येरमीया 6:8 - Sunuwar Bible

⁸ गे यरूसलेम, एको इ कली अरेशो मपाप्‍तीवी हना, गो इ कली तशा ग्रांग्रा दिशा प्रोंइ‍नुङ। गो इ कली गोरशो नु मुर मबाक्‍शो सेल्‍नुङ” देंत।

येरमीया 6:8 ပူးပေါင်းရင်းမြစ်များ

भजन संग्रह 2:10

मोपतीके गे पिपपुकी, जोक्‍ब तुइक्‍ब दुम्‍शा बाक्‍कीन। गे निसाफ पाइब हिंशा, होस पा रुप्‍ब दुमीन।

भजन संग्रह 50:17

गे आं शेंशो लोव़ ग्रांग्रा दीतीनी। मिनु आं लोव़ प्रोंइतीनी।

भजन संग्रह 94:12

परमप्रभु यावे, गे सु सु कली सजाइ गेशा, शेंदीनी, मेको ग्‍येरसीशो मुर दुम्‍नीम। मारदे हना मेको आन कली इन अरेशो लोव़ शेंनीनी। अय्‍युब ५:१७

हितोपदेस 19:20

नोफा दाइश्‍शा अर्ती नेंशा, शेंतीक टिने। मो पाइतीनी हना, तुइक्‍तीक पाइश्‍शो मुर दुम्‍नीनी।

हितोपदेस 4:13

अर्ती कली मिम्‍शा, मेको कली मप्रेंदो। मेको कली टिवो। मारदे हना मेको इ ब्रोंइतीक बाक्‍ब।

येरमीया 17:23

तन्‍न मेकोपुकीमी मनेनेम। आन नोफा मदाइक्‍तेम। मिनु मेको आन थुं खकटा दुम्‍तीके मटीमे नु शेंशो नेंने मबिस्‍सम। येरमीया ११:८

येरमीया 2:15

गुप्‍सपुकी मेको कली तशा ग्रीनीम। ठेयब सेंदा पा ग्रीनीम। मेकोपुकीमी आ रागी कली मुर मबाक्‍तीके सेल्‍तेक्‍म। मेको आ सहर नेल्‍ल ब्रेत्‍तेक्‍म। मिनु मेकेर मुर मबाक्‍नीम। येरमीया ४:७

येरमीया 31:19

गो नोले शोंइसीशा, इन गे लेत्‍ती। आं हेंथे पशो तुइक्‍तु नोले आं कुचु तुप्‍ता। गो मुने दोक्‍ती। मारदे हना गो आं ठिटा ना ङा पाप कुरशो बाक्‍ती” दे ङाक्‍शा देंत।

येरमीया 32:33

मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। गो मेको आन कली शेंना शेंन बाक्‍ती हना यो, मनेनेम रिम्‍शो पचा कली ममिम्‍तेम। येरमीया २:२७

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

येरमीया 7:20

मोपतीके परमप्रभु, परमप्रभु यावेम “आं गाइश्‍शो नु आं चुरशो मेकेर मोइक्‍चा माल्‍ब। मुर, बी ब्‍यफ, क्‍यारश भेडा, रू ङा रवा नु रागी ङा मारेइ मारेइ आन तारी मोइक्‍चा माल्‍ब। मेको मकाप्‍ब मीम नेल्‍ल दाक्‍ब” दे परमप्रभु यावेमी देंत।

येरमीया 7:28

गे मेको आन कली ‘एको परमप्रभु यावे, आन परमप्रभु आ लोव़ मटीब रागी ङा मुर बाक्‍नीम। सजाइ ताम्‍तेक्‍म हना यो, मरुबेम। मिनु मेको आ पचा माल्‍ब देंशो मपामे। थमा लोव़ जाम्‍त। मेकोपुकीम जोल ला पाइनीम। येरमीया ५:१

येरमीया 7:34

मिनु गो यहूदा ङा सहर नु यरूसलेम ङा लां रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। मारदे हना रागी मुर मबाक्‍तीके दुम्‍ब” दे परमप्रभु यावेमी देंत। येरमीया १६:९; येरमीया २५:१०; येरमीया ३३:११

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

इजीकीएल 23:18

मोपा मेकोम नेल्‍लेम तचा ङा पा तेल्‍लेम पा, आ शिश्रा रां नेल्‍ल आन कली कोंइताक्‍व। मिनु गो मेको आ दिदी कली खोदेंशो पा, मेको कली यो ग्रांग्रा दिशा प्रोंइता।

होसे 2:5

मेको आन ममा जोल पा अर्को मुर नु गाक्‍त। मेको आन कली मुने पा थिशो बाक्‍त। मेकोमी ‘गो आं कली दाक्‍ब वोंइश खोइक्‍नुङ। मिनु मेकोमी आं कली जचा तूचा, ऊन नु सुती वा, तेल नु अङगुर शांबु गेब’ देंत। येरमीया ४४:१७

होसे 9:12

मेकोपुकीमी आल थिशा कोल्‍पाइक्‍तेक्‍म हना यो, गो का सम्‍म यो मप्रोंइथु लाइक्‍नुङ। मिनु गो मेको आन कली प्रोंइशा ङोन लाइक्‍नुङ। मिनु मेको आन कली ठेयब श्‍येत दुम्‍ब।

लेवी 26:34

मिनु रागी श्‍येत्‍थ दुम्‍मेनु, मेको आ नाइक्‍तीक बर्स ग्‍येरशा मानेब। मिनु गेपुकी इन जोरी सत्रु आन रागीम बाक्‍नीनु, इन रागी चहिं ग्‍येरशा नांइसीब। लेवी २५:२; २इतिहास २६:२१

सेफन्‍याह 3:7

मो पङा नोले मेको सहर ङा मुरपुकी आं कली तशा मान पा हिंनीम। आं देंशो पाइनीम, दे मिम्‍ताङ। तन्‍न मेकोपुकीमी ङोंइती क्‍येङा मरिम्‍शो गेय पाम्‍तेक्‍म” देंत।

ब्‍यवस्‍था 32:29

मेकोपुकी निप्‍स पाइश्‍शो नम हना, एको लोव़ रुबेम वा। मेको आन बेक्‍तीक तुइक्‍तेम वा।