येरमीया 6:6 - Sunuwar Bible

⁶ मुर नेल्‍ल आन परमप्रभु यावेम “मेको आ रवापुकी क्‍योरशा तिमीन। मिनु यरूसलेम ङा गारो ङोइक्‍तीक सेलीन। मेको सहर कली सजाइ गेचा माल्‍ब। मेको सहर मरिम्‍शो पतीकेम ब्रीशो बाक्‍ब।

येरमीया 6:6 ပူးပေါင်းရင်းမြစ်များ

यसैया 37:33

मोपतीके परमप्रभु यावेमी अस्‍सुर ङा पिप आ पर्बम “मेको सहरम मजाक्‍ब। ब्रा का यो मआप्‍ब। सहर आ ङोंइती ब्रा तेक्‍तीके मकुरनीम। सहर ओव़चा कली गारो ङोइक्‍तीक मसेल्‍नीम।

येरमीया 20:8

गो लोव़ पची ना ठेयब सेंदा पा लोव़ पचा माल्‍नुङ। गो हुश ख्राक्‍श बोक्‍चा नु खतम दुम्‍चा आ पर्बम ला ग्रीनुङ। परमप्रभु यावे आ लोव़ नाक्‍त रेन आं कली शुक्‍शी पाइक्‍तीक नु मरिम्‍शो पाइक्‍तीके दुम्‍त।

येरमीया 22:17

तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।

येरमीया 32:24

कोव़ङीन, एको सहर आन के सेल्‍चा कली नु गारो ङोइक्‍चा कली लां सेल्‍चा कली मार मार तेल्‍तेक्‍म। मेको सहर कली तरवार, अन्‍काल नु मुर बेक्‍तीक रोइम पतीके, मेको लडाइ तोइब कल्‍दी आन गुइम दुम्‍त। गे मार देंनी, मेको दुम्‍त। गे आंमा ताइनीनी।

येरमीया 32:31

एको सहर सेल्‍मे नाक्‍त रे मुल सम्‍म आं कली गाइक्‍पाइश्‍शा, चुरपाइश्‍शा पतीमी। मोपा गो एको कली आं ङोंइती रे तिल्‍नुङ।

येरमीया 33:4

इस्राएली आन परमप्रभु यावेमी “एको सहर ङा खिं नु यहूदा ङा पिप आन खिं प्रेश्‍शा, कल्‍दी नु लडाइ पचा कली सहर आगा रे यो गारो ङोइक्‍तीक लां सेल्‍नीम। यसैया २२:१०

येरमीया 39:1

यहूदा ङा पिप सिदकीयाहम सासन पवा आ ९ बर्स १० महिनाम बेबीलोन ङा पिप नेबुकदरेसर नु मेको आ लडाइ पाइब नेल्‍ल जाक्‍शा, यरूसलेम कली लडाइ तोशा एर ओंथ नेल्‍ल रे पुम्‍ताक्‍म। येरमीया ५२:४-१६; २राजा २५:१-१२

येरमीया 5:29

मार, एको आ पर्बम, गो मेको आन कली सजाइ मगेनुङमी? मिनु गो एको रागी ङा मुर आन कली क्‍येक्‍क मलेत्‍नुङमी?” दे परमप्रभु यावेमी देंत। येरमीया ५:९

येरमीया 5:9

मार, गो एको आ पर्बम मेको आन कली सजाइ मगेनुङमी ङा? मार, गो ओदेंशो रागी ङा मुर आन कली क्‍येक्‍क मलेत्‍नुङमी?” दे परमप्रभु यावेम देंत। येरमीया ५:२९; येरमीया ९:८

इजीकीएल 4:2

मिनु मेको कली पुम्‍शो कोंइदो। मेको आ एर ओंथ लडाइ पचा कली लाइश्‍शो खिं सेलो। मिनु मेको आ गारो ङोइक्‍चा कली खप तेलो। एर ओंथ लडाइ पाइब आन बाक्‍तीक सेलो। मिनु आ एर ओंथ मेको गारो प्रेत्‍चा कली मुडा ठीक सेलो।

इजीकीएल 5:5

मिनु परमप्रभु यावेमी “यरूसलेम एको बाक्‍ब। गो मेको कली रागी रागी आन दातेम वोइक्‍ता। मेको आ एर ओंथ नेल्‍ल रागी बाक्‍नीम।

दानीएल 11:15

मिनु नोले उत्तर ङा पिप जाक्‍शा, दक्‍खिन ङा राज्‍य इन गारो हिरशो सहर पुम्‍शा, आंम के सेल्‍ब। दक्‍खिन ङा लडाइ पाइब ब्रुइनीम। मिनु मेको आन नेल्‍ल क्‍येङा बोल्‍यो लडाइ पाइब आन सक्ति यो जाम्‍शा लाइब।

सेफन्‍याह 3:1

मेकोमी “आं देंशो गेनायो मटीब, ग्रांग्रा दिचा ङा नु मुर आन कली दिप्‍ब सहर बाक्‍ब।

लूका 19:43

नोले इ जोरी सत्रु बोक्‍शा, इ कली एर ओंथ रे पुम्‍शा, तेइ लचा मगेथु, गारो ङोइक्‍नीम।