंइशा, श्‍येत जपाइक्‍तीनी। मिनु गे आंइ लडाइ पाइब नु मलनी।

भजन संग्रह 51:1

परमप्रभु इन गेना हना यो दाक्‍तीकेमी आं कली शिशी पने। इन शुश शिशीमी आं हेंथे पशो क्‍याम्‍दीन। लूका १८:१७

भजन संग्रह 91:14

मिनु परमप्रभुमी “मेकोमी आं कली दाक्‍तीके, गो मेको कली श्‍येत रे प्रोंइनुङ। मेकोमी आं नें तुइक्‍तीके, गो मेको कली फाप्‍नुङ।

भजन संग्रह 99:4

सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६

यसैया 20:5

मिनु सु सुमी ‘एथीयोपीया ङा मुरुम आंइ कली वारच पाइनीम। इजीप्‍त बोल्‍यो बाक्‍ब’ देंनीमी, मेको नेल्‍ल मुने दोक्‍नीम।

यसैया 41:16

गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।

यसैया 45:25

इस्राएल आ चच युइ नेल्‍लेम ‘परमप्रभु यावेमी इं कली ठीक सेल्‍ब। गोपुकी आ मुर दुम्‍तय’ दे ग्‍येरसीनीम” देंत। येरमीया ९:२२-२३

यसैया 61:8

गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३

येरमीया 22:16

मेकोमी प्रुङग नु मारेइ मथीब आन कली ठीक निसाफ पाप्‍तु। मिनु मेको कली रिम्‍शोन दुम्‍त। मेको आं कली तुइक्‍ब मुरुम पाइनीम” दे परमप्रभु यावेम देंत।

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

मीका 6:8

परमप्रभु यावेमी इन कली, गे बेक्‍शा लाइब मुर, इन कली मार रिम्‍शो बाक्‍मे नु मार पचा माल्‍नीनी, मेको देंशो बाक्‍ब। मार देंशो बाक्‍ब देंशा हना, गे ठीक निसाफ पने, शिशी प‍तीक कली दाक्‍तीन। मिनु इन परमप्रभु आ ङोंइती ब्रेम्‍शो दुम्‍शा गाक्‍कीन। ब्‍यवस्‍था १०:१२; १सामुएल १५:२२

मीका 7:18

इन खोदेंशो परमप्रभु अर्को सु बाक्‍बा ङा? गे ठीक मपशो क्‍याम्‍ब बाक्‍नीनी। इन लीशो मुर आन मरिम्‍शो पतीके माफ गेनीनी। गे गेना हना यो गाइक्‍स ङा गाइक्‍स मबाक्‍नीनी। तन्‍न शिशी पचा कली ग्‍येरशा बाक्‍नीनी। भजन संग्रह १०३:३,८-१३

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

रोमी 5:11

मेको ला ममाइ, इं प्रभु येसु ख्रीस्‍तम इं पशो पाप रे प्रोंइतीके आ पर्बम परमप्रभु यावे आ मुर दुम्‍शा ग्‍येरनय।

१ कोरिन्‍थी 1:31

मोपतीके “प्रभु आ पतीके इं नें बोरपाइय्‍य” दे साइ नेसी देंशो लोव़ मिम्‍शा, परमप्रभु कली ठेयब सेल्‍य। येरमीया ९:२२-२३; २कोरिन्‍थी १०:१७

२ कोरिन्‍थी 10:17

सु बोरनीमी, मेको प्रभु आ पर्बम नें बोरपदमेक्‍ल। येरमीया ९:२३-२४; १कोरिन्‍थी १:३१

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

गलाती 6:14

नें बोरपाइक्‍चा दा गो यो आं नें बोरपाइश्‍शा गाक्‍ती। तन्‍न मुर आन पशो तशा ममाइ। इं प्रभु येसु ख्रीस्‍त इं पा ङा शीम केप्‍शा कांटी थोक्‍शा साइक्‍चा पुंइसीशा, इं पाप क्‍याम्‍ताक्‍व, दे ख्रीस्‍त आ पशो मिम्‍शा, आं नें बोरपाइश्‍शा गाक्‍ती। ख्रीस्‍त आ गेय ङा लाक्‍शा मारेइ ठेयब ममिम्‍नुङ। रागी ङा मिम्‍तीक पतीक नेल्‍ल बेक्‍शो खोदेंशो मिम्‍ताक्‍ङ। रागीमी यो आं कली बेक्‍शो खोदेंशो मिम्‍ताक्‍व। १कोरिन्‍थी १:३१; १कोरिन्‍थी २:२

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

१ सामुएल 15:22

मिनु सामुएलमी “परमप्रभु यावेमी चोशा चढ़ेशो नु अरु चढ़ेशो क्‍येङा आ देंशो टिशो दाक्‍ब। थमा पा, चढ़ेशो क्‍येङा आ देंशो टिचा रिम्‍शो बाक्‍ब। मिनु सांड आ बोंसो चढ़ेचा क्‍येङा आ देंशो टिचा रिम्‍शो बाक्‍ब। यसैया १:११-१७; येरमीया ७:२२; होसे ६:६; आमोस ५:२१-२२; मीका ६:६-८; जकरिया ७:५-७; मत्ती ९:१३; मत्ती १२:७