येरमीया 9:22 - Sunuwar Bible

²² परमप्रभु यावेमी “गे मुर आन कली मोदेंशो लोव़ पावो ‘मुर आन बेक्‍शो रां रूम मोव़ल खोदेंशो पा दोक्‍नीम। अन्‍न खुप्‍ब मुर आन नोले प्रोंइशो अन्‍न खोदेंशो पा, गोल्‍शा लीशो बाक्‍नीम। मिनु मेको आन कली सुइम सिला मपाइनीम’ देनो” देंत। येरमीया ७:३३; येरमीया १४:१६; येरमीया १६:४; येरमीया २५:३३; भजन संग्रह ७९:२

येरमीया 9:22 ပူးပေါင်းရင်းမြစ်များ

२ राजा 20:13

मिनु हिज्‍कीयाहम मेको चिठी चाक्‍ब मुर आन कली मान पाइक्‍मी बाक्‍त। मिनु मेको आन कली आ शोंप वोइक्‍तीकेम नेल्‍ल कोंइदा बाक्‍त। सुन चांदी, मस्‍ला, ब्रोव़शो रिना पाइश्‍शो ख्रेक्‍तीक तेल, आ यापुकी नु आ मार मार वोइक्‍तीकेम बाक्‍शो मारेइ मारेइ थोव़क कोंइदीमी बाक्‍त। हिज्‍कीयाह आ खिंम नु आ नेक्‍थाम बाक्‍शो मेको आन कली मकोंइशो मारेइ मलीमाक्‍त।

२ राजा 20:15

मिनु मेकोमी “मेकोपुकीम इन खिंम मार मार तामे?” दे हिल्‍लो पवा बाक्‍त। मिनु हिज्‍कीयाहम “एकोपुकीम आं खिंम बाक्‍शो नेल्‍ल ताम्‍तेक्‍म। आं मार मार वोइक्‍तीक खिंम बाक्‍शो मतशो मारेइ मली” देंमाक्‍त।

२ राजा 9:37

इजेबेल आ बेक्‍शो रां येज्रेल सहरम मोव़ल खोदेंशो पा राक्‍ब। मिनु मेको कली एको इजेबेल बाक्ब, दे सुइम मतुइक्‍नीम’ देंशो बाक्‍ब” देंमाक्‍त।

अय्‍युब 5:13

मेकोमी आंम कली जोक्‍ब तुइक्‍ब मिम्‍शा गेय पाइब कली आंम गेयमी मेको कली ग्‍याइक्‍पाइक्‍ब। मिनु आन मरिम्‍शो मिम्‍शो रीब पा खतम दुम्‍ब। १कोरिन्‍थी ३:१९

भजन संग्रह 49:7

सुइमी आंम लोक्‍ब कली क्‍येट थाप्‍शा, बेक्‍चा रे प्रोंइने मचाप्‍ब। मोपा मेकोमी परमप्रभु कली शुश क्‍येट थाप्‍शा आ गिंम प्रोंइने मचाप्‍ब। मीका ६:६-८; मत्ती १६:२६

भजन संग्रह 83:10

मेकोपुकी एन-डोर सहरम खतम दुम्‍शा, रू कली मोव़ल खोदेंशो दुम्‍तेक्‍म।

हितोपदेस 18:11

थीब मुर आन शोंप मेको आन कली बोल्‍यो सहर खोदेंशो बाक्‍ब। मेकोपुकीमी आन शोंप कली ठेयब गारो खोदेंशो मिम्‍नीम। हितोपदेस १०:१५

हितोपदेस 23:4

क्‍येट थीब मुर खोदेंशो दुम्‍चा कली मिम्‍शा बोल मपावो। जोक्‍ब तुइक्‍ब दुम्‍शा मोदेंशो मिम्‍चा प्रोनो। हितोपदेस २८:२२

यसैया 5:25

मोपतीके परमप्रभु यावे आ मुर आन पर्बम गाइक्‍ताक्‍व। मिनु आ गुइ क्‍युक्‍शा, मेको आन कली तुप्‍तु। मिनु डांडापुकी ख्रिनु कुशा हिम्‍साक्‍म। शुश मुर आन बेक्‍शो रां लांमी ताइश्‍शो खोदेंशो दुम्‍तेक्‍म। मोपा आ गाइक्‍चा मबेक्‍थु, मुल सम्‍म आ गुइ क्‍युक्‍स ङा क्‍युक्‍स बाक्‍ब। यसैया ९:१; यसैया १६:२०; यसैया १०:४

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 25:33

मेको नाक्‍ती परमप्रभु यावे आ साइश्‍शोपुकी रागी आ सुर का रे अर्को सुर सम्‍म बाक्‍नीम। मेको आन पर्बम सुइ रोंका मपाइनीम। मेको बेक्‍शो मुर आन कली सुइमी खुप्‍शा मथिम्‍नीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो दुम्‍नीम। येरमीया ९:२१

येरमीया 6:21

मोपतीके परमप्रभु यावेम मार, देंत देंशा हना “कोव़ङीन, गो एको मुर आन ङोंइती दाइल पाइक्‍तीके थोव़क वोइक्‍नुङ। मिनु आम आफ, आलपुकी कालेम नु आन नेक्‍था ङा मुर नु आन वारच काले‍म खतम दुम्‍नीम” देंत।

येरमीया 7:33

मिनु मेको मुर आन बेक्‍शो रां सरीङ ङा चिक्‍बपुकी नु रागी ङा जन्‍तु आन कली ब्‍वतीक दुम्‍ब। मेको आन कली हिंच कोंइशा, प्रोक्‍पाइक्‍ब सुइ मबाक्‍नीम। येरमीया ९:२१

येरमीया 8:2

मिनु मेको रुश नेल्‍ल, नां, तास्‍ला नु सोरुल आन ङोंइती फ्रचा माल्‍नीम। मारदे हना मेको मुरपुकीमी मेको आन कली गेय पा शुश दाक्‍ताक्‍म। मेको आन नोले खोइक्‍ब दुम्‍‍तेक्‍म। मेको आन कली लां कोंइब सेल्‍शा पूजा पाम्‍तेक्‍म। मेको रुश आन कली खुप्‍शा थिम्‍चा मदुम्‍ब। मेको खप कली मोव़ल दुम्‍चा माल्‍नीम। ब्‍यवस्‍था ४:१९

हबकुक 1:11

मेको फश खोदेंशो पा गाक्‍नीम। मिनु पाप पा दोस ताइब दुम्‍‍नीम। मेकोपुकीमी आंम सक्ति कली ला थमा सुइक्‍नीम” देंत।

सेफन्‍याह 1:17

गो मुर आन कली शुश श्‍येत गे‍नुङ। मिनु मेको मिक्‍च मताइब खोदेंशो पा गाक्‍नीम। मारदे हना मेकोपुकीम परमप्रभु यावे आ ङोंइती पाप पाम्‍तेक्‍म। मेको आन हुश फुरक खोदेंशो नु श्‍ये ख्री खोदेंशो पा ताइक्‍नीम।

ब्‍यवस्‍था 8:17

मिनु गे नोले इन थुंमी ‘गो आंम आंइ सक्तिम एको शोंप चेम्‍तक’ दे मदेनीन।