येरमीया 7:20 - Sunuwar Bible

²⁰ मोपतीके परमप्रभु, परमप्रभु यावेम “आं गाइश्‍शो नु आं चुरशो मेकेर मोइक्‍चा माल्‍ब। मुर, बी ब्‍यफ, क्‍यारश भेडा, रू ङा रवा नु रागी ङा मारेइ मारेइ आन तारी मोइक्‍चा माल्‍ब। मेको मकाप्‍ब मीम नेल्‍ल दाक्‍ब” दे परमप्रभु यावेमी देंत।

येरमीया 7:20 ပူးပေါင်းရင်းမြစ်များ

२ राजा 22:17

मारदे हना मेकोपुकीम आं कली प्रोंइशा, देवी देवता आन कली धूप चोम्‍तेक्‍म। मिनु आन गुइम सेल्‍शो मूर्ति रे पा आं कली गाइक्‍पाइक्‍तीमी। मोपतीके गो एको रागी आ पर्बम गाइक्‍ताक्‍यी। मिनु मेको गाइश्‍‍शो मनाइक्‍ब’ देंत। ब्‍यवस्‍था ३१:२९; ब्‍यवस्‍था ३२:२१-२३

यसैया 10:17

मिनु इस्राएली आन छेङछेङ मी दुम्‍ब। मिनु आन का ला बाक्‍शो परमप्रभु नाप्‍पाइक्‍ब दुम्‍ब। मिनु मेकोमी आन चू नु चोंक काबुमी नेक्‍पाइक्‍ब। ब्‍यवस्‍था ४:२४

यसैया 42:25

मोपतीके परमप्रभु यावे मेको आन पर्बम शुश गाइक्‍ताक्‍व। मेको आन कली लडाइ ङा श्‍येत दुम्‍पाइक्‍तु। मेको आन एर ओंथ नेल्‍ल मी जेत्‍ताक्‍व। मो हना यो मेकोपुकीमी काइ मरुबेम। मी जेश्‍‍शा यो आन थुं परमप्रभु यावे गे मलेत्‍तेम।

यसैया 66:24

मिनु मेकोपुकी ग्रूशा आं कली काइ मटीब आन बेक्‍शो रां कोव़थ लाइनीम। मेको आन लुस्‍पु मबेक्‍नीम, आन मी यो मकाप्‍ब। मेको मुर नेल्‍ल आन कली ग्रांग्रा दितीके दुम्‍नीम” दे परमप्रभु यावेमी देंत। मर्कूस ९:४८

येरमीया 11:16

परमप्रभु यावेम इन कली रिम्‍शो फल सिप्‍ब दारशो गिगी तेल रवा, दे नें वोइक्‍तु। तन्‍न मेकोम ठेयब फश गिवार पपाइश्‍शा, मेको कली मी सुइक्‍ब। मिनु मेकोम आ राशी आन कली दाक्‍ब।

येरमीया 12:4

रागीम गेना सम्‍म रोंका पाइबा? मिनु रू ङा घांस गेना सम्‍म सोल सुल बेक्‍नीमी? मेकेर बाक्‍बपुकीम परमप्रभु यावे आ अरेशो लोव़ मटितीके, मेकेर ङा जन्‍तु नु चिक्‍ब नेल्‍ल बेक्‍तेक्‍म। मोपा मेकोपुकीमी “आंइ कली मार, दुम्‍शो बाक्‍बा, मेकोमी मारेइ मतुइक्‍ब” दें‍नीम। येरमीया ९:९

येरमीया 14:16

मिनु जोल पा आं लोव़ नेंपाइक्‍चा पुंइसीबपुकी चहिं तरवार नु अन्‍कालम पतीके यरूसलेम ङा लां मेर ताइक्‍चा पुंइसीनीम। मेको, मेको आन मीश नु मेको आन तमी तौ आन कली थिम्‍ब सुइ मबाक्‍नीम। मारदे हना गो मेको आन तचा ङा श्‍येत मेको आन तारी मोइक्‍नुङ” दे माइक्‍ती। येरमीया ९:२१

येरमीया 17:27

तन्‍न गेपुकीम आं लोव़ मनेंतीनी हना, नाइक्‍तीक नाक्‍ती आं नाक्‍त बाक्‍ब, दे ममिम्‍ताक्‍नी हना नु नाइक्‍तीक नाक्‍त भारी कुरशा यरूसलेम ङा ठेयब लाप्‍चो आगा ओव़तीनी हना, आं देंशो मबिस्‍साक्‍नी हना, गो यरूसलेम ङा ठेयब लाप्‍चोमी गेनायो मकाप्‍ब मी जेत्‍नुङ। मिनु मेकोमी यरूसलेम ङा दरवार दाक्‍ब” दे परमप्रभु यावेमी देंत। इजीकीएल २०:१२-१३

येरमीया 17:4

इन पाप पतीकेम गो इन कली गेशो, इन थेरशो रू साम्‍नीनी। मिनु गो इन कली इन मतुइश्‍शो रागीम इन जोरी सत्रु आन वाइल दुम्‍पाइक्‍नन्‍नी। मारदे हना आं गाइक्‍तीके मी ब्रशो खोदेंशो बाक्‍ब। मिनु मेको गेना हना यो ब्रस ङा ब्रस बाक्‍ब” देंत।

येरमीया 18:23

मिनु परमप्रभु यावे, आं कली साइक्‍चा माल्‍शो नु मरिम्‍शो पाइब नेल्‍ल आन कली तुइक्‍ताक्‍नी। मेको आन मरिम्‍शो पशो माफ मगेने। इन ङोंइती रे मेको आन पाप मतिलीन। मेको इन ङोंइती दाइल पांइसीमल। गे गाइक्‍तीनीनु, मेको आन कली मार पचा माल्‍बा, मेको पने” देंत। मत्ती ६:१५

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

येरमीया 42:18

मुर नेल्‍ल आन परमप्रभु यावे, इस्राएली आन परमप्रभुम “दोपा आं गाइश्‍शो नु चुरशो यरूसलेमम बाक्‍ब मुर आन तार मोंइसे, मोपान गेपुकी इजीप्‍त लाइतीनी हना, आं चुरतीके इन तार मोंइसीब। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। गेपुकीम लेंशा एको रागी गेनायो कोव़चा मताइनीनी” देंशो बाक्‍ब। येरमीया २५:९; येरमीया ४४:१२

येरमीया 44:6

मोपतीके गो यहूदा ङा सहर नु यरूसलेम ङा लांम आं शुश गाइश्‍शो नु चुरशो मोइक्‍ता। मिनु मेको सहर ब्रेश्‍शो नु मुर मबाक्‍तीके दुम्‍तेक्‍म। मुलाक्‍ती मोदेंशो बाक्‍ब” देंत।

येरमीया 6:11

तन्‍न गो परमप्रभु यावे आ गाइक्‍तीकेम ब्रीशो बाक्‍नुङ। गो मेको हेरा तेक्‍‍ने मचाप्‍नुङ। मिनु मेकोमी “मेको लां मेर गाक्‍ब आल आन तार मोतो। बुक्‍शा बाक्‍शो ठिटा आन तार मोतो। मीश वोंइश निम्‍फा लाइक्‍चा पुंइसीनीस। खाल्‍पा नु खूशो लाइक्‍चा पुंइसीनीम।

येरमीया 6:12

मारदे हना गो आं गुइ मेको रागीम बाक्‍ब आन तार दिंनुङ, मेको आन खिं अर्को आन के दुम्‍नीम। आन रू नु आन मीश यो अरु आन के दुम्‍नीम” दे परमप्रभु यावेम देंत।

येरमीया 8:13

परमप्रभु यावेम “गो, अङगुर सेक्‍‍नुङ देंङानु बोटम अङगुर मबाक्‍म। फोव़शी रवाम फोव़शी मबाक्‍म। मेको आन सफा यो सोव़तेक्‍‍म। मेकोपुकी आं गेशो यो रोइक्‍चा पुंइसीनीम” दे परमप्रभु यावेमी देंत।

बिलाप 4:11

परमप्रभु यावेमी आ चुरशो नेल्‍ल कोंइताक्‍व। मेकोमी आ हिंचा ङा पा गाइश्‍शो नेल्‍ल कोंइताक्‍व। मोपा सियोनम मी सुइक्‍ताक्‍व। मिनु मेकेर ङा जग नेल्‍ल दाक्‍तु।

इजीकीएल 22:22

दोपा चांदी यपाइक्‍तीकेम यपाइक्‍नीमी, मोपा गो इन कली यपाइक्‍नुङ। मिनु गेपुकीम गो परमप्रभु यावेमीन आं चुर‍शो इन तार मोइक्‍ता, दे तुइक्‍नीनी’ दे‍नो” देंत।

इजीकीएल 7:12

मेको खतम दुम्‍तीके जाक्‍चा चिक्‍शो बाक्‍ब। ग्‍याप्‍बपुकी मग्‍येरसमल। लेयबपुकी रोंका मपामेक्‍ल। मारदे हना मेको नेल्‍लेम परमप्रभु आ गाइश्‍शो ताइनीम।

इजीकीएल 7:14

मेकोपुकीम ग्रोव़ ताप्‍शा, मारेइ मारेइ ठीक पाम्‍तेक्‍म हना यो, का यो लडाइ पथ मलाइनीम। मारदे हना आं गाइश्‍शो मेको नेल्‍ल आन तार जुक्‍शो बाक्‍ब।

दानीएल 9:11

इस्राएली नेल्‍लेमी इन क्‍येङा ङोन लशा, इन अरेशो मटिथु, इन देंशो मपामे। मोपतीके गो इन गेय पाइब मोसामी ब्रेक्‍शो इन अरेशो लोव़मी सराप नु कसम आंइ तारी मोइक्‍चा पुंइसीशो बाक्‍नीक। मारदे हना गोपुकीमी इन कली पाप पाइतक। लेवी २६:१४-३९; ब्‍यवस्‍था २८:१५-६८

लेवी 26:28

गो इन कली मरिम्‍शो पस ङा पस ग्रुम्‍नुङ। मिनु इन पाप ७ खेयप तेम्‍शा, सजाइ गेनन्‍नी। ब्‍यवस्‍था २८:५३; येरमीया १९:९

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

सेफन्‍याह 1:2

परमप्रभु यावेमी मार लोव़ पाप्‍तु देंशा हना “गो रागी नेल्‍ल ङा मारेइ मारेइ खतम सेल्‍नुङ।

सेफन्‍याह 1:3

मुर नु बी ब्‍यफ, क्‍यारश भेडा, जन्‍तु नेल्‍ल आन कली खतम सेल्‍नुङ। सरीङ ङा चिक्‍ब, समुन्‍द्र ङा ङांइ नेल्‍ल आन कली साइक्‍नुङमी। रागी ङा मुर नेल्‍ल आन कली खतम सेल्‍नुङ। परमप्रभु यावे आ अरेशो मटीब आन कली दाइल पपाइक्‍नुङ। गो मुर नेल्‍ल आन कली रागी नेल्‍ल रे क्‍याम्‍नुङ। मत्ती १३:४१

जकरिया 7:12

मेकोपुकीमी परमप्रभु यावे आ अरेशो नु आ लोव़ मनेंचा ङा पा आन थुं खकटा सेल्‍तेक्‍म। ङोंइती मुर नेल्‍ल आन परमप्रभु यावेमी आ सोक्‍त रे पा आ अरेशो लोव़ नु मुर आन कली पतीक लोव़ पथ आ लोव़ पाइब आन कली सोइश्‍शो बाक्‍त। मोपतीके मुर नेल्‍ल आन परमप्रभु यावे शुश गाइश्‍शो बाक्‍ब। यसैया ४८:४

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

प्रकाश 14:10

मेको आन कली तशा, परमप्रभु यावे शुश गाइक्‍ब। मिनु मेको मुरपुकीमी आ गाइश्‍शो तचा माल्‍नीम। दोपा परमप्रभु आ गाइश्‍शो तचा माल्‍नीम देंशा हना, पाप रे ङोन बाक्‍ब परमप्रभु यावे आ स्‍वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्‍धकम श्‍येत जचा माल्‍नीम। भजन संग्रह ७५:७