येरमीया 8:22 - Sunuwar Bible

²² मिनु गिलादमी मारेइ ख्रेक्‍तीक मबाक्‍बा? मार, मेकेर इ कली ओख्‍ती पाइब मबाक्‍बा? मारदे आं श्‍येत जशो मुर मसामा?” देंत। येरमीया ४६:११

येरमीया 8:22 ပူးပေါင်းရင်းမြစ်များ

उत्पत्ती 37:25

मिनु शोब्‍ले जथ निस्‍सीमा बाक्‍त। मिनु कोव़ङमेनु, गिलाद सहर रे इश्‍माएल जात ङा ग्‍याप्‍ब लेयब मुर नु आन दलओंठपुकी पिशो तामे बाक्‍त। मेको आन दलओंठपुकीमी मस्‍लापुकी, ख्रेक्‍तीकपुकी नु धूप इजीप्‍तमी लेयचा कली लाइक्‍बाक्‍मा बाक्‍त।

उत्पत्ती 43:11

मिनु आन आफ इस्राएलमी “मुल मो दुम्‍चा माल्‍शो बाक्‍त हना, गे मेको ठेयब मुर कली इं रागी ङा नेल्‍ल क्‍येङा रिम्‍शो फल, इच्‍का ख्रेक्‍तीक तेल, इच्‍का खुदो, मस्‍लापुकी, ब्रोव़शो रिना पाइब थोव़क, फोरो नु देसी बदाम कोसेली लतीन। हितोपदेस १८:१६

येरमीया 14:19

मिनु गो “मार, गे यहूदा कली थमा पा प्रोंइने थुम्‍शो बाक्‍नीनी? मार, गे सियोन कली ग्रांग्रा दिश्‍शो बाक्‍नीनी? गे आंइ कली मारदे मसापाइक्‍चा ङा पा तुप्‍नी? गोपुकी थुं नाइश्‍शा बाक्‍तीक आस पाइतक, तन्‍न मारेइ रिम्‍शो मदुम। सानीकी कों दे आंस पाइतक, तन्‍न हिंतीक कका जाक्‍त। येरमीया ८:१५

येरमीया 22:6

मारदे हना यहूदा ङा पिप आ दरवार आ पर्बम परमप्रभु यावेमी “गे आं कली गिलाद नु लेबानोन ङा डांडा खोदेंशो बाक्‍नेवे। गो इ कली गोरशो रागी नु मुर मबाक्‍शो सहर खोदेंशो सेल्‍नुङ, दे कसम जाता।

येरमीया 46:11

गे कन्‍ने मीश आल इजीप्‍त, इर गिलादम लशा ख्रेक्‍तीके चाक्‍को। गे शोर गाक्‍शो शुश खाल ङा ओख्‍ती ख्रेक्‍साक्‍वे। तन्‍न गे मसानेवे। येरमीया ८:२२

येरमीया 51:8

बेबीलोन याम कामी गोल्‍त। मिनु टुक्रा टुक्रा सेल्‍चा पुंइसाक्‍व। मेको आ पर्बम रोंका पने। मेको आ गारम ख्रेक्‍चा कली ख्रेक्‍तीक चाक्‍कीन। मो पशोनु, मेको साबा कों। यसैया २१:९

येरमीया 6:7

इनारम दोपा आ ब्‍वाक्‍कु बारपाइक्‍बा, मोपा मेकोमी आ परमप्रभु यावे आ अरेशो मटितीके बारपाइक्‍ब। मेको आ आगाम काइ मरिम्‍शो पतीक नु मारेइ मारेइ खतम पोक्‍तीक आ पर्बम लोव़ नेंसीब। मेको आ रोइ नु आ सेल्‍शो गार गेना हना यो आं ङोंइती बाक्‍नीम।

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

बिलाप 2:13

ए यरूसलेम आ तमी, गो इ पर्बम मार देंङा? गो इ कली मार नु थाप्‍तु? ए सियोन आ कन्‍ने तमी इ थुं बार‍पाइक्‍चा कली इ कली मार नु थाप्‍तु? इ श्‍येत समुन्‍द्र खोदेंशो पा ठेयब बाक्‍ब। सुइम इ कली सापाइक्‍ने मच‍ब।

इजीकीएल 27:17

यहूदा नु इस्राएल ङा मुरपुकीम गे नु ग्‍याप्‍तीक लेयतीक गेय पाम्‍तेक्‍म। मेकोपुकीम मिन्‍नीथ ङा चेरब, फोव़शी रवा आन फल, खुदो, तेल नु ख्रेक्‍तीक चाक्‍शा इ मार मार नु फाइक्‍तेक्‍म।

गन्‍ती 32:1

मिनु रूबेन आ थर ङा मुर नु गाद आ थर ङा मुर आन के शुश बी ब्‍यफ बाक्‍तेक्‍म। मिनु मेकोपुकीम याजेर नु गिलादमी रिम्‍शो योव़तीक ताम्‍तेक्‍म।

लूका 8:43

मेको हुलमी १२ बर्स रे हुश याप्‍शा रोइ पशो मीश मुर का बाक्‍माक्‍त। मेकोमी ओख्‍ती पा आ बाक्‍शो नेल्‍ल थुम्‍शो बाक्‍माक्‍त। तन्‍न सुइमी मेको कली आ रोइ सापाइक्‍ने मचाप्‍शो बाक्‍मा बाक्‍त।