येरमीया 8:14 - Sunuwar Bible

¹⁴ मुरुमी “गो मारदे एकेर निश्‍शा बाक्‍या। मुर आन कली पुक्‍शा, गो गारो हिरशो सहर आ आगा मेर प्रोक्‍य। मिनु मेकेरेन बेक्‍य। मारदे हना परमप्रभु इं परमप्रभु यावेम इं कली बेक्‍पाइक्‍चा कली सोइश्‍शो बाक्‍ब। मिनु इं कली बीस ब्‍वाइश्‍शो ब्‍वाक्‍कु तूचा गेप्‍तु। मारदे हना गो परमप्रभु यावे कली पाप पाइतय। येरमीया ९:१४

येरमीया 8:14 ပူးပေါင်းရင်းမြစ်များ

२ सामुएल 20:6

मिनु दाऊदमी अबीशै कली “अब्‍सालोम क्‍येङा बिक्री आ तौ शेबामी इं कली शुश श्‍येत गेब। पिप आ गेय पाइब आन कली लाइश्‍शा, मेको कली खेदा पावो। मेको गारो हिरशो सहरम ओव़त हना, इं गुइ रे ब्रोंइब” दे मदा बाक्‍त।

भजन संग्रह 39:2

गो मब्‍वाक्‍थु, सिक्‍सी पा बाक्‍ती। मिनु रिम्‍शो लोव़ यो मपथु, आं थुं ङा श्‍येत बारत। भजन संग्रह ३८:१४

भजन संग्रह 69:21

मेकोपुकीमी आं जचा थोव़कमी खाइल कुर पा गेतीमी। गो तूतू दाक्‍ङानु, ग्‍युरशो तूचा थोव़‍क गेतीमी। मत्ती २७:३४,४८

यसैया 47:5

कल्‍दी आ तमी ब्‍वालेइ पा छिङछिङम लशा निस्‍सो। मारदे हना गे मुल रे राज्‍यपुकी ङा पिपीम माइक्‍चा मपुंइसीनेवे।

येरमीया 14:20

परमप्रभु यावे, गोपुकीम इन अरेशो लोव़ मटिशो नु आंइ किकी पिपी आन मरिम्‍शो पशो शोव़नीकी। गोपुकीम थमा पा इन ङोंइती पाप पशो बाक्‍नीकी। येरमीया ३:२५; भजन संग्रह ५१:५-७; भजन संग्रह १०६:६

येरमीया 14:7

मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९

येरमीया 23:15

मोपतीके मुर नेल्‍ल आन परमप्रभु यावेम आ लोव़ पाइब आन पर्बम “गो मेको आन कली कशो थोव़क उम्‍नुङमी। मिनु तूचा कली बीस ब्‍वाइश्‍‍शो ब्‍वाक्‍कु तूचा गेनुङमी। मारदे हना यरूसलेम ङा परमप्रभु यावे आ लोव़ पाइब रेन रागी नेल्‍लेम परमप्रभु यावे कली थमा मसुइश्‍शो बाक्‍नीम” देंत। येरमीया ९:१५

येरमीया 3:25

मुल गो इं मुनेम ग्रुम्‍य। मिनु इं दोस त‍तीकेमी इं कली सुमल। मारदे हना गो परमप्रभु यावे, इं परमप्रभु कली पाप पाइतय। इं किकी पिपी नु गो इं ठिटा ठिटी रेन मुल सम्‍म परमप्रभु यावे, इं परमप्रभु आ देंशो मटिशो बाक्‍तय” देंतेक्‍म। येरमीया १४:७,२०

येरमीया 35:11

तन्‍न बेबीलोन ङा पिप नेबुकदरेसरमी एको रागी कली लडाइ तोप्‍तु। मिनु गोपुकीम ‘कल्‍दी नु अरामी आन लडाइ पाइबपुकी रे प्रोक्‍चा कली यरूसलेम लय’ देंतक। मोपतीके गो यरूसलेममी बाक्‍शो बाक्‍नीकी” देंतेक्‍म।

येरमीया 9:14

मेको आन खकटा थुंमी आन दला दाक्‍स पा बाल देवता आ नोले खोइक्‍तेक्‍म। मेको आन किकी पिपी शेंशो लांम गाक्‍तेक्‍म। येरमीया ७:२४

येरमीया 9:15

मोपतीके परमप्रभु यावे, मुर नेल्‍ल आन परमप्रभु, इस्राएली आन परमप्रभुमी “गो एको मुर आन कली कशो थोव़क उम्‍नुङमी। मिनु तूचा कली बीस ब्‍वाइश्‍शो ब्‍वाक्‍कु तूपाइक्‍नुङमी। येरमीया २३:१५; येरमीया ८:१४

बिलाप 3:19

आं श्‍‍येत आ पर्बम मिम्‍तीके नु आं खिं मबाक्‍तीके खाइल खोदेंशो पा कशो दुम्‍ती।

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

आमोस 6:10

मिनु खिं ङा मुर कामी मेको आन बेक्‍शो रां चोइब, खिं आगा रे बेक्‍शो मुर ग्रुंइचा कली जाक्‍शा, मेकेर ख्रुइक्‍ब का कली “गेपुकी नु अरु सुइ बाक्‍नीमी?” दे हिल्‍लो पाइब। मिनु मेकोमी “मबाक्‍ब” देंब। मिनु खिं ङा मुरुमी “सिक्‍सी पावो। गोपुकीमी परमप्रभु यावे आ नें थिचा मदुम्‍ब” देंब। आमोस ८:३

हबकुक 2:20

मिनु परमप्रभु यावे आंम आ बाक्‍तीकेमी बाक्‍ब। रागी नेल्‍ल मेको आ ङोंइती मान पा सिक्‍सी पवल” देंत। भजन संग्रह ११:११; भजन संग्रह ७६:९; जकरिया २:१७; प्रेरित ८:३

जकरिया 2:13

रागी ङा मुर नेल्‍ल परमप्रभु यावे आ ङोंइती सिक्‍सी पा बाक्‍कीन। मारदे हना मेको आ बाक्‍तीक रे पा ग्रू‍शा जाक्‍‍शो बाक्‍ब। हबकुक २:२०

मत्ती 27:34

मिनु ग्‍युरशो अङगुर शांबु खाइल ब्‍वाइश्‍शा तूतीके सेल्‍शा, तूचा गेमेनु, येसुमी थाम्‍शा ङा मिन, तूने मबिस्‍से बाक्‍त। भजन संग्रह ६९:२२

ब्‍यवस्‍था 29:18

मिनु इन दाते रे सुइ वोंइश मुर, मीश मुर, खिं ङा मुर नु थर ङा सुइ आन थुं परमप्रभु यावे, इं परमप्रभु रे नोले शोंइसी‍शा, मेको रागी रागी ङा देवी देवता आन कली पूजा पचा दाक्‍ब बाक्‍नीम कों? इन दातेमी मोदेंशो ओश्‍येर पाइश्‍शो शाक्‍श का बाक्‍बा कों? ब्‍यवस्‍था ३२:३२; होसे १०:४; आमोस ६:१२; हिब्रू १२:१५

ब्‍यवस्‍था 32:32

मारदे हना मेको आन अङगुर सोदोम ङा अङगुर बाक्‍नीम। मेको गोमोररा ङा अङगुर रू रे दुम्‍शो बाक्‍नीम। मेको आन अङगुर बीखम ब्रीशो बाक्‍नीम। मेको आ गेडा कशो बाक्‍नीम।