येरमीया 9:2 - Sunuwar Bible

² गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

येरमीया 9:2 ပူးပေါင်းရင်းမြစ်များ

यसैया 59:3

इन गुइ हुश लुम्‍सीशो बाक्‍नीम। गे नेल्‍ल मरिम्‍शो पाइब बाक्‍नीनी। गे जोल पना पन बाक्‍तीनी। गे ओल ओल लोव़ पाइनीनी। यसैया १:१५

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

येरमीया 12:6

इ लोक्‍बपुकी नु इ खिं ङा मुरपुकीमी इ कली मरिम्‍शो पाम्‍तेक्‍म हना, मेकोपुकी इ पर्बम ठेयब सेंदा पा रेयके पा जाक्‍नीम। मेकोपुकीमी गे नु रिम्‍शो लोव़ पाम्‍तेक्‍म हना यो, मेको आन कली थमा मसुइक्‍मी।

येरमीया 13:22

“मिनु गे इ थुंम ‘आं कली मारदे ओदेंशो श्‍येत दुम्‍मे’ देंनेवे। गेमी शुश मरिम्‍शो पतीके इ गुने क्‍युक्‍साक्‍वे। मिनु इ रांमी मरिम्‍शो पाइक्‍चा पुंइसाक्‍वे। यसैया ४७:२-३; इजीकीएल १६:३७

येरमीया 23:10

मारदे हना एको रागी तेल्‍लेम पतीकेम ब्रीशो बाक्‍ब। सराप रतीके, रागीम रोंका पाइब। मुर मबाक्‍तीके बस्‍तु योव़तीके सोव़तेक्‍म। परमप्रभु यावे आ लोव़ पाइब आन पतीके काइ मरिम्‍शो बाक्‍ब। आन सक्ति दूली पा चलेनीम। येरमीया १२:४

येरमीया 4:22

आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

येरमीया 5:1

परमप्रभुमी “यरूसलेम ङा लां आ एर ओंथ कोव़शा गाक्‍को। नेल्‍ल कोव़शा इ तशो नेल्‍ल ब्रेक्‍तो। आ लाङगा मेर माल्‍शा कोव़ङो। मिनु मेकेर ठीक गेय पाइब नु थमा लोव़ माल्‍ब मुर का यो थित्‍तीवी हना, गो यरूसलेम कली माफ गेनुङ। उत्‍पत्ती १८:२२-३२

येरमीया 5:11

मारदे हना इस्राएल नु यहूदा ङा मुरपुकीम थमा पा प्रोंइतीमी” देंत।

येरमीया 5:2

मेकोपुकीमी ‘परमप्रभु यावे ब्रोंइशा बाक्‍शो खोदेंशो पा’ दे कसम जाइनीम। मो हना यो मेकोपुकीमी जोल लोव़ पाइनीम” देंत। येरमीया ४:२

होसे 4:2

एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।

होसे 5:7

मेकोपुकी परमप्रभु यावे रे नोले शोंइसीशो बाक्‍नीम। मेकोपुकीमी हेंथे पा आल थिशो बाक्‍नीम। मेको आन औंसी ङा चाडमी आन बाली नाली नु मेको आन कली खतम सेल्‍ब। होसे २:१३

होसे 6:7

मेकोपुकीमी आदम सहर ङा मुर खोदेंशो पा गो नु पशो कबल प्रोंइतेक्‍म। मेकोपुकीमी आं कली थमा मसुइक्‍थु प्रोंइतेक्‍म। यहोसु ३:१६

होसे 7:4

मेको नेल्‍ल तेल्‍लेम बाक्‍नीम। मेकोपुकी शोब्‍ले चोचा कली होइश्‍शो चुप्‍लु खोदेंशो बाक्‍नीम। मेको शोब्‍ले चोइबमी फस निवा रे मबोरम सम्‍म मी थुक्‍चा ममाल्‍ब।

मीका 6:12

मेको आ शोंप पाइश्‍शो मुरपुकी हुश ख्राक्‍श पोक्‍तीकेम ब्रीशो बाक्‍नीम। मेको सहर ङा मुरपुकी जोल पाइनीम। मेको आन शोव़ जोल पतीकेमी ब्रीशो बाक्‍ब।

सेफन्‍याह 3:4

मेको आ परमप्रभु यावे आ लोव़ पाइबपुकी हेंथे पाइब नु थमा मसुइक्‍चा ङा मुर बाक्‍नीम। मेको आ चढ़ेबपुकीमी परमप्रभु यावे आ खिं ग्रांग्रा दिशो सेल्‍नीम। मेकोपुकीम परमप्रभु यावे आ अरेशो लोव़ हेंथे सेल्‍तेक्‍म। मीका ३:११

मलाकी 2:11

यहूदामी आं कली प्रोंइती। मिनु इस्राएल नु यरूसलेममी ग्रांग्रा दित्‍चा ङा गेय दुम्‍शो बाक्‍ब। मारदे हना यहूदामी परमप्रभु यावे आ दाक्‍शो बाक्‍तीके ग्रांग्रा दिशो सेल्‍तु। दोपा मोदेंशो सेल्‍तु देंशा हना, आंम तौ आन कली देवी देवता आन कली ठेयब सेल्‍ब मुर आन तमी चाक्‍तु। एज्रा ९:२

मलाकी 2:14

मिनु गेपुकीमी “मारदे मब्राइबा”? दे हिल्‍लो पाइनीनी। मारदे हना गे इन ठिटा बाक्‍ची ना ङा मीश प्रोंइतीनी। मेको आ पर्बम परमप्रभु यावे सांकछी बाक्‍ब। मेको इ वारच इ मीश बाक्‍ब, इ कबल पा चाक्‍शो मीश बाक्‍ब।

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५

न्‍यायाधीस 2:10

मेको पाला ङा मुर नेल्‍ल बेक्‍मा बाक्‍त। मिनु मेको आन आल ठेयब दुम्‍मा बाक्‍त। मेकोपुकी परमप्रभु यावे कली मतुइक्‍ब बाक्‍मा बाक्‍त। मिनु इस्राएल ङा मुर आन कली ठेयब गेय पा वारच पशो यो मतुइश्‍शो बाक्‍मा बाक्‍त।