येरमीया 8:16 - Sunuwar Bible

¹⁶ मिनु “दान रे जोरी सत्रु आन शारा आन सोंव सोंव पशो नेंसाक्‍व। मेको आन शारा आन ग्रीशो आ पर्बम रागी नेल्‍ल ख्रिंख्रि पाइब। मेकोपुकी रागी नु मेकेर बाक्‍शो मारेइ मारेइ, सहर नु मेकेर बाक्‍ब नेल्‍ल आन कली दाक्‍चा कली जाक्‍शो बाक्‍नीम। येरमीया ४:१५

येरमीया 8:16 ပူးပေါင်းရင်းမြစ်များ

अय्‍युब 39:20

गे मेको कली सल्‍हा खोदेंशो पा प्रेक्‍‍पाइक्‍नेवे? मेको आ ठेयब सेंदा पा ग्रीशोम नेल्‍ल आन कली हिंपाइक्‍ब।

भजन संग्रह 24:1

रागी नेल्‍ल, मेकेर ङा मारेइ मारेइ नु मेकेर ङा ब्रोंइशा बाक्‍ब नेल्‍ल परमप्रभु यावे केन बाक्‍नीम। यूहन्‍ना १:११; १कोरिन्‍थी १०:२६

येरमीया 10:25

इन कली मतुइक्‍ब रागी रागी ङा मुर नु इन नें थिचा मदाक्‍ब जात जात ङा मुर आन तार इन गाइक्‍तीक मोतीन। मारदे हना मेकोपुकीमी याकूब कली नेक्‍शा दाक्‍शा पशो बाक्‍नीम। मेकोपुकीमी मेको कली थमा पा दाक्‍शो बाक्‍नीम। मिनु मेको आ बाक्‍तीक मुर मबाक्‍तीके सेल्‍शो बाक्‍नीम।

येरमीया 3:24

गोपुकी आंइ ठिटा ठिटी रेन मेको मुने तोक्‍ब गेयमी आंइ किकी पिपी रे श्‍येत पा गेय पशो नेल्‍ल नेक्‍‍तु। मेको आन क्‍यारश भेडा, आन बी ब्‍यफ नु आन तमी तौ आन कली नेक्‍‍तु।

येरमीया 30:16

मोपतीके गे इ कली दाक्‍ब नेल्‍ल दाक्‍चा पुंइसीनीम। इ जोरी सत्रु नेल्‍ल ग्‍याइश्‍शा लाइक्‍चा पुंइसीनीम। इ कली रोइक्‍बपुकी रोइक्‍चा पुंइसीनीम। इ कली खतम पोक्‍ब आन कली गो खतम पोक्‍नुङमी। यसैया ३३:१; इजीकीएल ३९:१०

येरमीया 30:5

“शुश हिंब नु ग्रीब आन सेंदा नेंसीब। थुं नाइश्‍शा बाक्‍तीक जाम्‍त।

येरमीया 4:24

मिनु गो डांडा आन कली कोव़ङुनु, मेकोपुकी ख्रिंख्रि पशो बाक्‍तेक्‍म। पहाड नेल्‍ल एर ओंथ हिम्‍‍सीशो बाक्‍तेक्‍म।

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

येरमीया 47:3

प्रेक्‍शा दोरशा गाक्‍ब शारा आन खोइली आ रेयके नु जोरी सत्रु आन बग्‍गी आन रेयकेमी आफपुकीम आन आल आन कली वारच पाइक्‍चा कली मलेत्‍नीम। मेको आन गुइ तिक्‍ने मचाप्‍ब दुम्‍शा ग्‍युक्‍शो बाक्‍नीम।

येरमीया 5:17

मेकोपुकीमी इन खुप्‍शो अन्‍न नु जचा थोव़क नेल्‍ल नेक्‍नीम। मिनु इन तमी तौ नेल्‍ल आन कली यो लाइक्‍नीम। मेकोपुकीमी इन क्‍यारश भेडा नु बी ब्‍यफ नेल्‍ल नेक्‍नीम। मेकोपुकीमी इन अङगुर नु फोव़शी नेल्‍ल नेक्‍नीम। मिनु इन थमा सुइश्‍शो बोल्‍यो गारो हिरशो सहर नेल्‍ल तरवारम क्‍याम्‍नीम।

येरमीया 50:42

मेकोपुकी लिब्रा नु तूतीक कुरशो, थम मरिम्‍शो पाइब नु शिशी मपाइक्‍ब बाक्‍नीम। मेको आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा जाक्‍नीम। मेको लडाइ तोचा कली आन बाक्‍तीकेम राप्‍नीम। बेबीलोन आ तमी, इ कली लडाइ तोचा कली जाक्‍नीम। येरमीया ६:२३

येरमीया 51:29

ख्रिनु कुशा रागी ख्रिंख्रि पाइब। मारदे हना परमप्रभु यावेम बेबीलोन कली श्‍येत्‍थ नु मुर मबाक्‍तीके सेल्‍नुङ देंशो लोव़ गाप्‍ब।

येरमीया 6:23

मेकोपुकी लिब्रा नु तरवार शेशा ठीक दुम्‍शो बाक्‍नीम। मेकोपुकी मरिम्‍शो पाइब नु काइ शिशी मपाइ‍ब बाक्‍नीम। आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा सियोन आ तमी, इ कली लडाइ तोचा कली ठीक दुम्‍शो बाक्‍नीम” देंत। येरमीया ५०:४२

नहुम 3:2

मेकेर युक्‍शो रेयके, गुगील आन रेयके, शारा आन प्रेक्‍शो रेय‍के नु बग्‍गी आन दोरशो रेय‍के नेंसीशो बाक्‍ब।

हबकुक 3:10

मिनु डांडापुकी इन कली तशा रोम्‍सीनीम। ठेयब रेउ यित। ठेयब समुन्‍द्र आ रेयके नेंसाक्‍व। भजन संग्रह ७७:१७

१ कोरिन्‍थी 10:26

रागी नु रागीमी मार मार बाक्‍मा, मेको नेल्‍ल प्रभु के बाक्‍ब दे रुपीने। भजन संग्रह २४:१

१ कोरिन्‍थी 10:28

गे नु काथा बाक्‍शा जाइबपुकीमी “एको चढ़ेशो बाक्‍ब” दे तुइक्‍पाइक्‍तेक्‍म हना, मेको मुर आ पर्बम नु थुं ग्‍येरसीशो दुम्‍चा आ पर्बम मेको मजने मब्‍वने। १कोरिन्‍थी ८:७

न्‍यायाधीस 18:29

मिनु मेको सहर कली इस्राएल आ तौ, मेको आन किकी पिपी आ नें दान वोदमे बाक्‍त। मेको सहर आ नें ङोंइती लाइश बाक्‍माक्‍त। यहोसु १९:४७

न्‍यायाधीस 20:1

मिनु इस्राएली नेल्‍ले दान रे पा बेयर-शेबा सम्‍म गिलाद रागी परमप्रभु यावे आ ङोंइती मिस्‍पामी ग्रुम्‍मा बाक्‍त। यहोसु १८:२६; १सामुएल ७:५

न्‍यायाधीस 5:22

मिनु शारा आन खोइल रेयके पपाइश्‍शा मेको साप्‍पा दोरतेक्‍म। आन खोइल ताप्‍शा, मेको साप्‍पा दोरतेक्‍म।