येरमीया 7:6 - Sunuwar Bible

⁶ गेपुकीमी अर्को रागी ङा मुर आन कली, रोम रोइक्‍च नु आन वोंइश बेक्‍शो मीश मुर आन कली मदिप्‍तीनी हना, दोस मताइब मुर आन कली मसाइक्‍तीनी हना नु आंम इन कली श्‍येत सेल्‍चा, दे देवी देवता आन नोले मखोइक्‍तीनी हना, येरमीया ५:२८

येरमीया 7:6 ပူးပေါင်းရင်းမြစ်များ

२ राजा 21:6

मेकोमी आ तौ कली चोशा चढ़ेवा बाक्‍त। मिनु मन्‍तर तन्‍तर, टुना मुना पा, बेक्‍शो मुर रे लोव़ पचा गेशा, लिंक्‍यु कोव़ङा बाक्‍त। मेकोम परमप्रभु यावे आ ङोंइती शुश मरिम्‍शो पवा बाक्‍त। मिनु मेको कली थाम्‍पा गाइक्‍पदा बाक्‍त। २राजा १६:३; लेवी १८:२१

२ राजा 24:4

मारदे हना मनस्‍सेम दोस मताइब मुर आन कली साइश्‍शा, यरूसलेम कली हुशेम प्रिंशो बाक्‍माक्‍त। मिनु परमप्रभु यावेमी मेको कली माफ गेने मबिश्‍शो बाक्‍माक्‍त।

भजन संग्रह 106:38

मेकोपुकीमी आन पाप मपशो तमी तौ आन कली कनानी आन मूर्ति कली चढ़ेशा, आन हुश जारदमे बाक्‍त। मेको आन हुशेमी मेको रागी ग्रांग्रा दिशो दुम्‍माक्‍त।

हितोपदेस 23:10

गे साइ ङोंइती वोइश्‍शो सांद ङा फुल्‍लु मयाक्‍तो। मिनु रोम रोइक्‍च आन रू मचाइक्‍‍तो। हितोपदेस २२:२८

यसैया 59:7

मेकोपुकी मरिम्‍शो पचा कली ला दोरनीम। दोस मताइब आन कली साइक्‍चा कली चुइक्‍नीम। मेको आन मिम्‍शो मरिम्‍शो बाक्‍ब। आन लांमी बिग्रेतीक नु खतम पोक्‍तीक बाक्‍ब। रोमी ३:१५-१७; हितोपदेस १:१६; येरमीया २:३४

येरमीया 13:10

मेको मरिम्‍शो पाइब मुरपुकीम आं लोव़ नेंने मबिस्‍सम। मेकोपुकीमी आन खकटा थुंमी आन दला दाक्‍स पतीकेमी अरु देवी देवता आन कली पूजा पचा कली नु मेको आन गेय पचा कली लाम्‍तेक्‍म। मिनु मेकोपुकी एको धोती खोदेंशो दुम्‍नीम। मेको थमा पा शोर गाक्‍शो बाक्‍ब। येरमीया ११:८

येरमीया 19:4

मेको मुरपुकीमी आं कली प्रोंइतीमी। मिनु एकेर अर्को रागी ङा देवी देवता आन कली चढ़ेशा, एको रागी ग्रांग्रा दिशो सेल्‍तेक्‍म। मेको देवी देवता आन किकी पिपी नु यहूदा ङा पिपम यो मतुइश्‍शो बाक्‍तेक्‍म। मिनु मेकोपुकीम रागी कली दोस मताइब आन हुशेम प्रिंताक्‍म।

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५

येरमीया 2:34

इ फेक्‍शो वाम दोस मताइब नु प्रुङग आन हुश लुम्‍सीशो बाक्‍ब। मिनु गेमी मेको आन कली खिं प्रोल्‍शा खिं ओव़शो मथिदी। मेको मोदेंशो नेल्‍ल दुम्‍ना दुम्‍न यो, येरमीया २६:२०-२३; प्रस्‍थान २३:७

येरमीया 26:15

तन्‍न गे एको तुइक्‍तीन। गेपुकीम आं कली साइक्‍तीनी हना, आंम इन तारी, एको सहर तारी नु एकेर बाक्‍ब आन तारी दोस मताइब मुर का आ हुश शाइक्‍पाइश्‍शो दोस चाक्‍नीनी। मारदे हना परमप्रभु यावेम इन कली एको लोव़ नेल्‍ल नेंपाइक्‍चा कली आं कली सोइश्‍शो बाक्‍त” देंत। प्रस्‍थान २३:७; मत्ती २७:४,२५

येरमीया 26:23

मिनु मेकोपुकीमी उरीयाह कली इजीप्‍त रे चाक्‍तेक्‍म। मिनु पिप येहो-याकीम आ ङोंइती राप्‍पाइक्‍तेक्‍म। मिनु पिपम मेको कली साइक्‍चा कली तरवार आप्‍पाइक्‍तु। मिनु मेको आ बेक्‍शो रां आइक्‍च आइक्‍च मुर आन कली ताइक्‍तीकेम ताइक्‍पाइक्‍तु।

येरमीया 35:15

गो इन कली आं गेय नु आं लोव़ पाइब आन कली सोइक्‍ना सोइक्‍न बाक्‍ती। मेकोपुकीमी इन कली ‘गे नेल्‍ल इन मरिम्‍शो लां रे लेतीन। मिनु इन मरिम्‍शो गेय रिम्‍शो सेलीन। मिनु देवी देवता आन कली पूजा पचा नु आन नोले खोइक्‍चा प्रोनीन। मिनु गे इन किकी पिपी आन कली गेशो रागीम बाक्‍चा ताइनीनी’ देंती। तन्‍न गेपुकीम आं देंशो लोव़ मनेंनी नु मटिनी। मत्ती २३:३७

येरमीया 5:28

मेकोपुकी दोम्‍शा लल जिशो नु शोंप पाइश्‍शो दुम्‍शो बाक्‍नीम। मेको आन परमप्रभु यावे आ अरेशो मटितीके कली तेक्‍तीक मारेइ मबाक्‍ब। मेकोपुकीम रोम रोइक्‍च आन कली रिम्‍शो दुम्‍ल, दे मेको आन कली ठीक निसाफ मगेनीम। मेकोपुकीमी क्‍येट मथीब आन कली वारच पा ठीक निसाफ मपाइनीम। प्रस्‍थान २२:२१; यसैया १:१७

येरमीया 7:5

गेपुकीम थमा पा इन गाक्‍तीक लां नु इन पशो रिम्‍शो सेल्‍तीनी हना, गे थमा पा अरु मुर आन कली ठीक नु रिम्‍शो पाइतीनी हना,

येरमीया 7:9

गेपुकीम खुइ पाइनीनी, मुर साइक्‍नीनी, मुर आन मीश नु इप्‍नीनी, जोल पा कसम जाइनीनी, बाल देवता कली पूजा पाइनीनी नु इन मतुइश्‍शो देवी देवता आन नोले खोइक्‍नीनी। होसे ४:२

बिलाप 4:13

परमप्रभु यावे आ लोव़ पाइब आन पाप नु चढ़ेब आन मरिम्‍शो पशो आन पर्बम मो दुम्‍शो बाक्‍त। मेकोपुकीमी सहर आ दातेम ठीक पाइब मुर आन कली हुश ख्राक्‍श पोक्‍‍तेक्‍म।

इजीकीएल 18:6

मेको डांडा मेर मजाइब नु इस्राएल आ खिं ङा मुर आन मूर्ति आन कली पूजा मपाइब, मेको आ नेक्‍था ङा मुर आन मीश नु मइप्‍ब, रां ब्रोल्‍शो मीश मुर नु मइप्‍ब। लेवी १८:१९; लेवी १८:२०

इजीकीएल 22:7

मिनु मेकेरन आल आन आम आफ तशा महिक्‍नीम। मेकेरन अर्को रागी ङा मुर आन कली दिप्‍‍नीम। मिनु रोम रोइक्‍च नु आन वोंइश बेक्‍शो मीश मुर आन कली मरिम्‍शो पाइनीम। प्रस्‍थान २२:२०-२१

लेवी 19:33

गेपुकी नु बाक्‍ब अर्को रागी ङा मुर आन कली मदिपीन। प्रस्‍थान २२:२०

लेवी 25:17

गेपुकी आंम आंमा मठगेपामुने। तन्‍न परमप्रभु क्‍येङा हिनीन। मारदे हना गो परमप्रभु यावे, इन परमप्रभु नङ।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 27:25

मिनु हुलपुकीमी “आंइ कली नु आंइ चच युइ आन कली लुम्‍सेक्‍ल” दे रेयके पामे बाक्‍त। प्रेरित ५:२८

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

ब्‍यवस्‍था 11:28

परमप्रभु यावे, इन परमप्रभु आ शेंशो मटिथु, गो मुलाक्‍ती इन कली देंशो लचा माल्‍शो लां रे हेंथे गाक्‍तीनी नु इन मतुइश्‍शो देवी देवता आन नोले खोइक्‍तीनी हना, सराप राइनीनी।

ब्‍यवस्‍था 24:17

मिनु अर्को रागी ङा मुर नु रोम रोइक्‍च आन कली निसाफ दूली मपने। मिनु वोंइश बेक्‍शो मीश मुर आन फेक्‍तीक वा जाकटी मवोतीन।

ब्‍यवस्‍था 27:19

मिनु “सु मुरुमी अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली ठीक निसाफ मपाइबा, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २२:२०-२१

ब्‍यवस्‍था 8:19

मिनु गे परमप्रभु यावे, इन परमप्रभु कली प्रेंशा, देवी देवता आन नोले खोइक्‍तीनी, मेको आन कली पूजा पाइतीनी नु मेको आन ङोंइती बाप्‍तीनी हना, गो इन कली ‘गेपुकी थमा पा साइक्‍चा पुंइसीनीनी’ दे मुलाक्‍ती लोव़ का पाइनुङ।

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।