येरमीया 7:10 - Sunuwar Bible

¹⁰ मो हना यो आं ङोंइती आं नें बाक्‍शो खिंम राप्‍शा बाक्‍नीनी। आं ङोंइती राप्‍शा ‘गो रिम्‍शो बाक्‍नीकी’ देंनीनी। मेकेर रे लेश्‍शा इन ग्रांग्रा दिचा ङा गेय लेंशा पाइनीनी।

येरमीया 7:10 ပူးပေါင်းရင်းမြစ်များ

१ राजा 9:3

मिनु परमप्रभु यावेमी मेको कली “गो इ आं ङोंइती पशो प्रार्थना नु इ पुंइशो लोव़ नेंता। गो एको इ सेल्‍शो खिं कली आं के सेल्‍ता। मिनु गो गेना हना यो एकेर बाक्‍नुङ। आं थुं एकेर बाक्‍शा, गो एको खिं कली गेना हना यो कोव़नुङ। १राजा ८:२९

२ राजा 21:4

मेकोमी परमप्रभु यावे आ खिंमी मेको देवी देवता आन कली चढ़ेतीकपुकी सेला बाक्‍त। परमप्रभु यावेमी मेको खिं आ पर्बम “यरूसलेमम गो आं नें वोइक्‍नुङ” देंशो बाक्‍माक्‍त।

२ इतिहास 33:4

मेकोमी परमप्रभु यावे आ खिंम चढ़ेतीकपुकी सेला बाक्‍त। मेको खिं आ पर्बम परमप्रभु यावेम “यरूसलेमम आं नें गेना हना यो लीब” देंशो बाक्‍माक्‍त। ब्‍यवस्‍था १२:५,११; १राजा ९:३

२ इतिहास 33:7

मेकोमी मुपाइश्‍शो मूर्ति परमप्रभु आ खिंम वोइक्‍पदा बाक्‍त। मेको खिं आ पर्बम परमप्रभुम दाऊद नु आ तौ सोलोमन आस कली “गो इस्राएल ङा थर नेल्‍ल आन दाते रे यरूसलेम कली योव़ता। मिनु यरूसलेमम बाक्‍शो एको खिंम गेना हना यो आं नें वोइक्‍नुङ।

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

यसैया 48:2

मेकोपुकी आंम आंमा ‘गोपुकी परमप्रभु आ योव़शो सहर ङा नकी’ देंनीम। इस्राएली आन परमप्रभु आ पर्बम मेकोम आंइ कली कोव़ब” दे मिम्‍नीनी। मेको आ नें मुर नेल्‍ल आन परमप्रभु यावे बाक्‍ब।

येरमीया 32:34

मेकोपुकीमी आं नें वोइश्‍शो खिंम आन ग्रांग्रा दिशो देवी देवता वोइक्‍तेक्‍म। मिनु आं खिं कली ग्रांग्रा दिशो सेल्‍तेक्‍म।

येरमीया 34:15

गेपुकीम चहिं नक माफ पुंइशा आं ङोंइती नेल्‍ल आन कली प्रोंइचा नम, देंशो लोव़ ठीक पाइतीनी। मिनु गेपुकीमी आं नें बाक्‍तीक खिंम आं ङोंइती कबल का पाइतीनी। लेवी २५:१०

येरमीया 44:9

गे इन किकी पिपी आन मरिम्‍शो पशो प्रेंदीनी? यहूदा ङा पिप नु आन पिपीम आन मरिम्‍शो पशो, इन आंम मरिम्‍शो पशो, इन मीशेमी यहूदा रागीम नु यरूसलेम ङा लांमी मरिम्‍शो पशो प्रेंदीनी? येरमीया ७:१७-१८

येरमीया 7:11

मार, आं नेंमी बाक्‍शो आं खिं इन ङोंइती रोइक्‍ब आन बाक्‍तीक खिं दुम्‍मे? गो यो इन कली कोव़ना कोव़न बाक्‍नुङ। मत्ती २१:१३

येरमीया 7:14

मोपतीके गो मेको आं नेंम सेल्‍शो खिं कली नु इन किकी पिपी नु इन कली गेशो रागी कली शिलो खोदेंशो सेल्‍नुङ। गे मेको खिं कली थमा सुइक्‍तीनी।

येरमीया 7:30

परमप्रभु यावेम “यहूदा ङा मुरपुकीम आं ङोंइती मरिम्‍शो पशो बाक्‍नीम। मेकोपुकीमी आं नेंम सेल्‍शो खिंम आन ग्रांग्रा दिशो थोव़क वोइक्‍तेक्‍म। मोपा आं खिं ग्रांग्रा दिशो दुम्‍त। येरमीया ३४:३२; २राजा २१:४-५

इजीकीएल 20:39

ए इस्राएल आ खिं ङा मुरपुकी, परमप्रभु यावेमी इन कली ‘लन। गे आं देंशो टिचा मदाक्‍नीनी हना, मुल रे गे नेल्‍लेम इन इन मूर्ति आन कली पूजा पने। तन्‍न इन मूर्ति पूजा पतीकेमी आं नें कली गेनायो ग्रांग्रा दिशो मसेलीन।

इजीकीएल 23:29

मिनु मेकोपुकीमी इ काइ मदाक्‍शो गेय पाइनीम। इ गेय पा तशो मारेइ मारेइ योल्‍शा, इ कली शिश्रा सेल्‍शा प्रोंइनीम। मिनु शिश्रा दुम्‍तीके इ तेल्‍लेम पशो नेल्‍ल तुंइसीब। इ ग्रांग्रा दिशो पशा, तेल्‍लेम प‍तीके गे मोदेंशो दुम्‍नेवे।

इजीकीएल 23:37

मारदे हना मेको निक्‍शीम हेंथे पाम्‍ताक्‍स। मिनु मेको आस गुइम हुश ख्राक्‍श पोक्‍ताक्‍स। मेकोमी आस मूर्ति नु हेंथे पाम्‍ताक्‍स। मेको निक्‍शीम आं कली जरमेशो आस तमी तौ आन कली, मूर्ति आन कली ब्‍वचा गेचा कली क्‍योरशा चढ़ेम्‍ताक्‍स। इजीकीएल १६:२०

इजीकीएल 23:39

तेको नाक्‍ती मेको आस आल आन कली मूर्ति आन कली क्‍योरशा चढ़ेम्‍से, मेको नाक्‍तीन आं बाक्‍तीकेम ओव़ताक्‍स। मिनु ग्रांग्रा दिशो सेल्‍ताक्‍स। मेको निक्‍शीम आं खिंम मोदेंशो गेय पाम्‍ताक्‍स।

इजीकीएल 33:25

मोपतीके गे मेको आन कली ‘परमप्रभु, परमप्रभु यावेमी इन कली गेपुकी हुश सुन्‍दा श्‍ये ब्‍वाइनीनी। गे इन मूर्ति पूजा पाइनीनी। गेपुकीम हुश ख्राक्‍श पोक्‍‍नीनी। मिनु मार, एको रागी इन के दुम्‍बा ङा? १सामुएल १४:३२-३४

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

इजीकीएल 5:11

मोपतीके परमप्रभु, परमप्रभु यावेमी ‘गो ब्रोंइशा बाक्‍शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्‍तीक ग्रांग्रा दिशो सेल्‍तीके, गो इ कली खतम सेल्‍नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८

दानीएल 9:18

आं परमप्रभु इन नोफा दाइश्‍शा नेनीन। मिनु आंइ कली दुम्‍शो श्‍येत नु इन नेंम सेल्‍शो सहर यरूसलेम कली कोव़ङीन। आंइ ठीक पतीके आ पर्बम ममाइ, तन्‍न इन शुश शिशी पतीके आ पर्बम पुंइनीकी।

होसे 6:9

दोपा रोइक्‍बपुकी बाप्‍शा बाक्‍नीमी, मोपा चढ़ेबपुकी यो बुक्‍शा बाक्‍शो बाक्‍नीम। मेकोपुकीमी शेकेम लतीक लांमी मुर साइक्‍नीम। मेकोपुकीमी ठेयब मुने ङा गेय पाइनीम।

आमोस 4:5

आं कली ‘गे इस्राएल ङा मुर, रिम्‍शो पाइब बाक्‍नीनी’ दे बोरब ओख्‍ती सुप्‍शो शोब्‍ले चढ़ेपने। मिनु थुंम ग्‍येरशा चढ़ेतीक आ पर्बम ठेयब लोव़ पना पन गाक्‍कीन। मारदे हना गे मोदेंशो पचा दाक्‍नीनी” दे परमप्रभु यावेमी देंत। लेवी २:११

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

मलाकी 3:15

मुल गो ठेयब लेश्‍शो मुर आन कली रिम्‍शो मुर बाक्‍नीम, देंनीकी। मारदे हना मरिम्‍शो पाइबपुकी दारनीम। परमप्रभु कली मरिम्‍शो पाइब ब्रोंइशा बाक्‍नीम’ देंनीनी” देंत।

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

यूहन्‍ना 13:18

मिनु येसुमी “गो नेल्‍ल इन पर्बम लोव़ मपाइनुङ। आं योव़शो आन कली तुइक्‍नुङ। परमप्रभु यावे आ ब्रेक्‍पाइश्‍शो लोव़मी मार ब्रेक्‍शो बाक्‍ब देंशा हना ‘आं शोब्‍ले जाइबमी आं कली साइक्‍चा कली आ खोइल क्‍युक्‍तु’ दे ब्रेक्‍शो बाक्‍ब। मुल मोदेंशो दुम्‍चा चिक्‍ताक्‍व। भजन संग्रह ४१:९

यूहन्‍ना 18:28

मिनु नोले मेको ग्‍याइक्‍बपुकीमी येसु कली काइयाफास आ बाक्‍तीक रे पिलातस आ खिं गे लाइक्‍तेक्‍म। मेना नां सोव़चशो बाक्‍माक्‍त। मिनु मेकोपुकी पास्‍सा चाड ङा भोज जचा कली ठीक दुम्‍शा बाक्‍शो बाक्‍तेक्‍म। मोपतीके मेकोपुकी पिलातस रोमी दुम्‍शो आ पर्बम मथिचा ङा बाक्‍त, दे आ खिं आगा मओव़म।