येरमीया 7:12 - Sunuwar Bible

¹² मुल आं बाक्‍तीक शिलो लने। गो मेकेर ङोंइती आं नेंमी बाक्‍तीक सेल्‍शो नङ। मिनु गो इस्राएल ङा मुर आन कली आं अरेशो मटितीके मार पदु? मेकेर लशा कोव़ङीन। यहोसु १८:१; १सामुएल ४:४,१२; भजन संग्रह ७८:६०

येरमीया 7:12 ပူးပေါင်းရင်းမြစ်များ

१ राजा 9:7

गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८

येरमीया 26:6

गो मेको खिं कली शिलो खोदेंशो सेल्‍नुङ। मिनु मेको सहर कली रागी नेल्‍ल ङा मुर नेल्‍ल आन दातेमी सराप राइब सेल्‍नुङ’ देनो” देंत। २राजा २५:९; येरमीया ७:१२

येरमीया 7:14

मोपतीके गो मेको आं नेंम सेल्‍शो खिं कली नु इन किकी पिपी नु इन कली गेशो रागी कली शिलो खोदेंशो सेल्‍नुङ। गे मेको खिं कली थमा सुइक्‍तीनी।

ब्‍यवस्‍था 12:11

मेना परमप्रभु यावे, इन परमप्रभुम आ बाक्‍तीके का योव़ब। गो इन कली अरेशो इन चोशा चढ़ेशो, इन क्‍योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्‍चा माल्‍नीनी।

ब्‍यवस्‍था 12:5

परमप्रभु यावे, इन परमप्रभुमी इन थर थर आन बाक्‍तीक रागीमी ते बाक्‍चा दाक्‍बा, मेको माल्‍शा मेकेर लचा माल्‍नीनी।

यहोसु 18:1

मिनु इस्राएल ङा मुर नेल्‍ल शिलोमी बुक्‍तेक्‍म। मेकेर ग्रुम्‍तीक ताम्‍बु की‍तेक्‍म। मेना मेको रागी मेको आन रागी दुम्‍शो बाक्‍त। न्‍यायाधीस २१:१९; १सामुएल १:३; येरमीया ७:१२-१५

यहोसु 18:10

मिनु यहोसुमी शिलोमी परमप्रभु यावे आ ङोंइती इस्राएली थर ङा खिं खिं ङा मुर आन कली मेको रागी योक्‍शा गेप्‍तु।

न्‍यायाधीस 18:31

परमप्रभु आ खिं शिलोमी बाक्‍म सम्‍म मेकोपुकीमी मीकाहमी सेल्‍सीशो मूर्ति कली पूजा पामे बाक्‍त। यहोसु १८:३; येरमीया ७:१२

१ सामुएल 1:3

एल्‍काना बर्स बर्सम आ सहर रे शिलो लाइबाक्‍माक्‍त। मेकेर मुर नेल्‍ल आन परमप्रभु यावे कली ठेयब सेल्‍शा, चढ़ेतीक चढ़ेचा कली लाइबाक्‍माक्‍त। मिनु मेकेर चढ़ेब एली आ तौ निक्‍शी होफ्‍नी नु फिनेहास बाक्‍सा बाक्‍त। मेको परमप्रभु यावे कली चढ़ेब बाक्‍सा बाक्‍त। यहोसु १८:१

१ सामुएल 4:22

“इस्राएल ङा छेङछेङ जाम्‍त। मारदे हना परमप्रभु आ कबल पशो सन्‍दोस रोंइसाक्‍व” देंमाक्‍त।