येरमीया 8:5 - Sunuwar Bible

⁵ मो हना यो एको मुरपुकी मारदे ची हिरशा गाक्‍मा? मारदे मेको नोले शोंइसीना सीन बाक्‍नीमी? आन मरिम्‍शो पतीके मप्रोंइथु, लेश्‍शा जाक्‍ने मबित्‍नीम।

येरमीया 8:5 ပူးပေါင်းရင်းမြစ်များ

हितोपदेस 4:13

अर्ती कली मिम्‍शा, मेको कली मप्रेंदो। मेको कली टिवो। मारदे हना मेको इ ब्रोंइतीक बाक्‍ब।

यसैया 1:20

तन्‍न आं लोव़ मनेंतीनी नु मटीतीनी हना, तरवारम क्‍योरचा पुंइसीनीनी” दे परमप्रभु यावेमी देंत। लेवी २६:२५

यसैया 30:10

मेकोपुकीमी नोले दुम्‍ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्‍शो लोव़ ला पने। आमोस २:१२

यसैया 44:20

सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।

येरमीया 14:7

मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९

येरमीया 2:32

मार, मीश आलम आ सुन चांदी नु ग्‍युम्‍लीम आ ग्‍युंबे पशो दारशो वा प्रेंने चाप्‍नीमी ङा? तन्‍न आं मुरपुकीम दा आं कली शुश नाक्‍ती रे प्रेंताक्‍यीमी।

येरमीया 3:5

मार, मेको गेना हना यो गाइक्‍स ङा गाइक्‍स बाक्‍बा ङा? मार, इन गाइक्‍चा गेना हना यो बाक्‍बा ङा?’ दे आं कली ब्रेत्‍ते। मिनु गे ओदेंशो लोव़ पाइनेवे। तन्‍न मार मरिम्‍शो बाक्‍मे, मेको नेल्‍ल पाप्‍तीवी” दे परमप्रभु यावेमी देंत।

येरमीया 5:27

चिक्‍बीम ब्रीशो ओगील खोदेंशो पा, मेको आन खिं खुइ पशो थोव़कम ब्रीशो बाक्‍ब। मोपतीके मेको ठेयब मुर नु शुश क्‍येट थीब दुम्‍तेक्‍म।

येरमीया 5:3

मिनु “परमप्रभु यावे, गे थमा लोव़ तचा ममाल्‍नीनी ङा? गे मेको आन कली तुप्‍तीनी। तन्‍न मेकोपुकी मखा‍इक्‍म। गे मेको आन कली खतम सेल्‍‍तीनी। तन्‍न मेकोपुकीमी इन देंशो पचा मबित्‍‍नीम। मेकोपुकीम आन कुल फुल्‍लु क्‍येङा यो खकटा सेल्‍तेक्‍म। मेकोपुकी लेश्‍शा जाक्‍ने मबिस्‍सम। येरमीया २:३०; येरमीया७:२८; येरमीया ९:२; यसैया ४८:४

येरमीया 5:6

मोपतीके परमप्रभुमी “ब्‍वाकी ङा गुप्‍स कामी मेको आन कली ग्राम्‍शा साइक्‍ब। गोरशो रागी ङा फर कामी मेको आन कली खतम सेल्‍ब। जोइ का मेको आन सहर कोव़ना कोव़न बाक्‍शो बाक्‍ब। सु मेकेर रे ग्रूबा, मेकोमी मेको कली क्राइश्‍शा चोकटा लाम्‍टा सेल्‍ब। मारदे हना मेकोपुकी शुश हेंथे गाक्‍ब बाक्‍नीम। मेको आन मटितीके ठेयब बाक्‍ब” देंत। येरमीया ४:७

येरमीया 6:17

गो इन कली खाल पाइबपुकी योव़तामी। मिनु गो इन कली ‘तुराही ताप्‍शो नोफा दाइश्‍शा नेनीन’ देंती। तन्‍न मेकोपुकीम ‘गो मनेंनीकी’ देंतेक्‍म।

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

येरमीया 9:6

मेकेर दिम्‍मुतीके नु जोल पमुतीके ला बाक्‍ब। मेकोपुकीमी आं कली तुइक्चा मदाक्‍नीम” दे परमप्रभुमी यावे, मुर नेल्‍ल आन परमप्रभुमी देंत।

दानीएल 9:11

इस्राएली नेल्‍लेमी इन क्‍येङा ङोन लशा, इन अरेशो मटिथु, इन देंशो मपामे। मोपतीके गो इन गेय पाइब मोसामी ब्रेक्‍शो इन अरेशो लोव़मी सराप नु कसम आंइ तारी मोइक्‍चा पुंइसीशो बाक्‍नीक। मारदे हना गोपुकीमी इन कली पाप पाइतक। लेवी २६:१४-३९; ब्‍यवस्‍था २८:१५-६८

होसे 11:5

मार, मेकोपुकी इजीप्‍त रागी लेत्‍चा माल्‍नीमी? मिनु अस्‍सुर मेको आन पिप दुम्‍चा माल्‍ब। मारदे हना मेकोपुकी आं गे लेत्‍चा मबिस्‍सम।

होसे 11:7

आं मुरपुकी गेना हना यो, आं क्‍येङा ङोन लाइनीम। मोपतीके मेकोपुकीमी जुवा कुरशो खोदेंशो पा श्‍येत जचा माल्‍नीम। मिनु सुइमी मेको आन कली आन श्‍येत रे मप्रोंइब।

होसे 13:2

मिनु मुल मेको क्‍येङा शुश पाप पाइनीम। मेकोपुकीमी आंम कली चांदी के मूर्ति सेल्‍नीम। मेको मूर्ति नेल्‍ल मुरुमी सेल्‍शो बाक्‍नीम। मिनु मुरुमी ‘मेको आन कली चढ़ेन। बाछा कली पुक्‍पु पने’ देंनीम। यसैया ४४:१०

होसे 4:16

इस्राएलीपुकी मटीब बी खोदेंशो बाक्‍नीम। दोपा परमप्रभु यावेमी भेडा कली योव़शो खोदेंशो पा योव़ने चाक्‍बा?

जकरिया 7:11

तन्‍न मेकोपुकीमी एको लोव़ मनेनेम। काइ मटीब दुम्‍शा, आन नोफा सुम्‍तेक्‍म।

यूहन्‍ना 5:40

गे चहिं ब्रोंइचा तकल, दे आं गे मपीनीनी।

१ थिस्‍सलोनिकी 5:21

तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९

प्रकाश 2:25

गे इन तुइश्‍शो गो मजाक्‍ङा सम्‍म पना पन बाक्‍कीन। प्रकाश ३:११