येरमीया 8:4 - Sunuwar Bible

⁴ गे मेको आन कली परमप्रभु यावेमी मार देंत, देंशा हना “मुरपुकी गोल्‍नीमी। मिनु मार, मेको लेंशा मबोक्‍नीमी ङा? मिनु सुइ लां जाम्‍शा ग्‍युरा पेरा गे लमानु, मेकोपुकी लेश्‍शा मजाक्‍नीमी ङा?

येरमीया 8:4 ပူးပေါင်းရင်းမြစ်များ

१ राजा 8:38

इन मुर इस्राएली सुइम आन थुंम श्‍येत जशा, एको इन खिं गे कोव़शा आन गुइ क्‍युक्‍शा पुन्‍मेनु, इन बाक्‍तीक इर स्‍वर्ग रे मेको आन पुंइशो नेनीन।

हितोपदेस 24:16

ठीक पाइब मुरपुकी ७ खेयप गोल्‍तेक्‍म हना यो, लेंशा बोक्‍नीम। तन्‍न परमप्रभु यावे आ अरेशो मटीबपुकी मबोक्‍चा ङा पा गोल्‍नीम। भजन संग्रह ३७:२४

यसैया 44:22

गो इ पाप गोस्‍स खोदेंशो पा जाम्‍पाइक्‍ता। इ हेंथे पशो यो क्‍याम्‍ताक्‍ङ। गे आं गे लेतो। मारदे हना गो इ कली पाप रे प्रोंइतन। यसैया ४३:२५

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

येरमीया 23:14

तन्‍न यरूसलेम ङा आं लोव़ पाइब आन दातेम सामरीया क्‍येङा यो ग्रांग्रा दिचा ङा गेय ताता। मेकोपुकीम तेल्‍लेम पशा जोल ला पाइनीम। मरिम्‍शो पाइब आन कली बोल्‍यो सेल्‍नी‍म। मोपतीके सुइ मुर परमप्रभु यावे आ अरेशो मटितीक रे मलेत्‍नीम। मेको नेल्‍ल आं कली सोदोम खोदेंशो नु यरूसलेम ङा मुरपुकी चहिं गोमोररा खोदेंशो दुम्‍तेक्‍म” दे परमप्रभु यावेमी देंत।

येरमीया 3:1

मिनु परमप्रभु यावेमी “वोंइश मुरुमी आ मीश कली प्रोंइ‍शा, छोड पत्र गेप्‍तु हना, मेको मीश मुर अर्को वोंइश मुर आ मीश दुम्‍त हना, मेको वोंइश मुरुम लेंशा आ मीश कली चाक्‍बा कों? मो दुम्‍त हना मेको रागी ग्रांग्रा दिशो मदुम्‍बा ङा? गे चहिं तेल्‍ले‍म का खोदेंशो पा शुश आन बाक्‍तीके जाक्‍दीश्‍शो बाक्‍ते। मिनु मार, गे आं गे लेश्‍शा जाक्‍नेवे?” दे परमप्रभु यावेमी देंत। ब्‍यवस्‍था २४:१-४

येरमीया 3:22

मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।

येरमीया 36:3

मो दुम्‍मेनु, गो मेको आन कली गे‍चशो ठेयब श्‍येत दुम्‍तीके आ पर्बम यहूदा ङा मुरपुकीम तुइश्‍शा, आन मरिम्‍शो पतीके रे लेत्‍नीमी कों? मिनु गो मेको आन मरिम्‍शो पशो नु आन पाप पशो क्‍याम्‍शा गेनुङमी” देंत। येरमीया २६:३

येरमीया 4:1

परमप्रभु यावेम “गे इस्राएलीपुकी, आं गे लेश्‍शा जाक्‍तीनी हना, गेपुकीम इन ग्रांग्रा दिशो थोव़क आं ङोंइती रे ताइक्‍ताक्‍नी हना, गेपुकी हेंथे मगाक्‍ब दुम्‍नीनी।

इजीकीएल 18:23

मार, गो आं अरेशो लोव़ मटीब मुर बेक्‍मेनु ग्‍येरनुङा ङा? मेको क्‍येङा यो गो मेको आन मरिम्‍शो पशो प्रोंइशा ब्रोंइशा बाक्‍शो तचा मदाक्‍नुङा ङा? १तिमोथी २:४

होसे 14:1

गे इस्राएली, परमप्रभु यावे, इन परमप्रभु गे लेश्‍शा जाक्‍कीन। मारदे हना गे इन मरिम्‍शो पतीके रे खतम दुम्‍तीनी।

होसे 6:1

मिनु मार लोव़ पाइनीम देंशा हना “पिन, गोपुकी परमप्रभु यावे गे लेय्‍य। मेकोमी आंइ कली टुक्रा टुक्रा पशो बाक्‍त। मिनु आंइ कली सापाइक्‍ब। मेकोमी आंइ कली तुप्‍तु। मिनु मेकोमी आंइ कली ओख्‍ती पाइक्‍ब। होसे ५:१४

होसे 7:10

इस्राएल आ ठेयब लेत्‍तीकेमी ‘मरिम्‍शो पाइब बाक्‍ब’ दे आन सांकछी बाक्‍ब। तन्‍न मेकोपुकी परमप्रभु यावे, आन परमप्रभु गे मलेत्‍नीम। मिनु मेको कली ममाल्‍नीम” देंत।

आमोस 5:2

आं मीश आल इस्राएल लेंशा गेनायो मबोक्‍चा ङा पा गोल्‍त। मेको आ रागीमीन प्रोंइचा पुंइसीशो बाक्‍ब। मेको कली पोक्‍ब सुइ मबाक्‍नीम” देंत।

मीका 7:8

मिनु “आं जोरी सत्रु आं कली शुक्‍शी पा मग्‍येरसीन। गो गोल्‍ती हना यो, बोक्‍नुङ। गो छिङछिङम बाक्‍ती हना यो, परमप्रभु यावे आं छेङछेङ बाक्‍ब। ओबदिया १:१२; भजन संग्रह २७:१