येरमीया 7:34 - Sunuwar Bible

³⁴ मिनु गो यहूदा ङा सहर नु यरूसलेम ङा लां रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। मारदे हना रागी मुर मबाक्‍तीके दुम्‍ब” दे परमप्रभु यावेमी देंत। येरमीया १६:९; येरमीया २५:१०; येरमीया ३३:११

येरमीया 7:34 ပူးပေါင်းရင်းမြစ်များ

अय्‍युब 3:7

मेको नाक्‍दो आल मथीब दुम्‍‍ल। मेको नाक्‍दोमी ग्‍येरशो सेंदा मनेंसेक्‍ल।

भजन संग्रह 78:63

मिनु मीम मेको आन ठिटा वोंइश मुर आन कली दाक्‍तीमी। मिनु आन तमी आन कली ग्‍युंबे पाइक्‍चा मतामे।

यसैया 1:7

इन रागी गोरशो रागी दुम्‍ब। इन ङोंइती इन सहर मीम क्रोइक्‍तेक्‍म। इन ङोंइती इन रू ङा मारेइ मारेइ अर्को रागी ङा मुरपुकीम नेक्‍तेक्‍म। मिनु मेकोपुकीम इन रागी लडाइम खोदेंशो पा ग्रांग्‍ये माग्‍ये सेल्‍तेक्‍म।

यसैया 3:26

सहर ङा लाप्‍चो सुर्ता पा रोंका पाइ‍नीम। सहर श्‍येत्‍थ दुम्‍शा, खपीम निश्‍शो मीश मुर खोदेंशो दुम्‍ब” दे परमप्रभु यावेमी देंत।

यसैया 6:11

मिनु गो “परमप्रभु, गेना सम्‍म मो पचा माल्‍नुङा?” देंती। मिनु मेकोमी “सहर ब्रेश्‍शा मुर मबाक्‍तीके मदुम सम्‍म, खिं नेल्‍ल श्‍येत्‍थ नु रागी नेल्‍ल मुर मबाक्‍शो मदुम सम्‍म मोदेंशो पावो।

येरमीया 16:9

मारदे हना मुर नेल्‍ल आन परमप्रभु यावे, इस्राएली आन परमप्रभुमी ‘गो एको रागी रे इन पालाम, इन ङोंइती रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आस सेंदा क्‍याम्‍नुङ’। येरमीया ७:३४

येरमीया 22:6

मारदे हना यहूदा ङा पिप आ दरवार आ पर्बम परमप्रभु यावेमी “गे आं कली गिलाद नु लेबानोन ङा डांडा खोदेंशो बाक्‍नेवे। गो इ कली गोरशो रागी नु मुर मबाक्‍शो सहर खोदेंशो सेल्‍नुङ, दे कसम जाता।

येरमीया 25:10

मिनु गो मेको आन रे थुं नाइश्‍शा बाक्‍तीके, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। यात ग्री‍शो नु बत्ती आ हाम्‍सो नेल्‍ल योल्‍नुङ। येरमीया ७:३४

येरमीया 27:17

मेको आन लोव़ मनेनीन। बेबीलोन ङा पिप आ वाइल दु‍मीने। मिनु गेपुकी ब्रोंइनीनी। मारदे गेपुकीम एको सहर कली मुर मबाक्‍तीके दुम्‍पाइक्‍नीनी?

येरमीया 33:10

परमप्रभु यावेमी “मेको सहर आ पर्बम गेपुकीम ‘एको मुर नु बस्‍तु भाव मारेइ मबाक्‍शो रागी बाक्‍ब। यहूदा ङा सहर नु यरूसलेम ङा लां गाक्‍ब मुर नु बस्‍तु भाव, जन्‍तु मबाक्‍थु, श्‍‍येत्‍थ दुम्‍शो बाक्‍ब। मेको मारेइ मबाक्‍शो सहरम लेंशा, येरमीया ३२:४३

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

येरमीया 4:26

मिनु कोव़ङुनु, रिम्‍शो खप बाक्‍शो रू नेल्‍ल गोरशो रागी दुम्‍तेक्‍म। मिनु मेकेर ङा सहर नेल्‍ल ब्रेश्‍शो बाक्‍तेक्‍म। मोदेंशो पा परमप्रभु यावेमी आ शुश गाइक्‍तीकेमी पाप्‍तु” देंती।

येरमीया 4:27

मिनु परमप्रभु यावेम मार, देंत देंशा हना “रागी नेल्‍ल मुर मबाक्‍तीके दुम्‍त हना यो, गो मेको नेल्‍ल मक्‍याम्‍नुङमी। येरमीया ५:१८; येरमीया १०:२४; येरमीया १८:३-८; आमोस ९:८

येरमीया 44:6

मोपतीके गो यहूदा ङा सहर नु यरूसलेम ङा लांम आं शुश गाइश्‍शो नु चुरशो मोइक्‍ता। मिनु मेको सहर ब्रेश्‍शो नु मुर मबाक्‍तीके दुम्‍तेक्‍म। मुलाक्‍ती मोदेंशो बाक्‍ब” देंत।

बिलाप 5:14

खाल्‍पापुकी सहर ङा ठेयब लाप्‍चोमी ग्रुम्‍शा बाक्‍चा प्रोंइतेक्‍म। मिनु ठिटापुकीमी बाजा ताप्‍चा प्रोंइतेक्‍म।

इजीकीएल 26:13

गो इ कुम्‍सो थुम्‍पाइक्‍‍नुङ। इ बीना ताप्‍शो लेंशा मनेंसीब। आमोस ५:२३

इजीकीएल 7:11

हुश ख्राक्‍श पोक्‍तीके परमप्रभु यावे आ अरेशो मटीब आन कोक्‍के दुम्‍त। मेको आन दाते ङा मारेइ मलीब। मेको आन बाक्‍शो मारेइ मारेइ, आन शोंप नु आन ठेयब दुम्‍तीके मारेइ मलीब।

होसे 2:11

गो मेको आ चाड नेल्‍ले मानेचा मगेनुङ। मेको आ बर्स बर्स ङा चाडपुकी नु औंसी ङा चाड, मेको आ नाइक्‍तीक नाक्‍तपुकी नु मेको आ अरु चाड नेल्‍ल मानेचा मगे‍नुङ।

होसे 2:13

गो मेको कली बाल देवता कली धूप चोशो नाक्‍ती सजाइ गेनुङ। मेको नाक्‍त मेको ग्‍योम्‍सीशा वोंइश खोइक्‍तु। आं कली चहिं प्रेंताक्‍यी।

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

मीका 7:13

तन्‍न रागी रागी नेल्‍ल श्‍येत्‍थ दुम्‍नीम। मुर आन मरिम्‍शो पशो आ पर्बम मोदेंशो दुम्‍ब” देंत।

प्रकाश 18:23

मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८