येरमीया 7:5 - Sunuwar Bible

⁵ गेपुकीम थमा पा इन गाक्‍तीक लां नु इन पशो रिम्‍शो सेल्‍तीनी हना, गे थमा पा अरु मुर आन कली ठीक नु रिम्‍शो पाइतीनी हना,

येरमीया 7:5 ပူးပေါင်းရင်းမြစ်များ

यसैया 1:19

आं लोव़ नेंशा टीतीनी हना, एको रागी ङा ब्रोव़ब्रोव़शो थोव़क जचा ताइनीनी। लेवी २५:१८-१९

यसैया 16:3

गे अर्ती गेशा, ठीक निसाफ पने। नाक्‍त बाक्‍त हना यो, इन वांकु नाक्‍दो ङा खोदेंशो सेलीने। ग्रुंइशो मुर आन कली ख्रुइक्‍तीन। प्रोक्‍ब आन पर्बम मशेंदीन।

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

येरमीया 22:15

मार, गे पिप नवे? मारदे हना गे गारो नेल्‍ल बोल्‍यो शीम क्‍येप्‍नेवे? इ आफ नु जचा तूचा थोव़क बाक्‍त। मेकोमी ठीक निसाफ नु ठीक गेय पाप्‍तु। मिनु मेको कली रिम्‍शोन दुम्‍त।

येरमीया 22:3

परमप्रभु यावेमी मार देंत देंशा हना “गे ठीक निसाफ पने। ठीक गेय पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। अर्को रागी ङा मुर, रोम रोइक्‍च नु आन वोंइश बेक्‍शो मीश मुर आन कली मरिम्‍शो मपने। मिनु एको रागीम मारेइ दोस मताइब आन हुश मशाइक्‍पतीन। येरमीया २१:१२

येरमीया 26:13

मुल गेपुकीम इन पतीक नु इन गेय रिम्‍शो सेलीन। मिनु आंम परमप्रभु यावे, इन परमप्रभु आ अरेशो टिने। मिनु परमप्रभु यावेम इन कली खतम पोक्‍तीक रे आ थुं लेप्‍ब। येरमीया ७:३

येरमीया 7:3

मुर नेल्‍ल परमप्रभु यावे, इस्राएली आन परमप्रभुमी मार, देंत देंशा हना “इन गाक्‍तीक लां नु इन पशो नेल्‍ल रिम्‍शो सेलीन। मो पाइतीनी हना, गो गेपुकी नु एकेर बाक्‍नुङ। येरमीया १८:११; येरमीया २५:५; येरमीया २६:१३; यसैया १:१६

इजीकीएल 18:17

मेको मरिम्‍शो पतीक रे ङोन बाक्‍ब, जेर गेशा आ चाइक्‍ब मताक्‍ब। मेकोम आं निसाफ पतीक लोव़ नेल्‍ल पाइब। मिनु आं फुल्‍लुम मुशा ब्रेक्‍शो लोव़ नेल्‍ल खाप्‍ब। मेको मुर आ आफ आ मरिम्‍शो पशो आ पर्बम बेक्‍चा ममाल्‍ब। मेको थमा पा ब्रोंइब।

इजीकीएल 18:5

ठीक पाइब मुर का बाक्‍त हना, आं अरेशो टीब नु रिम्‍शो पाइब।

इजीकीएल 18:8

मेकोम जेर गेशा चाइक्‍ब मताक्‍ब, मेको मरिम्‍शो पतीक रे ङोन बाक्‍ब नु मुर आन दातेम कुल मकोव़थु ठीक निसाफ पाइब। प्रस्‍थान २२:२४; भजन संग्रह १५:५

लेवी 25:17

गेपुकी आंम आंमा मठगेपामुने। तन्‍न परमप्रभु क्‍येङा हिनीन। मारदे हना गो परमप्रभु यावे, इन परमप्रभु नङ।

जकरिया 7:7

परमप्रभुमी “यरूसलेममी शुश मुर बाक्‍शा, एर ओंथ ङा सहर नेल्‍ल रिम्‍शो नु सो‍शो बो‍शो बाक्‍मेनु, नेगेब नु पच्‍छिम ङा शेफेलाह नेल्‍ल रिम्‍शो पा बाक्‍मानु, ङोंइती ङा आं लोव़ पाइबपुकीमी मुर आन कली देंशो परमप्रभु यावे आ प‍शो लोव़ एकोन ममाइ ङा?” देंत।

न्‍यायाधीस 21:12

मिनु सोइश्‍शोपुकीमी याबेश-गिलादमी ४ सहे सुइ नु मइप्‍शो कन्‍ने मीश आल थिश्‍शा, मेको आन कली कनान ङा शिलोम बाक्‍शो ताम्‍बुमी चाक्‍गमे बाक्‍त।

न्‍यायाधीस 5:1

मेको नाक्‍त देबोरा नु अबीनोअम आ तौ बाराकमी कुम्‍सो पाम्‍से बाक्‍त। मेको निक्‍शीमी मार कुम्‍सो पाम्‍से बाक्‍त, देंशा हना