येरमीया 9:20 - Sunuwar Bible

²⁰ मिनु गे मीश मुरपुकी परमप्रभु यावे आ लोव़ नेनीन। मेको आ लोव़ नेंचा कली इन नोफा दाइक्‍तीन। इन तमी आन कली रोंका पचा शेंदीन। आंम नेक्‍था ङा मुर नु रोंका पतीक शेंमुने।

येरमीया 9:20 ပူးပေါင်းရင်းမြစ်များ

अय्‍युब 22:22

मेको आ शेंशो पने। मिनु इन थुंम वोतीन।

यसैया 3:16

मिनु परमप्रभु यावेमी “मारदे हना सियोन ङा तमीपुकी ठेयब लेश्‍शो बाक्‍नीम। मेको आन पिया पोक्‍शा, आन मिक्‍च हिरशा, कल्‍ली लिक्‍शा, ग्रीपाइश्‍शा गाक्‍नीम। १तिमोथी २:९

यसैया 3:4

मिनु गो वोंइश आल आन कली मेको आन ठेयब मुर सेल्‍नुङ। मिनु आइक्‍च आलमी मेको आन कली हुकुम पाइनीम। उपदेसक १०:६

येरमीया 14:16

मिनु जोल पा आं लोव़ नेंपाइक्‍चा पुंइसीबपुकी चहिं तरवार नु अन्‍कालम पतीके यरूसलेम ङा लां मेर ताइक्‍चा पुंइसीनीम। मेको, मेको आन मीश नु मेको आन तमी तौ आन कली थिम्‍ब सुइ मबाक्‍नीम। मारदे हना गो मेको आन तचा ङा श्‍येत मेको आन तारी मोइक्‍नुङ” दे माइक्‍ती। येरमीया ९:२१

येरमीया 23:16

मुर नेल्‍ल आन परमप्रभु यावेम “गेपुकी आं लोव़ पाइब आन लोव़ मनेनीन। मेकोपुकीमी जोल लोव़ पा इन कली हेंथे गाक्‍पाइक्‍नीम। परमप्रभु यावे आ लोव़ ममाइ, तन्‍न आन थुंम मिम्‍शो लोव़ नु आन ङोमु तशो ना ङा लोव़ शेंनीम। आन खकटा थुं कली खोइश्‍शा गाक्‍ब आन कली ‘गे ठेयब श्‍येत मताइनीनी’ देंनीम। येरमीया ६:१३-१४; येरमीया १४:१४

येरमीया 23:28

सुइ आं लोव़ पाइबम ङोमु ताप्‍तु हना, आ ङोमु शोव़ङल। तन्‍न सुइ नु आं लोव़ बाक्‍त हना, मेकोमी थमा पा आं लोव़ शेंदल। पराल नु चेरब मगारनीस” देंत।

येरमीया 6:11

तन्‍न गो परमप्रभु यावे आ गाइक्‍तीकेम ब्रीशो बाक्‍नुङ। गो मेको हेरा तेक्‍‍ने मचाप्‍नुङ। मिनु मेकोमी “मेको लां मेर गाक्‍ब आल आन तार मोतो। बुक्‍शा बाक्‍शो ठिटा आन तार मोतो। मीश वोंइश निम्‍फा लाइक्‍चा पुंइसीनीस। खाल्‍पा नु खूशो लाइक्‍चा पुंइसीनीम।

येरमीया 7:29

गे इ चां प्रेक्‍शा ताइक्‍तो। मिनु गोरशो डांडा मेर रोंका पा गाक्‍को। मारदे हना परमप्रभु यावेमी आ कली गाइक्‍पाइक्‍ब आन पाला ङा मुर आन कली प्रोंइशा तिल्‍तु’ दे‍नो” देंत। मीका १:३६

येरमीया 8:2

मिनु मेको रुश नेल्‍ल, नां, तास्‍ला नु सोरुल आन ङोंइती फ्रचा माल्‍नीम। मारदे हना मेको मुरपुकीमी मेको आन कली गेय पा शुश दाक्‍ताक्‍म। मेको आन नोले खोइक्‍ब दुम्‍‍तेक्‍म। मेको आन कली लां कोंइब सेल्‍शा पूजा पाम्‍तेक्‍म। मेको रुश आन कली खुप्‍शा थिम्‍चा मदुम्‍ब। मेको खप कली मोव़ल दुम्‍चा माल्‍नीम। ब्‍यवस्‍था ४:१९

येरमीया 9:12

मेको लोव़ रुप्‍चा कली जोक्‍ब तुइक्‍ब सु बाक्‍बा ङा? परमप्रभु यावेम सु कली लोव़ पवा, मेकोमी एको शेंने चाप्‍ब। मारदे मेको रागीम ब्रेश्‍शो खिं ला बाक्‍नीमी? मारदे मेको मुर मबाक्‍तीके खोदेंशो दुम्‍शा, सुइ लने मचाप्‍चा ङा पा, श्‍येत्‍थ दुम्‍शो बाक्‍बा? लूका १९:४२

बिलाप 2:19

बोक्‍को। नाक्‍दो ङाक्‍शा पुनो। खाल पाइब आन गेय पची ना यो मो पावो। इ थुं ङा श्‍येत परमप्रभु आ ङोंइती ब्‍वाक्‍कु खोदेंशो पा लुक्‍तो। लांमी बाक्‍ब इ शोव़लु बेक्‍शो आल आन पर्बम इ गुइ परमप्रभु गे पोक्‍शा पुनो।

बिलाप 2:21

ठिटा नु खाल्‍पापुकी लांम गोल्‍शो बाक्‍नीम। आ ठिटी मीश मुर नु ठिटा वोंइश मुर तरवारमी साइक्‍चा पुंइसाक्‍म। गे इन गाइश्‍शो नाक्‍ती मेको आन कली शिशी मपाइक्‍थु साइक्‍तीनी।