येरमीया 8:18 - Sunuwar Bible

¹⁸ मिनु “गो आं ग्‍येरसीतीक नेल्‍ल जाम्‍त। गो आं थुं खाइक्‍ती। येरमीया ४:१९

येरमीया 8:18 ပူးပေါင်းရင်းမြစ်များ

भजन संग्रह 143:7

परमप्रभु यावे, गे आं कली रीब पा लोव़ लेत्‍तीनी। आं थुं लुक्‍च लशो बाक्‍ब। इन कुल आं क्‍येङा मख्रुइक्‍तीन। मो दुम्‍त हना, गो बेक्‍शो मुर आन बाक्‍तीक लाइब मुर खोदेंशो दुम्‍नुङ।

यसैया 22:4

मोपतीके गो आं कली मकोव़यीनी। गो हुइ हुइ पा ङाक्‍नुङ। आं कली लेम्‍चा थुं मपने। मारदे हना आं दाक्‍शो मुर खतम दुम्‍तेक्‍म” देंत। येरमीया ८:२३

येरमीया 23:9

परमप्रभु यावेम आ लोव़ पाइब आन पर्बम लोव़ पशो बाक्‍ब। मेको नेंशा आं थुं जिक्‍त। आं रुश नेल्‍ल ख्रिंख्रि पाइनीम। गो दुक्‍शो मुर खोदेंशो दुम्‍ती। गो अङगुर शांबु शुश तूशा दुक्‍शो खोदेंशो दुम्‍ती। गो परमप्रभु यावे आ पर्बम नु आ लोव़ आ पर्बम मोदेंशो दुम्‍ती।

येरमीया 4:19

मिनु गो हिंती, हिंती। गो श्‍येत जशा हुकयी पाइनुङ। आं लुङगीर खाइश्‍शा, तुक तुक पाप्‍तु। गो सिक्‍सी पा बाक्‍ने मचाप्‍नुङ। मारदे हना गो तुराही ताप्‍शो नें‍ता। मेको लडाइ ङा रेयके बाक्‍ब।

येरमीया 6:24

गोपुकीम मेको आन पर्बम मारेइ मारेइ लोव़ नेंतक। मिनु आंइ गुइ खोइली योक्‍त। गो शुश हिंतक। गो सुत्‍केरी रोइ पशो मीश मुर खोदेंशो दुम्‍तक।

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

बिलाप 5:17

मोपतीके आंइ थुं खाइक्‍त। मिनु आंइ मिक्‍च ब्रा ब्रा दुम्‍त।

हबकुक 3:16

गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्‍तु। आं रुश आगा नेल्‍ल मुक्‍ताक्‍मे। खोइल ख्रिंख्रि पाप्‍तु। मो हना यो आंइ कली मरिम्‍शो पाइब मुर आन कली श्‍येत दुम नाक्‍ती कली रिम्‍शा बाक्‍ती।