येरमीया 7:19 - Sunuwar Bible

¹⁹ मिनु मार, मेकोपुकीमी आं कली गाइक्‍पाइक्‍चा कली मो पशो मनमी ङा? मिनु मार, मेकोपुकीमी श्‍येत जचा कली मो पशो मन‍मी ङा?” देंत

येरमीया 7:19 ပူးပေါင်းရင်းမြစ်များ

एज्रा 9:7

गो आंइ किकी पिपी रे मुलाक्‍त ङा नाक्‍त सम्‍म आंइ दोस थम ठेयब बाक्‍ब। आंइ काइ मरिम्‍शो पतीके आंइ पिप नु चढ़ेबपुकी अर्को रागी ङा पिप आन गुइमी साइक्‍चा, चोक्‍चा, मारेइ मारेइ रोइक्‍चा पुंइसीचा नु शुश मुने तोक्‍चा पुंइसाक्‍म। मिनु गोपुकी यो सिनाक्‍त मुलाक्‍त मोदेंशो दुम्‍शो बाक्‍नीकी।

अय्‍युब 35:6

गे पाप पाइतीनी हना, मेको कली मार दुम्‍बा ङा? गे शुश हेंथे पाइतीनी हना यो, मेको कली मार दुम्‍बा ङा?

यसैया 1:20

तन्‍न आं लोव़ मनेंतीनी नु मटीतीनी हना, तरवारम क्‍योरचा पुंइसीनीनी” दे परमप्रभु यावेमी देंत। लेवी २६:२५

यसैया 1:24

मोपतीके परमप्रभु, मुर नेल्‍ल आन परमप्रभु यावे, इस्राएली आन सक्ति पाइश्‍शो परमप्रभु यावेमी “गो आं जोरी सत्रु आन तारी आं गाइश्‍शो मोइश्‍शा, क्‍येक्‍क लेत्‍नुङमी।

यसैया 45:16

मूर्ति सेल्‍ब नेल्‍ल मुने दोक्‍शा, कालेम आन कुल राव किक्‍शा लाइनीम। यसैया ४४:९-११

येरमीया 15:9

मिनु ७ जना बेक्‍शो तौ आन ममा थत। नाक्‍ती बाक्‍ना बाक्‍न मेको आ नां लाक्‍तु। मिनु मेको मुने दोक्‍शा शुक्‍शी पाइक्‍चा पुंइसाक्‍व। मेको क्‍येङा यो ब्रोंइशो आन कली आन जोरी सत्रुम तरवारम क्‍योरपाइश्‍शा, साइक्‍पाइक्‍नुङमी” दे परमप्रभु यावेम देंत। आमोस ८:९

येरमीया 2:17

इन कली लां कोंइब, इन परमप्रभु यावे कली प्रोंइशा, गे मोदेंशो श्‍येत आंमा इन कली मचाक्‍नी ङा?

येरमीया 2:19

इन परमप्रभु यावे आ अरेशो लोव़ मटि‍तीकेमी इन कली सजाइ गेब। इन प्रोंइशोमी इन कली हुइक्‍ब। गेपुकीम इन परमप्रभु यावे कली प्रोंइशो थम मरिम्‍शो नु इन थुं कशो दुम्‍शो बाक्‍ब, दे तुइक्‍तीन। मिनु आं कली मान पा हिंतीके गे नु मबाक्‍ब” दे परमप्रभु, मुर नेल्‍ल आन परमप्रभु यावेमी देंत।

येरमीया 20:11

तन्‍न परमप्रभु यावे बोल्‍यो लडाइ पाइब का खोदेंशो पा गो नु बाक्‍ब। मोपतीके आं कली खेदा पाइबपुकी दाइल पांइसीशा, गोल्‍नीम। मिनु मेकोपुकीम आं कली मग्रानीम। मेको थाम्‍पा मुने दोक्‍नीम। मारदे हना मेको आन मरिम्‍शो पशो गेनायो मप्रेंसीब। येरमीया १:८,१९

येरमीया 22:22

इ गोठला नेल्‍ल आन कली फशेम बेर पाइश्‍शा योल्‍ब। मिनु इ वारच नेल्‍ल ग्‍याइश्‍शा लाइक्‍चा पुंइसीनीम। मेना गे इ मरिम्‍शो गेयम पतीके मुने दोक्‍शा, आमाइ, मेको श्‍येत नेल्‍ल परमप्रभु यावे आ अरेशो मटितीके दुम्‍शो बाक्‍ब।

येरमीया 25:7

परमप्रभु यावेमी “तन्‍न गेपुकीम आं लोव़मी नोफा मदाइक्‍तीनी। इन गुइम सेल्‍शोमी आं कली गाइक्‍पाइक्‍तीनी। मिनु गेपुकी आंमान सजाइ ताइब सेल्‍सीशो बाक्‍नीनी” देंत।

येरमीया 3:25

मुल गो इं मुनेम ग्रुम्‍य। मिनु इं दोस त‍तीकेमी इं कली सुमल। मारदे हना गो परमप्रभु यावे, इं परमप्रभु कली पाप पाइतय। इं किकी पिपी नु गो इं ठिटा ठिटी रेन मुल सम्‍म परमप्रभु यावे, इं परमप्रभु आ देंशो मटिशो बाक्‍तय” देंतेक्‍म। येरमीया १४:७,२०

येरमीया 44:3

मारदे मोदेंशो दुम्‍त देंशा हना, मेकेर ङा मुरुमी आं अरेशो मटिथु, गाइक्‍पाइक्‍‍तीमी। मेकोपुकीमी देवी देवता आन कली चढ़ेशा मेको आन नोले खोइक्‍तेक्‍म। ङोंइती मेकोपुकी, गेपुकी नु इन किकी पिपीमी यो मेको आन कली मतुइश्‍‍शो बाक्‍तेक्‍म।

येरमीया 8:19

श्‍येत जशो आं मुर आन ङाक्‍शो नेनीन। ङोन रागी रे नेनीन। मार, परमप्रभु यावे सियोनम मबाक्‍शो बाक्‍बा ङा? मेको आ पिप मेकेर मबाक्‍शो बाक्‍बा? मारदे मेकोपुकीमी आं कली आन मूर्ति नु आन शोर गाक्‍शो अर्को रागी ङा देवी देवता आन पर्बम गाइक्‍पाइय्‍यीमी?

येरमीया 9:19

सियोन रे रोंका पशो नेंसाक्‍व। गोपुकी खतम दुम्‍तय। गोपुकी मुनेम सुम्‍सीशो बाक्‍नय। गोपुकीम आंइ रागी प्रोंइचा माल्‍नीकी। मारदे हना मेकोपुकीम आंइ खिं प्रेत्‍तेक्‍म” देंतेक्‍म।

इजीकीएल 16:26

गे इ माल्‍शो, इ नेक्‍था बाक्‍ब इजीप्‍त ङा मुर नु तेल्‍लेम पाप्‍तीवी। मोपा इ तेल्‍लेम पतीक बारपाइश्‍शा, आं कली थाम्‍पा गाइक्‍पाइक्‍ती।

१ कोरिन्‍थी 10:22

गोपुकीम प्रभु कली रुश पपाइक्‍चा दुम्‍बा ङा? गो प्रभु क्‍येङा ठेयब नया ङा?

ब्‍यवस्‍था 32:16

मिनु मेकोपुकीमी अर्को देवी देवता आन कली ठेयब सेल्‍शा, मेको कली गेहे पपाइक्‍तेक्‍म। मेकोपुकीमी ग्रांग्रा दिचा ङा थोव़कीम पतीके मेको कली गाइक्‍पाइक्‍तेक्‍म।