येरमीया 7:9 - Sunuwar Bible

⁹ गेपुकीम खुइ पाइनीनी, मुर साइक्‍नीनी, मुर आन मीश नु इप्‍नीनी, जोल पा कसम जाइनीनी, बाल देवता कली पूजा पाइनीनी नु इन मतुइश्‍शो देवी देवता आन नोले खोइक्‍नीनी। होसे ४:२

येरमीया 7:9 ပူးပေါင်းရင်းမြစ်များ

१ राजा 18:21

मिनु एलीया मुर नेल्‍ल आन ङोंइती राप्‍शा “गे गेना सम्‍म थुं निक्‍शी पा बाक्‍नीनी? परमप्रभु यावे, थमा परमप्रभु बाक्‍ब देंनीनी हना, मेको आ नोले खोतीन। बालन परमप्रभु बाक्‍ब देंनीनी हना, मेको आ नोले खोतीन” देंमाक्‍त। तन्‍न मुरपुकीम लोव़ का यो मलेत्‍थु, सिक्‍सी पा बाक्‍मा बाक्‍त। यहोसु २४:१४; मत्ती ६:२४

प्रस्‍थान 20:3

गे आं कली ला बाप्‍शा सेउ पने, देवी देवता आन कली बाप्‍शा सेउ मपने। ब्‍यवस्‍था ६:४-५; यसैया ४५:५-६; १कोरिन्‍थी ८:५-६

यसैया 1:13

इन चढ़ेतीके मचाक्‍कीन। इन धूप चढ़ेशो तशा, गो ग्रांग्रा दीती। औंसी नु नाइक्‍तीक नाक्‍ती ङा ग्रुम्‍तीके ङा मरिम्‍शो पाइब आन हुल तचा मदाक्‍नुङ। गन्‍ती १०:१०

यसैया 58:2

मेकोपुकी मटीब बाक्‍तेक्‍म हना यो, आं कली नाक्‍त किंत किंत माल्‍नीम। आं लां तुइक्‍चा दाक्‍नीम। मेकोपुकी ठीक पाइब रागी ङा मुर खोदेंशो दुम्‍शा, आन परमप्रभु, आं ठीक पतीक लोव़ मप्रोंइशो खोदेंशो बाक्‍नीम। मिनु आं कली ठीक निसाफ पुंइनीम। परमप्रभु आ नेक्‍था जाक्‍चा दाक्‍नीम। यसैया २९:१३-१४

येरमीया 1:16

मेकोपुकीमी आं कली प्रोंइशा, आं अरेशो मटितीके, गो मेको आन पर्बम आं निसाफ नेंपाइक्‍नुङमी। मेकोपुकीमी अरु देवी देवता आन कली धूप चोम्‍तेक्‍म। मिनु आन गुइमी सेल्‍शो देवी देवता आन कली पूजा पाम्‍तेक्‍म।

येरमीया 11:13

यहूदा, इ के दोशो सहर बाक्‍मा, मोशो इ देवी देवता दुम्‍तेक्‍म। यरूसलेममी गिश लां बाक्‍मा, मीश मुने दोक्‍तीक बाल देवता कली चढ़ेतीक सेल्‍तेक्‍म।

येरमीया 11:17

मुर नेल्‍ल आन परमप्रभु यावेम इन कली ख्रुम्‍तु। मिनु मेकोमी इन कली मरिम्‍शो पचशो बाक्‍ब। मारदे हना इस्राएल आ खिं ङा मुर नु यहूदा आ खिं ङा मुरुम मरिम्‍शो पाम्‍तेक्‍म। परमप्रभुमी “मेकोपुकीमी बाल देवता कली मार मार चढ़ेशा आं कली गाइक्‍पाइक्‍तीमी” देंत।

येरमीया 13:10

मेको मरिम्‍शो पाइब मुरपुकीम आं लोव़ नेंने मबिस्‍सम। मेकोपुकीमी आन खकटा थुंमी आन दला दाक्‍स पतीकेमी अरु देवी देवता आन कली पूजा पचा कली नु मेको आन गेय पचा कली लाम्‍तेक्‍म। मिनु मेकोपुकी एको धोती खोदेंशो दुम्‍नीम। मेको थमा पा शोर गाक्‍शो बाक्‍ब। येरमीया ११:८

येरमीया 18:15

तन्‍न आं मुरपुकीम आं कली प्रेंताक्‍म। मेकोपुकीमी शोर गाक्‍शो मूर्ति आन कली चोशा चढ़ेम्‍तेक्‍म। मेको माइत लांम दाइल पपांइसाक्‍म। मिनु मेकोपुकी मेको माइत ठेयब लां प्रोंइ‍शा, आइक्‍च लां मेर गाक्‍तेक्‍म।

येरमीया 19:4

मेको मुरपुकीमी आं कली प्रोंइतीमी। मिनु एकेर अर्को रागी ङा देवी देवता आन कली चढ़ेशा, एको रागी ग्रांग्रा दिशो सेल्‍तेक्‍म। मेको देवी देवता आन किकी पिपी नु यहूदा ङा पिपम यो मतुइश्‍शो बाक्‍तेक्‍म। मिनु मेकोपुकीम रागी कली दोस मताइब आन हुशेम प्रिंताक्‍म।

येरमीया 32:29

एको सहर कली लडाइ तोइब कल्‍दी जाक्‍शा मी सुइक्‍नीम। तेको खिं तारी आं कली गाइक्‍पाइक्‍चा कली बाल देवता कली चढ़ेमे नु देवी देवता आन कली तूचा थोव़क चढ़ेशा लुक्‍‍तमे, मेको नेल्‍ल क्रोइक्‍नीम। येरमीया १७:१३

येरमीया 44:3

मारदे मोदेंशो दुम्‍त देंशा हना, मेकेर ङा मुरुमी आं अरेशो मटिथु, गाइक्‍पाइक्‍‍तीमी। मेकोपुकीमी देवी देवता आन कली चढ़ेशा मेको आन नोले खोइक्‍तेक्‍म। ङोंइती मेकोपुकी, गेपुकी नु इन किकी पिपीमी यो मेको आन कली मतुइश्‍‍शो बाक्‍तेक्‍म।

येरमीया 44:8

मारदे गेपुकीमी इन गेयमी आं कली गाइक्‍पाइक्‍नीनी? मारदे गे इजीप्‍तमी बाक्‍शा, देवी देवता आन कली चढ़ेशा आं कली गाइक्‍पाइक्‍नीनी? गेपुकी क्‍याम्चा पुंइसीशा, रागी ङा मुर नेल्‍ल आन दातेमी सराप चीले राइब नु शुक्‍शी पाइक्‍चा पुंइसीब दुम्‍नीनी।

येरमीया 44:9

गे इन किकी पिपी आन मरिम्‍शो पशो प्रेंदीनी? यहूदा ङा पिप नु आन पिपीम आन मरिम्‍शो पशो, इन आंम मरिम्‍शो पशो, इन मीशेमी यहूदा रागीम नु यरूसलेम ङा लांमी मरिम्‍शो पशो प्रेंदीनी? येरमीया ७:१७-१८

येरमीया 48:35

गो मोआब कली खतम सेल्‍नुङ। डांडा ङा थानम चढ़ेब नु देवी देवता आन कली धूप चोइब आन कली खतम सेल्‍नुङमी” दे परमप्रभु यावेमी देंत।

येरमीया 5:2

मेकोपुकीमी ‘परमप्रभु यावे ब्रोंइशा बाक्‍शो खोदेंशो पा’ दे कसम जाइनीम। मो हना यो मेकोपुकीमी जोल लोव़ पाइनीम” देंत। येरमीया ४:२

येरमीया 5:7

मिनु परमप्रभु यावेम “गो इन कली दोपा माफ गेने चाप्‍नुङा ङा? इन आलपुकीम आं कली प्रोंइतेक्‍म। मिनु परमप्रभु आ नेंम ममाइ, अर्को देवी देवता आन नेंमी कसम जाम्‍तेक्‍म। गो मेको आन माल्‍शो नेल्‍ल खाप्‍ता हना यो, मेकोपुकीम तेल्‍लेम पाम्‍तेक्‍म। मिनु तेल्‍ले‍म आन खिंम क्राक्‍थ्री चोक्‍थ्री दुम्‍तेक्‍म।

येरमीया 7:6

गेपुकीमी अर्को रागी ङा मुर आन कली, रोम रोइक्‍च नु आन वोंइश बेक्‍शो मीश मुर आन कली मदिप्‍तीनी हना, दोस मताइब मुर आन कली मसाइक्‍तीनी हना नु आंम इन कली श्‍येत सेल्‍चा, दे देवी देवता आन नोले मखोइक्‍तीनी हना, येरमीया ५:२८

इजीकीएल 18:18

तन्‍न मेको आ आफोम चहिं आ दला दाक्‍स पशा, आ लोक्‍ब आन कली रोइक्‍ताक्‍व। आ मुर आन दातेम मरिम्‍शो पाप्‍तु। मेको आ मरिम्‍शो पशो आ पर्बम बेक्‍ब।

इजीकीएल 20:30

मोपतीके परमप्रभु, परमप्रभु यावेमी इस्राएल आ खिं ङा मुर आन कली “गे यो इन किकी पिपी आन खोदेंशो पा इन कली ग्रांग्रा दिशो सेल्‍सीनीनी? मिनु मेको आन ग्रांग्रा दिशो मूर्ति आन नोले खोइक्‍नीनी?

इजीकीएल 23:39

तेको नाक्‍ती मेको आस आल आन कली मूर्ति आन कली क्‍योरशा चढ़ेम्‍से, मेको नाक्‍तीन आं बाक्‍तीकेम ओव़ताक्‍स। मिनु ग्रांग्रा दिशो सेल्‍ताक्‍स। मेको निक्‍शीम आं खिंम मोदेंशो गेय पाम्‍ताक्‍स।

इजीकीएल 5:11

मोपतीके परमप्रभु, परमप्रभु यावेमी ‘गो ब्रोंइशा बाक्‍शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्‍तीक ग्रांग्रा दिशो सेल्‍तीके, गो इ कली खतम सेल्‍नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८

होसे 2:13

गो मेको कली बाल देवता कली धूप चोशो नाक्‍ती सजाइ गेनुङ। मेको नाक्‍त मेको ग्‍योम्‍सीशा वोंइश खोइक्‍तु। आं कली चहिं प्रेंताक्‍यी।

होसे 6:9

दोपा रोइक्‍बपुकी बाप्‍शा बाक्‍नीमी, मोपा चढ़ेबपुकी यो बुक्‍शा बाक्‍शो बाक्‍नीम। मेकोपुकीमी शेकेम लतीक लांमी मुर साइक्‍नीम। मेकोपुकीमी ठेयब मुने ङा गेय पाइनीम।

आमोस 4:5

आं कली ‘गे इस्राएल ङा मुर, रिम्‍शो पाइब बाक्‍नीनी’ दे बोरब ओख्‍ती सुप्‍शो शोब्‍ले चढ़ेपने। मिनु थुंम ग्‍येरशा चढ़ेतीक आ पर्बम ठेयब लोव़ पना पन गाक्‍कीन। मारदे हना गे मोदेंशो पचा दाक्‍नीनी” दे परमप्रभु यावेमी देंत। लेवी २:११

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

रोमी 2:2

परमप्रभु यावेमी मरिम्‍शो गेय पाइब आन कली ठीक निसाफ पशा, सजाइ गेब, दे तुइक्‍नय।

ब्‍यवस्‍था 32:17

मेकोपुकीमी परमप्रभु कली ममाइ, वोल आन कली चढ़ेम्‍तेक्‍म। आन ङोंइती मतुइश्‍शो देवी देवता आन कली चढ़ेम्‍तेक्‍म। आन किकी पिपीमी महिंशो नक सेल्‍शो देवी देवता आन कली चढ़ेम्‍तेक्‍म।

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०

न्‍यायाधीस 5:8

इस्राएलीपुकीमी नक देवी देवता आन कली ठेयब सेल्‍चा कली योव़ची ना सहर ङा लाप्‍चोमी लडाइ दुम्‍त। मिनु ४० हजार इस्राएली आन के तेक्‍तीक नु तरवार मबा।